Danderma’s Tea Time :)

صديقتي ام طينة خفيفة دندرمة من نزلت شقتها اليديدة واهي تقولي تعالي شربي جويهتج عندي وتدرون لوية الدنيا ماصار نصيب امرها الا بعد موعد وكان هالموعد امس وكنا مخططين على الطاولة اليديدة برا وعلى حظنا كان غبار لكن هيهات ثم هيهات الخطه تفشل

انا قلت جاي واستكانات وقروضات (شفيني قلبت حبابة) اقصد مكسرات 😛

اثاري الحبيبة ناوية نيتها عزيمة بحق وحقيقي وجو رومانسي وسنع ومنع وشموع وشغل عدل يختي هالدندرمة نزااااكة

والله نسيت الغبار وريحته حسيت نفسي رايحة جزر القمر خوش قعدة عسى الله يبارك لج ياوخيتي

حتى الزرع منور 🙂

خل نشوف دندرمتي شحاطة مما لذ وطاب للاحباب احم احم 😀

معجنات ميني زوغه شكل وطعم  وقبل لا تسألوني بقولكم من صافي بالنزهه 🙂

Hayouni’s Kitchen نانو بومبس من

Tel : 50590456

Yooni Bar واحلى شي بهالجو عصاير

مخصوص Pink Lady بعد قلبي دندرمة طالبتلي

الانواع الثلاث بدون مبالغه عجبوني بس اكثر شي البينك طبعا 🙂

يحلو ورق العنب مغلب بالروز

واحنا قاعدين بأمانة الله مانسمع الا طااخ طااااخ ولا جمعية الزهراء عندهم مهرجان الافتتاح ومسوين اطلاق العاب نارية 🙂

وناسة على قولة دودو محتفلين فيج 🙂

وصار وقت الجويهه .. وادري بتقولون من وين الاستكانه واقولكم من جاي شوب بالراية

هالكيكة عذااااب اسمها كيكة مناير من صافي

قرص عقيلي وبالوسط صلصة نفس المحلبيه ومن فوق الصوص جنه كسترد وزرشك خلطة شريه تراثيه خطيرة انصحكم فيها بصراحه اختيار خطير 🙂

النانو بومبس هم لذيذ ذكرني بحلو ذا كيتشن بس بجارز

كور من الدايجستيف لذيذذذذة بصلصة اتينن

حبيبتي دندرمة مشكورة على هالقعده الحلوه وهالاختيارات العجيبة وعساه منزل عامر مبارك يالغاليه  :***

24 comments

  1. امون says:

    علييييييكم بالعافيه روعه

    بليز عطيني رقم صافي

    يوصلون ؟؟؟ بليز عندي استقبال وبكشخ 🙂

    • PinkGirl
      PinkGirl says:

      الله يعافيج حبيبتي
      هذا رقمهم 22515818
      مادري والله سأليهم 🙂

  2. mnmn says:

    عسى الله يديم هالمحبه و يخليكم لبعض ولا يفرقكم قولو امين شحلات قعدتكم رفيجتج ذربه ما شاء الله عليها

  3. bnt jaber Blog says:

    ماشالله ماشالله رووعه تهبل القعدة والحلو الالعاب النارية سبحان الله جنهم يدرون انج موجوده لوووووووول يا حلات النانو بومبس جم رقمهم ويوصلون انتي من قلتي دايجتسف وانا ذبت لووول

  4. dana says:

    please pink aby raqam 9afi malat elmu3janat + shenow y3ni hathe ile bel glaaa9 nano shenow 6a3mah shnow mukwenatah :$

    • PinkGirl
      PinkGirl says:

      هذا رقم صافي 22515818
      البوبس الصلصة كريمه وهالسوالف ماعرف بالضبط وداخلها كور من الدايجستف

  5. سارونة says:

    ماشاللله عسي منزل مبارك لها ماشالله خوش تقديم تبارك الرحمن سنعة دندرمة شي حلو وذرب تبارك الرحمن وخاصة عجبني استاند اللي فيه معجنات شي حلو
    وعليكم بالف عافية كلشي زين وعلى مستوى بصراحة
    والله يخليكم حق بعض
    وخوش الالعاب نارية وانتي صاجة يو في وقتهم

    • PinkGirl
      PinkGirl says:

      allah y3afech 7iaaty .. testahlen al6eeb :*
      eee methel ga3dat alba7ar ma athar fenaa alm6ar kan wanasaaaa 😀

Comments are closed.