Review : Shake Shack Experience

Shake Shack امس كنت معزومة لتجربة جديدة في مطعم

شيك شاك من اشهر وافضل مطاعم البرجر عالمياً كانت لي تجربة للمطعم بفرعه بدبي لكن في الكويت هذي اول مره ادخل له ! ادري غريبة 🙂

بصراحه وقبل لا اكتب تجربتي كامله اقدر اقول ان شيك شاك اصبح من افضل المطاعم في لستتي الخاصة اذا قررت استمتع بتناول البرجر رغم اني سمعت ان البرجر اللي عندهم ثقيله لكن صج اللي يقول التجربة خير برهان والبرهان في صلب الموضوع 🙂

بما اني كنت معزومة فدلعوني شوي وماخلوني اوقف طابور واختارولي على ذوقهم لكن طريقة الطلب عندهم موجوده في بوست سابق بدبي اضغط هنـا

وصل الاكل ومن قال كنَا يواعه

شاك برجر : وتتكون من الجبنه الامريكية اضافه الى الطماط الخس وصلصة الشاك الخاصة

البرجر خفيفة وطرية جداً جداً جوووسي ولذيذة والمكونات اللي داخلها كلها فريش وواضح من شكل الخضار

الخبز اللي يستخدمونه بطاط بون خاص لشيك شاك واللحم على حسب اللي عرفته انه من اجود الانواع وخالي تماماً من الانواع المحقونة بالهرمون وهالشي يخلي شيك شاك مصنف من البرجر الصحي

الهوت دوق : كانت على طريقة شيكاغو ومكوناتها الماسترد البصل الطماط البيكلز او المخلل

بالنسبة لي مو من ربع الهوت دوق كليت منها شوية وعلى حظي حاشني لسعة هالبينو بعد فلا تاخذون برايي واخلى هالتجربة لمحبي الهوت دوق احسن

الفرايز عندهم نااار

انا ومع الاسف من عشاق البطاط وبعد يكون فوقة جبن يا ويلي :/ كلمة وحده باختصار بطاطهم رائع

ونقدر نقول 25% اقل فات من باقي انواع الفرايز بس اكيد بدون جبن 😛

الكتشب حبيب الملايين لابد منه مع الفرايز

Shroom Burger

للنباتيين شيك شاك عندهم برجر فيجي عباره عن بورتابيلو مشروم كبيرة وداخلها جبن مجرد ماتاكل قرمة تلقى الجبن سايح بطريقة الفوندو 😉

من الاشياء المميزة ايضاً عند شيك شاك الكاسترد او الايس كريم وهذا العرض السبيشال خلال هالاسبوع

وهذا المنيو الجديد للكونكريت ايس كريم وتقدرون تختارون المكونات جاهزة او من اختياركم

موظفات شيك شاك موجودين يذوقونكم نوع هالاسبوع من الكونكريت

وبما صار الصيف يحلى الايس كريم هالايام وهم الاحلى تجربون كونكريت شيك شاك

بما اني واغلب الايفونجية ادمان على برنامج انستغرام وانا هناك نزلت صورة للغدا ومشاء الله ربع ومحبي شيك شاك وايد وصل ال لايك للصورة اكثر 120 في 5 دقايق @@ مشاء الله

وبعد ما وصلت البيت انصدمت بالرقم 1504 وصارت الصورة على صفحة البوبيولار 🙂

على كثر ما رحت مطاعم وصورت ستاف لكن موظفين شيك شاك يستحقون جائزة ههههه اول ما قلت لهم صورة فلمح البصر التم الجميع يحليلهم 😀

you are ROCK Guys 🙂

i would like to thank Mr. Fahem (Marketing Manager) & Mr. Mohammed (E-Marketing Executive) for the invitation and all the staff for their kindness and friendly

Shake Shack is located in The Avenues Phase I

15 comments

  1. Abdullah says:

    like ur post lately it seems that ennich tyeen el avenues akthar menny:P !
    last posts all about the avenues 😛

  2. سارونة says:

    خوش غدا عليج بالعافية بس انا للاسف ماجربته الكل اجمع انه اكله ثقيل يقعد على الجبد
    بس شكلي باكسر القاعده واجرب الفيجي النباتية لان انا نا احب اللحوم

    وعليج بالعافية

  3. الامل says:

    بنك حرام علي عاد انا خاطري فيه من متى

    مادري متى بيفتحونه عندنا بقطر

    لو سمحتي اذ مريتي مره ثانيه عليهم اسئليهم متى بيفتحون عندنا

    *_*

  4. غالا says:

    عليكم بالعافيه
    الصوره الثانيه اللي اخذتيها وقت ماكنت اصورهم فيها
    صدفه حلووووه

  5. mohammed alhussaini says:

    عوااافي زين عجيبج انا مادش مزاجي شيك شاك احسه متروس دهم مادري شلون وطعمه مومميز افضل بورغر بوتيك واوبن فليم

    • PinkGirl
      PinkGirl says:

      الله يعافيك .. بورغر بوتيك ماجربته واوبين فليم لما اروح ما احب اكل برجر استمتع بستيكاتهم والمقبلات 🙂

      • mohammed alhussaini says:

        معقوله انا مدمن برغر بوتيك من اول مابطل الحين صيانه يرد يبطل شهر ٤ لازم تجربيه لحمهم فرش ماعندهم فريزر ايلهم نفس اليوم كل يوم اللحم

Comments are closed.