امس كنت تعبانه شوي و طول وقتي بغرفتي بين غافيه وبين قاعده ونوعي لما اتعب احب اكون بريحاتي وطرى على بالي اغنية قالتها حياة الفهد بمسلسل على الدنيا السلام (عدت يا يوم مولدي) !! ماعرف الاغنية الا من هالمسلسل لوول ولما سويت سيرج لقيتها تضيق الخلق
عدت يا يوم مولدي **عدت يا أيها الشقي
الصبا ضاع من يدي **وغزا الشيب مفرقي
ليت يا يوم مولدي ** كنت يوما بلا غد
قعدت افكر بالكلمات بما ان مابقى على عيد ميلادي المجيد الا 4 ايام بس .. شقي وشيب وبلا غد حسبي الله على بليسج يا محظوظة انا اقول انزل يا جميل بالساحه واايد احلى لوول
الايام طياره مشاء الله صج اذا قالوا كله من اعمارنا .. شريط ذكريات يمر علي ايام الطفولة واعياد ميلادنا انا واختي اللي تشاركني عيد ميلادها بنفس الشهر ودوم الوالدة الله يرحمها تخلي عيد ميلادنا مع بعض
لما نقول عيد ميلاد و حفلة كانت حفلاتنا اول صج صج حفلات صح الحين الزينه احلى والفناتق اكثر لكن اول القليل كان يفرحنا ولو ان امي الله يرحمها ماكانت تسوي شي قليل والله اتذكر حتى الالعاب اللي توزعهم على اليهال كانت مو اي شي كلها من شرق مو بو 100 بعد قلبي كانت تحب الزين وتقعد تغلفهم بايدياتها وتكتب على كل واحد من المعزومين اسمه على الهدية جنه عيدميلاده مو عيد ميلادنا واحنا ناطرين الهدايا 🙂 والكيكة لالالالازم تكون من العالمية اللي بالسالمية كان ابو الكشخه عشتوا كيكه يحجي ذيج الايام
اما المعازيم كل الفريج مشاء الله والصاله فل ماكو مكان احد يقعد مايبقى عيوز بالفريج مو معزومة 😛
وبنص الثمانينات صارت هبه ثانيه بالكويت اعياد الميلاد بهارديز والارنب الجائع .. هارديز الشامية حفظونا من كثر ما نسوي اعياد ميلاد عندهم 😀
اما التسعينات الكيكة لازم مطبوع عليها صورنا واحنا صغار ليش مادري هبة البرنت على الكيكة ولاتزال موجودة
والحين اغلب اعياد الميلاد بالمطاعم كيكة صغيره وصفقتين من الفلبن ومع السلامه .. رفيجاتي الله يخليكم مابي فضايح هالسنه 😛
سنه جديدة بتبدا من عمري بعد جم يوم يارب تكون سنه خير ونجاح وصحه وتوفيق
وهذي جم صورة من ارشيفي لأعياد ميلاد الثمانينات يا زينها من ايام وبما ان عيد ميلاد دندون اختي معاي اقولها كل عام وانتي بخير اخيتي الغاليه :*
سوري هذي الصورة مو من الثمانينات ماكان حزتها في نت ابورتير 😛
من ابلة نوره Early Birthday Gift هذي
مشكورة واااايد حبيبتي عسى الله لا يحرمني :*
Happy Birthday Dear :-****
o Allah yer7am alwalda enshAllah o ye3’amed ro7ha aljana ya rub
thanks 7bebty o jzach allah 5er :*
كل سنة وانتي بخير وعافية ومن نجاح الى نجاح يااارب والله بوستج مادري ضحكني وبجاني بنفس الوقت الصور وايد ضحكتني وخلتني ارجع جم سنة ورا واللي بجاني حجيج عن امج الله يرحمها ياارب ويجمعكم بالفردوس الاعلى يا رب العالمين جني اشوفج تشوفين الصور وتدمع عينج 🙁 بس ثقي بالله ان الله اذا اخذ شي عوضج خير لان الله ما يظلم احد سبحانه وباذن الله باذن الله هالسنة بتكون كلها افراح ونجاحات يارب العالمين انتي حيييل طيبة وتستاهلين كل خير واحلى كيكة واحلى هدية اهديها لج ولج طولت العمر يارب ,اختج بنت جابر
وانتي بخير يالحبيبة تسلمين لي عالكلام الحلو .. الحمدلله على كل حال ربي يرحمها برحمته واهي عند اللي احسن مني والله يصبرنا على فراقها :*
Happy Birthday Dear ^_^
الله يجعل ايامج كلها بشاير وسعاده وهنا يا رب
صور الكيكات الرهيبه اغرتني وحزنتني شوي على عمري لان في كل ايام ميلادي محد سوالي كيكه وشموع وحركات .. الا مره وحده بس العام !.. تخيلي؟!!بعد ما صرت ديناصور!! خخخخخ
Thanks dear
الديناصورات عاشوا ملايين السنين خلف الله علينا اذا وصلنا 50 زين هههههه كل عام وانتي بخير وفالج بالياي ان شاء الله 🙂
