واخيراً صارت لي فرصة لتدليع نفسي بزيارة لمركز مبرد للعناية بالاظافر في مبنى التجارية بالمرقاب
المبنى وايد ضخم مشاء الله وفخم بالرغم من عدم اكتماله وماكنت اعرف انه في داخله عدة محلات صغيره بالسرداب
لما نزلت السرداب كان مجابلني اشوة سهاله مكانه
اول شي لفت نظري بمبرد الاسم واللوقو .. المبرد اداة لبرد وتنعيم الاظافر واعطاءها شكل معين واللوقو بصراحه وايد مبتكر وبارز حبيته
اول مادخلت استقبلتني الاخت موضي احدى مالكات الصالون رحبت فيني وحسيت ان المكان فعلاً مكاني وبنظري الزبونه اذا حبت اصحاب المكان والعاملين فيه 100% راح تكون مرتاحة وترد للمكان مره ثانيه
وهذا اللي صار معاي بالضبط 🙂
الاستقبال مرتب والالوان مريحة وحبيت العبارة المكتوبة
Let Your Hands Tell a Beautiful Story دعي يديك تروي قصة جميلة
المكان جداً مرتب فيه تقريبا 5 اماكن للباديكير والمانيكير وهذا احلى شي علشان لا يصير زحمه والمكان وسيع تاخذين راحتج
وكل كرسيين مجابلهم تلفزيون مكانه مريح للعين
اللي مايحب التلفزيون موفرين مجلات وايد وبالعربي والانجليزي
حبيت وجود اللوقو على اغلب الاشياء مثل الفوط والكلينكس وجنطة الادوات وعلب الكريمات
ديزاين الصالون وايد راقي والوانه متناسقة
عندهم الوان عجيبة غريبة يعني اي لون يخطر في بالج موجود وبأكثر من ماركة
جانيث ولودي قعدوني ويابوا العدة وعطوني المنيو اختار التريتمنت اللي ابيه
Secrets of the Jujus اخترت
وهو علاج ملكي فاخر ومصنع من مكونات طبيعيه
ونقعوا ريولي بالماي دااااافي يريح
وبدوا المانيكير بعد وطلبت السكوير راوند شيب
عندهم ميني بار يشوق كافيه عنونووو ويابولي منيوو المشروبات ولأني ميته عطش طلبت عصير برتقال
يابولي العصير وماي وقطعتين ميني كب كيك جوكليت
كانوا شغالين باديكير ومانيكير بنفس الوقت ماقدرت امسك الكاميرا فصورت لكم ريل وحده من البنيات اللي يمي ياحلوها ماقصرت رضت اصورها 🙂
اللي حبيته انه في خدمات ثانيه يقدمونها غير العناية بالاظافر ووفروا علينا الروحة للصالون .. يقدمون علاجات مختلفة للشعر ومساج لفروة الراس وحف واكسجين
ياتني قيثري وقالتلي يالله بشوف شعرج واسويلج حمام زيت وادلعج بشوية مساج
كسرت خاطرها شافتني اكحكح
عندهم علاجات وايد للشعر منها الحمامات زيت الطبيعية مثل الاوليفيرا وغيرها وعندهم مستحضرات لوريال وهم عندهم خلطات خاصة اييبونها من الهند
يابتلي ثلاث انواع 2 حطتهم لي مع بعض يعطي الشعر تغذيه وينبت الشعر ويعطيه حيوية والاخير عباره عن ماسك بعد ماتغسل الخلطة الاوليه تحطه لي 10 دقايق وتغسله
وبعد ماحطتلي الزيت ماقصرت مسجت لي راسي وبعدها جتوفي حسيت شوي وبنام دخت حده ريلاكس
هني بدينا بسكراب الريل والايد وعقبه الماسك والكريم
سكربوا ايدي ولفوها بفوطه حاااره وعلى فكره هالصورتين من تصوير الفنانه لودي اللي سوت لي المانيكير هههههه
وهذي بعد رويلاتي لفلفوها بالفوطة بعد السكراب
والحين دور الماسك كانت ريحته عجيبة .. حطولي الماسك ولبسوني القلافز وهم لفلفوني بالفوطة الحاره
بعدها غسلوا الماسك ودهنوني بالكريم وبدا التصبغ
ياحلوو ايدي عقب الدلع .. الفرينش مرتب وايد حبيت شغلهم ذراااابة
عقب ماخلصت الباديكير والمانيكير ضيفوني بالنسكافيه على ما ايي موعد غسل شعري
هني مكان غسيل الشعر .. غسلت شعري وااي حسيت راسي لين من زمان ماحطيت حمام زيت وبعدها مشطتني وسشورت شعري
وعلى فكره ترى يسوون تاتو حنه وااايد اشكال عندهم 🙂
وعطوني لوياليتي كارد وناسة اذا خلصت 10 اختام اخذ باديكير او مانيكير فري
احب اشكر مريم وموضي على الدعوة والاستقبال وروحهم اللي اتينن وقعدتهم اللي ماتنمل والاستاف كلهم ايننون مشاء الله ربي يتمم عليهم وموفقين بالمكان ان شاء الله
واكيد 100% كسبتوني زبونة دائمة عندكم
وعلى فكرة نطروا حلقتهم في بنات وبس يوم الاحد على تلفزيون الوطن مع المذيعه حصة اللوغاني
Mobrad Nail Spa, Mirqab, Alsoor St, Altijaria Tower, Basement
Tel : 22968068
Site (Link) Twitter (@MOBRAD_KW )
Woooow yeshaweq mashallah !!! Ana 7agaazt 3ndehum for my birthday ! A7b ajareb new sexperiences kh9oo9an etha elmwtjoo3 fih eni adale3 ro7i 🙂 3laaaich bil3aafia ;D
allah e3afeech happy birthday mogadaman o enjoy it 🙂
وناااااااسه و عليج بالعافيه.
الله يعافيج فطومة 🙂
Mashala 9ij ilnail spa iyanen, I’ve tried it everything was perfect, the nail treatments and the hair treatments. Mashala allah iwafghum. The scent was amazing, the service is great, the atmosphere is unbelievable, and the place is so clean. Definitely they gained me as a customer.
eeh wallah allah ywafeghum enshallah 🙂
ما شاء الله المكان شكله وايد راقي ونظيف ، وشغلهم حلو ومرتب ان شاء الله بجربه والله يوفقهم
na6reen tajrebtech um 3bdullah 🙂
شكله يشووق ماشاءالله حده مريح وكلاس
عليج بالعافيه تستاهلين الدلال
الله يعافيج حبيبتي :*
bgalbi kalam bs madri wain akteba :$
blogech mashallah eyannnnin eyannnin #1 bl nesba li awal blog adesha w lazim achyek 3alih kel youm <3 allah ya36ech il3afya
7bebty teslmeen men thoqech allah y3afech 🙂
Looks nicccce! Hope u had a great time 7abibti..Muah Miss u :*
7bebty miss u2 .. a great place give it try 🙂
واو شكله حلو ..
اشلون البرج انا ولا مره داشته يعني المصافط برا البرج ولا في مصافط حقه داخل البرج
المصافط برا واكو خدمة فاليه
Comments are closed.