Review : Sisters Beauty Salon

لتجربة خدماتهم Sisters Beauty وصلتني دعوه من صالون

واليوم سنحت لي الفرصة امرهم واتعرف على المكان واجرب جم شغله

الصالون يديد صار له بس 4 شهور واللي يديرونه خوات فمن هالمنطلق اختاروا الاسم سيسترز 🙂

الصالون ديكوره جداً بسيط وهادي واللي يميزة اللون البنفسجي واختيارهم لدرجه اللون بنظري جداً موفقة

خله الريشبشن فنكي .. وايد حبيته blackboard ال

قبل لا اخذ جولتي بالصالون ضيفوني بالقهوه الفرنسية والكب كيك

وبعدها عرفوني على اقسام الصالون .. مكان المساج والفيشل

وفيه مكان مخصص للزباين اللي مايحبون يختلطون بأحد ويبون مكان برايفت يقدرون يسوون فيه شعرهم والميك اب

عندهم رموش تظل فترة 6 شهور تقريباً .. وكل زبونه حابة تركب رموش يكون لها كرت خاص فيها وبنوعية الرموش وسماكتهم وكل تفاصيلهم علشان اذا رجعت بتغير شي يكونون عارفين كل شغلها

مكان العناية بالشعر

عندهم مواد طبيعيه مثل الاولفيرا والجرجير والاوفوكادو

ومنتجاتها جداً مفيدة للشعر Dancoly ويستخدمون ماركة  

وبما اني رايحه وحاطه في بالي ابي شي للعناية بشعري

اخترت يحطونلي علاج لتساقط الشعر وكان وايد مريح الوضع بدوا بالشامبوا والسكراب للراس وهذي المره الاولى اللي اسمع فيها عن سكراب لفروة الراس

وبينولي شنو الفايدة منه وانه يزيل اي شوائب من بقايا سبراي او جيل او قشره او غيرها وتخلي الفروه مستعده لأستقبال العلاج والاستفاده منه

بعدها بدا مشوار الكريمات العلاجية للشعر مع مساج مررررريح لفروة الراس مع الاكتاف الى نهاية الايد بفترة تقارب النص ساعه وهالشي يسوونه مع كل الزباين اللي يستخدمون علاج دانكولي

وبعد غسيل الشعر حطت لي سبراي يغلف الشعره عن حرارة السشوار ويحميها من التقصف .. وايد حبيت سشوارهم مرتب ومايتلزق

غرفة العناية بالاظافر

OPI و essie اصباغهم اغلبها ماركة

وبالاخير حطيت لمستي على البلاك بورد 🙂

كل الشكر للخوات إيمان ومنيرة بودي على الدعوه والاستقبال الرائع والتعامل الراقي وموفقين بالصالون ان شاء الله

الشعب البحري, شارع محمد درويش العرادي خلف نادي فليكس للرجال

Tel : 99777029

FB (Link)  Twitter (@sisters_beauty)

10 comments

Comments are closed.