Fendi SS 2015 Show

fendiss1 قدم المصمم كارل لاغرفيلد عرض خلاب لدار الازياء العالميه فندي
القطع كانت مميزه خصوصا الحقائب بالحجم الاكسترا ميني حجمهم يشوق خصوصا اذا تعلقوا على الجناط الكبار يعطيها شكل عجيب
البيكابو العنونه زوغه
والميني كارل دول اتينن تحسفت شريت الكبيره ياريتني ناطره شوي 🙁
الوان الباستيل واضحه بهالكولكشن والكرستالات والاشغال اليدويه على بعض الجناط

وايد عجبني الكولكشن انتوا شرايكم فيه ؟
fendiss2fendiss3fendiss4fendiss5fendiss6fendiss7fendiss8fendiss9fendiss10fendiss11fendiss12fendiss13fendiss14fendiss15fendiss16fendiss17fendiss18

T-Spoon Café .. Bahrain

Tspoon1 واحنا نتمشى في سيتي سنتر البحرين لقينا كافيه وايد كلاسك يشوق اسمه تي سبون
اهو اساسا في فندق كمبنسكي سيتي سنتر ومكانه طال على السنتر صوب ساكس فيفث افنيو

عاد فطوم صديقتي من ربع الجاي فقلنا نقعد فيه نجربه
Tspoon2Tspoon3Tspoon4Tspoon5 انا طلبت كابتشينو
Tspoon6 ويابوا معاه ستاند يشوق فيه كوكيز
Tspoon7 فطومه طلبت جاي اكيد ومعاه جيزكيك
Tspoon8 نصوري طلب هوت جوكليت
Tspoon9 جوكليت فوج
Tspoon10 باوند كيك
Tspoon11 T-Spoon is located on the ground floor of Kempinski Grand Hotel Bahrain City Centre

Review : Omorfia Beauty Salon

Omorfia1 وصلتني الاسبوع اللي طاف دعوه من صالون يديد اسمه امورفيا
شكل البطاقه يشوق ثيم بحري داخله صدف وفيه علب صغار فيهم الوفيرا وماي ورد واسك للوجه
Omorfia2 حبيت وايد طريقتهم بالايفنت
انهم مخلين كل ٣ بلوقرز صديقات مع بعض بنفس اليوم
واحلى شي انهم اختاروا معاي دندرمه وسويره 🙂

وصلنا قبل الساعه ٦ انا وسويره واستقبلونا اصحاب المكان ابرار وانوار ياحلوهم
Omorfia3 المكان شرررح ويشوق تبارك الرحمن مسوين الثيم كله على الطريقة اليونانيه المستوحاة من جزيرة ميكانوس
واللي رايحين الجزيره وشايفينها راح يحسون بهالشي خصوصا بالالوان لانه اللون الابيض مع الوان الابواب والشبابيك الزرقه من الاشياء الملفته بميكانوس

وحتى اسم الصالون (امورفيا) معناته الجمال باللغه الاغريقيه

هذا الريسبشن
Omorfia4 الانتظار
Omorfia5Omorfia11 استقبلونا بهالشراب الازرق
حتى عصيرهم ماشي مع الثيم نزاكه
Omorfia6 مكان العنايه بالاظافر
Omorfia7 مكان اختيار الاصباغ
Omorfia8 اصباغهم من ماركات متعدده وعندهم اشكال وايد للنيل رابس وحصلت عندهم صبغ لوبوتان الاحمر فقلت بجربه
Omorfia9 مكان السشوار
Omorfia10 غرفه المكياج وبيكون عندهم دورات خاصه بعد
Omorfia12 الحمام اليوناني
Omorfia13 خلونا نختار ورقه ونشوف شنو التريتمنت اللي يطلع لنا
انا حظي طلع تريتمنت جوز الهند او الناريل
Omorfia14 وجابلتني هنديه اتينن ياحلوها سوزان دلكت راسي وحطتلي التريتمنت
Omorfia15 وبعدها اتجهت اسوي المنيكير واخترت تريتمنت الايس كريم كان وايد حلو
شغلهم ماشاء الله ذرب وسنع وشغل عدل واااايد حبيته
اللي مسكتني اسمها ادلين اتهبل
Omorfia16 شوفوا الدلع وانا اقرق مع سويرتي ههههه يايتني ابرار وماسكه هالشي اللذيذ
ايس كريم مع الكراميل والكرات الزوغه بطيخ
فناتق بروره 🙂 صج حسستينا قاعدين على الشاطىء ناخذ تان ونتبرد بهالبطيح والبرد ههههه
Omorfia17 واخر شي سشوروا شعري خوش سشوار والله
وهذا اللوبوتان 🙂
Omorfia18 مشكورين وايد ابرار وانوار استانسنا مع بعض ومعاكم والمكان اينن اكيد اكيد بنرجع موفقين

امورفيا في الجابريه قطعه ٣ ب – الشارع ١١١ – بناية صيدلية الكندي – الدور ٢
تلفون : ٩٦٦٤٩٩٤١ – ٢٥٣٣٥٩٥٦
Instagram @Omorfiakw

Stella McCarney Limited Edition For Canon

stellamccartneycam1 المصممه البريطانيه ستيلا ماكارتني قضت سنوات من عمرها في السفر مع والديها ولها ذكريات جميله في التقاط الصور الفوتوغرافيه اضافه الى انه امها واختها مصورات
وحاليا عندها تعاون خاص مع شركة كانون لاطلاق باكيج جنطة كاميرا من تصميمها وسمتها بإسم امها (ليندا) مع كاميرا كانون بيضا
Canon EOS 100D – DSLR

الجنطه نازكة تشوق وتماشي الموضه

بيكون الباكيج حصري في منه ١٠٠٠ قطعه فقط وينباع شهر نوفمبر ٢٠١٤ في هارودز وسلفرج

قيمة الباكيج الجنطه مع الكاميرا = ١٩٤٠ دولار

Link
stellamccartneycam2stellamccartneycam3stellamccartneycam4

Anya Hindmarch SS 2015 Collection

Anya1 مجموعة انيا هيندمارچ لربيع وصيف ٢٠١٥ مستوحاه من الستيكرز او الملصقات والادوات المدرسيه
حبيت هالمجموعه اكثر وايد من المجموعه اللي طافت اللي على كورن فليكس وسبونج بوب
حسيتها فنكي
واقتلتني الجنطه ام الاحساس مادري حسيت باخذها 🙂
شرايكم فيها ؟؟
Anya2Anya3Anya4Anya5Anya6Anya7Anya8Anya9

Page 50 of 699« First...102030...4849505152...607080...Last »