7yatiiii panoka il jamela kil sena wenta bse7a o 3afia
O 3aleeeech bmallion 3afia il gift ;*****
o enty b5er ya taw2am ro7iii :*** o allah y3afech ya rab
kil 3am o entay b alf khair moqdaman 🙂 o sej a7la ayaam el themanenaaat o kel shay feha ghair
o enti b5er 7bebty ,, e walla jeel kamel ‘3er 🙂
مبروووك مقدماً و الله يخليج حق اختج ويخليها لج
إذا عيد ميلادج بعد 4 ايام عيل أتوقع اليوم عيد ميلاد اختج
🙂
يالله مبروكين وعؤبال مليون سنة انشالله
🙂
الله يبارك فيك اخوي مبارك ويخليلك غاليك ياربي ونفرح بعيد ميلاد وليدك فارس ان شاء الله .. لا اختي ب 17/4 وانا ب 14 🙂
الله يسلمج أختي
لوول أوكي توقعاتي طلعت مو مضبوطه
بجرب أتوقع السنة الياية يمكن تضبط
😛
لووول خلاص ننطر تعليقك السنه الياية بو فارس ويا ويلك ان نسيت التواريخ ترى ان نسيت بخلي علوقتك الشايب 😛
Happy Birthday
وكل عام وانتي بالف خير يارب
يا ( طيبوبة (
والله ذكرتيني باعياد ميلادنا ولازم يكون كيكتين ليش ما ادري كيكه عيد ميلادي وكيكه بلاك فروست
ولازم معجنات وكبب وبيتزا
ويا حلو ايامني كني نذكرها مو الللحين تقطين فلوس وبنهاية مومستانسين على الحفلة ولازم يطلعلج احد معذرب
والله يرحم اميمتج ويرحمها برحمته الواسعة والله يخلي لكم الوالد ويطول في عمره يارب ويخلي لج كل احبابج يارب
وتعودينه كل سنه وانتي طيبة يارب
بعد قلبي مشكورة وانتي بالف خير ياربي :**
Happy B.Day for both of you 🙂
Thanks brother 😀
Happy birthday pinkoo :*** wish you many happy years ahead inshallah
Thanks Moooodmoood :****
Pinkgirl ma3endi 7ache agoola kel ele ebale galoh ele gable !!!
Kel 3am wntay eb alf khair 3asaha senna 7elwa 3alech yarab et7qaq kel amnyech o ewfgech o ekhlelch obyech o khwatech o yarzqech eb weld el 7alal ele ekhaf alaah fech wetl3ech emtala3 o e7ofech 700f!!! Testahlain kel khair o keep smiling el 7ayat 7elwa 🙂
o enty b5er 7bebty teslmeenli ya al’3alya :**
كل عام و انتي بخير و رجعتينا للزمن الجميل
وانت بخير يا رب 🙂
حبيبتي بنكية كل عام وانت بخير انت واختج ام نصور وانشالله والعمر كله
تصدقين من اول امس قاعدة اقول الحين شهر ٤. عيد ميلاد بنكية وقاعدة اذكر اليمعة لمن ايي عيد ميلادج واذكر اميمتج الله يرحمها واهيا مشتطة معاكم ومستانسة
لا وقاعدة اقول اروو بنتي لو ناطرة ٤ تيام جان صار مع عيد ميلاد بنكية بس ياالله عال اقل نفس الشهر يذكرني بعيد ميلاد اخيتي بنكية ، وعس يابنكية ايامج كلها أفراح وإنجازات
وانتي بخير حياتي .. اي والله يازين يمعات اول تينن الزمن تغير وانا اختج عسى الله يجمعنا دوم على خير
وكل عام واراوي الحلوة بخير ياربي تفرحين فيها عروس :*
كل عام وانتي بألف صحة وعافية يا طيبة وأم طيب يا وردة البنات
العمر كله ياااارب وذكرياتج دوووم حلوة وجميلة تذكرينها وعسى الله يغفر لامج ويرحمها برحمته ،، فديتج طيووووب عجيبة انتي
وانتي بخير نوال حبيبتي تسلمين يالغاليه :***
كل عام انتي و اختج بألف خير
انا اذكر عيدميلادي ايام التسعينات عال94 95 الكيكه على صورتي لول من لابجيت
و الثمانينات بلاك فوريست لول و مرززين عليها الشموع الكبار الحمرر
وانتي بخير حبيبتي تسلمين
اي لابجيت وعليه اول هجوم عليه وفجأة قام يخوره وطاحت سكته حسافه عليه
Happy Early Birthday o 3asa allah edooom 3laaich akthar mn sena o akthar mn melad 😀
Ayam awal sej kanaw el a3yad el melad a7la ehhe mo al7en kel wa7da etsaweelaha “Spa Party” o madre shino 😛 Awal Hardees o Hungry Bunny o edeeelo 😛
Thank u Jojo :**
e walla edelooo men galb hehehe a7la years wallah
Comments are closed.