يـــوم مع بــو ضـــروس :)

بوضروس شخصية جميله ابتكرتها صديقتنا صاحبة بلوق النوري

لعبة ظريفة ذات ضرسين صفر اطلقت عليها اسم بوضروس لأنه لايق عليه

انطلق بوضروس في جولاته ورحلاته ببرنامج الانستغرام ومن كثر محبينه في اكاونت النوري اضطر يفتح له اكاونت بالانستغرام ويكون له قاعده خاصة من المعجبين

Instagram : @bothroos

ذاك اليوم كنت ماخذة اجازة وبسابع نومة لما دخل علي الوالد يقولي منو بوضروس ؟ لوووول قمت من النوم ميته ضحك وطلعت له بوضروس من الجيس ههههههه يا حليلة زايرني من صباح الله خير !!

يوم كامل بيكون بوضروس معاي وفولوورز الانستغرام كانوا متابعين الجولة أول بأول بعضهم حبووه والبعض الاخر قالوا سخيف وماعجبتهم الحركه ! التغيير مطلوب احنا مو ميانين .. نتابع الرسوم المتحركة ونموت على نعمان وليلحين نستانس لما نشوف شخصياتنا القديمة المفضله بملابس بأعياد الميلاد .. فليش لما ابتدعنا شخصية حليوة نقدتوا وقلتوا سخيفين وميانين ؟ ناس غريبة (فصلة تحلطم) المهم بوضروس يحليلة كان متنقص لي ككاو ماقصر كريم نفس صاحبته

بعدها كشخ يمي بالسياره وانطلقنا الى الافنيوز لتغطية مهرجان الزهور 😀

الورد جميل جميل الورد .. الورد جميل وبوضروس الورد 😛

اللي بيقول شلون طلعتيه وصورتيه اقولكم طول الوقت حاطته بجنطتي ومستحية اطلعه لكن الله انقذني وشفت صديقة الطفولة نورة واميمتها العسل واهم من متابعين الانستغرام بعد وساعدوني بهالجم صورة وتغلبت على المستحى وبوضروس منشكح

هني كان يغني Del to pagal hai del devana hai 😛

وماقصر بوضروس دفع دينار وشرى وردة من الهلال الاحمر

يحليلة طلع مثلي يحب ستاربكس وقلتله تنقى وطلب فرابتشينو

من الزهور الى الزيوت .. جولة سريعه الى محطة البانزين وبوضروس تعرف فيها على الطيَب نصيب علشان يغيرون دهن السياره

استدعل بوضروس لما دخلنا مركز سلطان وتنح بقسم الحلاو والككاو وقام يتنطط من رف لي رف 😛

بعدها ردينا البيت نريَح شوي والتقى بوضروس بقطيواتنا الحلوين وسيَر عليهم

بالليل كنت معزومة عند لازورد وتذوق بوضروس اطيب الحلويات منهم ليما اختربوا ضرسينه خخخخخ

الصبح يات السيارة وخذت بوضروس .. باي باي بوضروس

كنت يمكن اول وحده اخذه بعدها زار اكثر من بلوقر سويره وام عزيز ونيو كويت برايد ودندرمة والتقى مشاهير مثل طلال الياقوت ومايك مبلتع والدور على الباقين بعد واحتمال يسافر بعد عقب ماصار شخصيه مهمه خصوصا بالانستغرام

واللي حاب بوضروس يزوره من البلوقرز خل يطلبة من النوري وماراح تقصر

على فكره انا ابيه من 1/6 الى 10/6 اذا كان فاضي ؟ ممكن؟

18 comments

  1. sanyoraa says:

    هههههههههه وناسه والله
    بس عادي بالنسبة لي انا والله اطلعه واصور وياه
    حلوة التغيير ليش لا ؟! مو كله بروتين واحد
    وتسلم افكار النوري خوش حرركه
    ومو هيّن بو ضروس هذا صار مشهور 😛

  2. Jacqui says:

    Hehehe ya7laila shakla estanas eb hal ward o el 6abee3a 😛 Ma sa2alech “E7na wain” hehe (ekht “men wain”) akeed ma kan emsadeg ena e7na bl Kuwait weya hal ward el 7elo hatha? 😛

    O ely egolon 3ana sakheef ohma el sakhefeeen walla 😛 Glad you had fun o he did too! 😛

  3. Dema says:

    Looooooooool zoqa bu thros i love him so cute way 7abet el idea hahaha so funny bakhtha one day fe thyaftna:p

  4. amatraveller says:

    a7eebaaaaaaaaaaaaaaaah o a3sheqa b3d loool !! e7na m7tajeen el taghyeer !!! o klaamich 9a7 ! ana wa7da lma al7een arakith wrah aflam disney o elshakh9eyat eli a7ebha !! we need the change ! we need to have fun ! o bo thoors kil el fun lol ! etyaanin eljawla pink :* a7la jawla wallah :*

  5. Danderma says:

    و أنا أقول ليش لمن قعدته بالسيارة ما كان يبي يربط حزام الأمان!

    أثاري الوضع عندج سبهللة! ماكو حزام! يبا ما يصير أول ما ركب عندي ربط الحزام… بس بنص الدرب انحاش!!!

    ربع ريلي بالدوام يقولون له ييبه لنا!!! تخيلي! بقول حق النوري نسوي دور ثاني…

    • PinkGirl
      PinkGirl says:

      لووووول اي انا سبهلهل ما احب القمته والحزام
      خل يوديه لهم مع بوتوتي هههههه

  6. bnt jaber Blog says:

    ههههههههههههههه والله يونس شكله يهببل يلا ان شالله نشوفه نجم بالتلفزيون وله مسلسلات وحلقات يومية نتابعها مثل بوقتادة وبونبيل

  7. bnt jaber Blog says:

    بس نسيت لا اسالج اهو ينباع والا النوري مسويته بيدها ؟ لانه والله شكله يووونس احب انا جذي اشغال

  8. absa says:

    this is supeeer cuteeee..where can we get it 🙂 …. i do not understand arabic 🙁 ….
    and i think the post is about something else :S
    thank you

    • PinkGirl
      PinkGirl says:

      lool the doll belongs to alnoury blog and bothroos the name of the dall has a instagram account 🙂
      she gaves it to me one day to review my day out with him 😛

  9. سارونة says:

    ابيه ابيه بينك شي شي شي بوضروس بعد كشخة مو هين والله اول شي جيس كارتير توقع ان فيه هديه لج وثاني شريطة ايمريس والله طلع مو هين بوضروس شغل ماركات منو يقيش عليه
    اي للا بساالج اشوف راح المستحي صار ينفز من رف الي رف بالحلويات يختج شكله يحب الدبق

    • PinkGirl
      PinkGirl says:

      لووووووووول اي دبق هالبوضروس وكشيخ لا يغرج ضروسه الصفر ههههههههه

Comments are closed.