كل سنة جولتي في معرض الكتاب تكون بأول ايام افتتاحه
هالسنة وايد تأخرت وخليت جولتي بآخر يوم والحمدلله اني قدرت اروح قبل لا يخلص جان تحسفت
كنت حاطة في بالي الكتب اليديدة للمؤلف المبدع عبدالوهاب السيد ورواية رتيل للكاتب فيصل الجاسم وقلت اذا في شي لفت انتباهي فخير وبركة
وبين كتب التاريخ والجغرافيه والدين والروايات والشعر والقصص القصيرة وكتب الاطفال وغيرها كانت الجولة
تذكرت ايام الابتدائي ومكتبة المدرسة لما شفت هالقصص بلونها الاخضر المميز
هبة السنافر واصلة معرض الكتاب 🙂
اجندة لايام المدرسة ملونة وشكلها حلوو وايد حبيتها 
بلاتينيوم للنشر مشاء الله نفس كل سنة الزحمة كلها عنده
والكتَاب الشباب مشاء الله عليهم متواجدين ويوقعون على كتبهم .. بلاتينيوم يقدمون وردة لكل مشتري منهم 🙂 
وانا ماره بين البوثات لمحت الشيخ محمد العوضي في بوث مكتبة العبيكان
واخيراً لقيت اصدارات المؤلف م. عبدالوهاب السيد ومشاء الله بهالمعرض منزل 3 اصدارات مره وحده
تعجبني كتاباته واكيد مافوت اني اخذ المجموعة اليديده كلها 
لقيت رتيــــــــــل للمؤلف فيصل الجاسم
مشاء الله عليه فيصل روحة حلوة ومجابل البيع لكتابه وماقصر وقع لي وابتسم للصورة 🙂
هذي حصيلتي من معرض الكتاب 2011
I’m planning to get abdulwahab books soon, no one wanted to join my visit to the exhition so I didn’t go 🙁
lo adree chan geltleech, etha tabenhum agrahum o a36ech eyahum 🙂
أنا شريت كل إصدارات الكاتب عبدالوهاب السيد وقريتهم كلهم ،، تبارك الله أبدااااااع.
انا ليلحين ما قريت الاصدارات الاخيرة بفرغ نفسي هالويك اند واندمج 🙂
عبد الوهاب السيد صج يستاهل واحد يخلص كل كتبه
اي والله يستاهل احب كتبه 🙂
حبيبتى بسالج شنو هالروايه سعوديه ؟؟ اى مكتبه ما شفتها حلوه .؟
والله ليلحين ماقريتها .. خذيتها من بلاتينيوم
Comments are closed.