لأطفال السرطان Give حفلة حملة

يوم أمس كان غير .. كان يوم عطاء وحب وعاطفة 

Give كنا على موعد مع الحفل الاول لحملة

في مستشفى بنك الكويت الوطني التخصصي للاطفال 

وصلت تقريباً بال 9 وايد استانست لما شفت البالونات

Q8 Rain واول ما دخلت شفت اختي

هالانسانه اللي بدت هالحملة الانسانيه الجميلة وكانت شعله من النشاط شي مو سهل اللي سوته تستحق كل التقدير ربي يعطيها الف عافية

عدد الهدايا كان كبير جداً وبدينا ننقلهم مكان الحفلة ونرتبهم

مشاء الله مكان الحفلة وايد حلو مرتبين الكراسي والبالونات لليهال والدي جي والعاملات اللي يرسمون على الويه ويحطون ميك اب ويعجفون .. الخ

اثناء ترتيب الهدايا

بدوا الاطفال ياخذون اماكنهم 🙂

مكان للقص واللزق

وبدت الحفلة مع فقرة الساحر ومشاركة الاطفال

الاطفال مندمجين الله يشافيهم

كانوا متواجدين بالحفل جزاهم الله خير ويايبين كمية كبيرة PICK YO

من الفروزن يوقرت الصحي لكل الاطفال بادره جداً طيبه منهم ماقصروا

يا حلوو اللي يصورونها والله

حياتي ربي يشافيكم ويخليكم لأهلكم

 Tuilpias sense الورود الجميله المقدمة من 

بيد الاطفال .. كل الشكر لتقديمهم 80 وردة للاطفال الحلوين

وصل وصل حبيب الاطفال بارني ووراه دورا وميني ماوس والاطفال حدهم مستانسين حبايبي

يسلم قلب البنيات الحلوين الله يحفظها يارب

وهني صار وقت الجولة على الاجنحه وزياره الاطفال اللي حالتهم ماتسمح بالتواجد بالحفل بعد عمري الله يشافيهم وتقديم الهدايا لهم

دخلنا اول جناح ولاحظت ان الاجنحه غير عن باقي المستشفيات مرتبه و راسمين على الاسقف والممرات

والاخوات المسئولين يعطيهم العافية KACCH جولتنا كانت مع مدام ماري من ال

الشباب ماقصروا يعطيهم العافية دازين الترولي المتروس بالهدايا ويوزعون 🙂

احلى هالهدية حق هالبيبي الحلو ربي يشافيه

هاجر حبيبتي عسى الله يشافيها قاعده بقاعة الالعاب وكويت رين قدمت لها الهدية

دكتور هني من الاطباء اللي يستحقون كل تقدير واحترام الله يكثر من امثاله كان قمة في المرح يغني ويضحك ويتغشمر مع الاطفال كنت اشوف ابتسامتهم الكبيرة بمجرد دخوله للغرف 

عبدالعزيز وحديث مع الدكتور هني .. حده مستانس مع الدكتور ربي يشافيك يا عزيز وطهور ان شاء الله

القمر نوف ربي يحفظها ويشافيها ويفرح قلب اميمتها فيها يارب .. هادية وابتسامتها تينن حياتي

صديقي الناطع عبدالكريم عسل هالولد قعدنا وياه انا وكويت رين سولفنا وضحكنا وتغشمرنا وان شاء الله ناوين نزوره مره ثانيه لأن اهوو وعدني يسوويلي شغله بإيدياته الحلوة وانا ناطرتها

هالبوكس مسويه عبدالكريم وملونه وقالي بيسوولي واحد وردي 😀

الممرضات يحليلهم وايد حبوبين

كل جناح فيه نادي ملون وفيه اشياء ترفيهية للاطفال ومرسم والعاب وغيره

بآخر جولتنا ردت لنا الطفولة وحبينا يكون لنا لمسه في احد النوادي بالاجنحه قعدنا وسمنا وعلقنا رسوماتنا 🙂

