FroyoNation و TheSideTalk بعد مشاورات مع
عن مكان نتغدى فيه قررنا اختيار المطعم الايراني ليالي الخيام الموجود في الضيافه فلج بالقرب من ابراج الكويت
سبق اني دخلت المطعم وشربت الشاي فقط ويات هالفرصه لتجربة الكباب الايراني عندهم
الديكورات كانت وايد حلوة داخل المطعم واكثر شي شدني الثريات الذهبيه لها لمسه سحرية عالمكان مشاء الله 
اسم المطعم جاء نسبة الى العالم والشاعر الفارسي عمر الخيام الذي اشتهر بعلوم الرياضيات والفلك واللغه والفقه والتاريخ وهو صاحب رباعيات الخيام المشهورة 
اخترنا نقعد بالتراس .. المكان روعه والمنظر واو بس بردددد
الدفايه موجوده
احلى منظر بالكويت مطل على الابراج 
المنيوو مقسم بين المقبلات والسلطات والمشاوي والحلويات اضافه للمشروبات لكن ينقصه تعريف بالاكله خصوصا ان اغلب الاكلات بأسمها الفارسي ومن يدخل مطعم ايراني لأول مره يحتاج لشرح مطول ولو تكون صورة بيكون افضل طبعاً
تعريف بالعالم عمر الخيام بأول المنيو
الضيافه الايرانية قطعه من الجبن الابيض مع الزيتون, المخلل, الخيار, الطماطم وصلصة الفلفل الحاره
الخبز الايراني اللذيذ
نسيت شسم هالاكله بس اهي عباره عن مكعبات البطاط مع صلصة الروب ومبشور البصل المقرمش .. وايد طيبـــه
كباب كبيده وارز الزرشك
توقعته احلى بصراحه يعني يستاهل 7/10
جوجا كوشلو بي اوستخون
دياي مشوي مع الارز الاخضر
الدياية وايد لذيذة بس ماحبيتها مع العيش مع الخبز الايراني كانت الذ
واخيرا جاي زعفران لكن ماحسينا بطعم الزعفران مجرد شاي عادي او شاي ايراني مثل ما قال الويتر
رانجينا
طبق ايراني مشهور جربته بأماكن وايد وكان لذيذ بس ماكان يقدم بهالطريقة كلش كلش ماحبيته 1/10 وبعد وايد عليه وكان فيه لوز وطلعت على حظي اللي كليتها محزره
ذا سايد توك اعتقد تقبلت الحلو 
Layali Al Khayyam is located in Dhiafa Village on Arabian Gulf Road next to Aqua Park
Tel : 22475987
bel 3afya
الله يعافيك 🙂
حبيبتي بالعافيه عليكم والمكان روعه خاصه بالنهار انا كنت مجربة المطعم الفرنسي اللي كان مكانه بس شلون طعم اكل الايراني
وشلون اسعاره ؟؟
وتسلمين عالاخبار الحلوه
الله يعافيج حبوبة
الاكل كان جيد كتبت رايي فيه بالبوست
والاسعار بصراحه الفاتوره دفعتها رفيجتي وماخلتني اطل فيها 🙂
بالعافيه
allah e3afech
Comments are closed.