كلمة شكر لكل من ساهم في هالحملة اللي بدتها كويت رين ودعموها اغلب المدونات

في هاليوم شفت بعيون كل الموجودين حب العطاء للاخرين .. اصدقائي المدونين اللي كانوا موجودين

قواج الله انتي مو بس رسمتي البسمه على وجوه الاطفال المرضى انتي خليتينا نسوي شي بسيط فرحنا احنا شخصياً Q8Rain

Iyaa Blog, Moody, dudette, Omarker, Bloglaish, Blog37, Triple Sisters, MeenAkon

يعطيكم الف عافية على حرصكم على التواجد والمساعده اللي يوزع هدايا واللي يدز العربانه واللي يوكل اليهال وايد حبيت فيكم هالطيبة عسى الله يديم عليكم الصحه والعافية وان شاء الله تكون هذي البداية لحملات اكبر وانجح واحلى بإذن الله

Tuilpias sense, Q8Printer, empriss, PICK YO, Faro7ah, little joy كل الشكر  لدعمكم

الشكر موصول ايضاً لخواتي همسة الغانم و وجد على تواجدهم ومساعدتهم لنا رغم انهم لا يملكون مدونات

الاطباء والممرضات والعاملين في المستشفى والمسئولين انتم من تقومون بعمل عظيم كل الشكر لكم منا وربي يعطيكم الف عافية

مازال لدينا الكثير لنعطي .. لنا موعد مع حفلات ونشاطات قادمه بإذن الله 

This entry was posted in Charity.

28 comments

  1. Sn3a says:

    قلبي عورني
    عسى الله يشافيهم ويعافيهم ويفرح اهلهم بصحتهم عاجلا غير اجل يارب يارحيم

    صج صج صج يزاكم الله الف خير جانكم فرحتوهم ونسيتوهم المرض
    عسى الله لا يحوجكم لمستشفيات لا لمرض ولا لزياره
    الله يعطيكم الصحه والعافيه

    • PinkGirl
      PinkGirl says:

      حياتي انتي .. يقويج ويعافيج وامين ربي يشفيهم
      ومشكورة على الهدايا الحلوة

  2. iMaGiNaTiOn says:

    عسى الله يشافيهم يا رب وللاسف ما كنت وياكم علشان اني برا الديرة ، وان شاء الله الوعد بالحفلة الياية . وما قصرتوا والله يجعلها بميزان حسناتكم

  3. nahoola says:

    يعطيكم العافية على الحفلة الحلوة دى وربنا يشفيهم يارب

  4. eman says:

    عسى الله يشافيهم ويعافيهم .. وعساكم على القوه ويزاكم الله خير

  5. Mubarak Esmail says:

    يعطيج العافية على هالتقرير واهتمامكم بهالفئة شي تشكرون عليه وكنت أتمنى أني أكون متواجد معاكم لكن للأسف مازلت خارج الكويت

    Q8rain شكراً
    ولكل الجماعة اللي ساهموا بهالبادرة الطيبة
    🙂

    • PinkGirl
      PinkGirl says:

      الله يعافيك اخوي مبارك وترجع بالسلامة ان شاء الله
      اليايات اكثر بإذن الله

  6. Pingback: - Q8path
  7. اسورة says:

    الله يشافي أحباب الله ويقومهم بالسلامة ، الي سويتوه شي وايد حلو والواحد يفتخر فيه ، وبين هالشي ان الشباب الكويتي أعنده مسؤولية وقدرة عالعطاء ، ومشكورين وكثر الله خيركم انشالله بميزان اعمالكم

    • PinkGirl
      PinkGirl says:

      العفو حبيبتي وبالعكس ما سوينا شي هذا واجبنا وكل اللي نبيه ابتسامتهم حبايبي عسى الله يشافيهم يارب

    • PinkGirl
      PinkGirl says:

      allah e3afeech .. ma sawena shay wallah ystahlon akthar 3sa allah egaderna o nes3dhum lo bel qalel :*

Comments are closed.