Review : Build A Bear Workshop

IMG_2445 يوم الجمعه خذيت بنات اختي الله يحفظهم ورحنا الافنيوز
كنت مواعدتهم نسوي لهم دبب في محل بيلد ا بير
المكان يونس واحنا الكبار تطير بوهتنا شلون اليهال :)
IMG_2483 اول شي تختارون الدب ويكون فاضي بدون حشوه
اشكال والوان دبب وقطاوه وارانب وغيرهم
IMG_2446 عندهم جهاز تقدرون تسجيلون صوتكم وتحطونه داخل الدب او تختارون من العبارات الجاهزه عنهم اي لوف يوو و بيرثداي والسلام الوطني الكويتي وغيرهم
IMG_2449 وهم عندهم شي يطلع ريحه حلوه بعدة نكهات فراوله وچوينيق قم وكاندي علشان لما اليهال يلم الدب يشم ريحه خنينه
IMG_2454 وصار وقت انحشي الدب بالقطن ويكون باختيار الطفل يبي الدب لين ولا متروس
IMG_2453IMG_2457 وبعد الحشوه يعطون اليهال قلب ويقولون لهم يتمنون امنيه ويحطون القلب داخل الدب
IMG_2461 واستلموا اليهال الدبب
IMG_2460 واحلى شاور هههه
IMG_2470 بعدها اختيار الملابس
وبصراحه كل شي نتيفه يشوق واليهال قاموا يحوسون يدورون
IMG_2475IMG_2477 الدشداشه والعباة زوغه
IMG_2474 والاكسسوارات نظارات وجناط وشبابيص والعاب
CollageImagecccCollageImagedddddddIMG_2476 مكان التلبيس
IMG_2478 واخر شي يدخلون البيانات عندهم في الكمبيوتر ويستخرجون شهاده ميلاد الدبدوب
سميناهم سنوي و لوفلي ههههه
IMG_2490 وتقدرون بعد تسوون لهم جواز عشتوا :P
IMG_2492 لولو مع لوفلي :)
IMG_2480 خوش باكيج :)
IMG_2497 Thanks Build A Bear Workshop, Janat, Veronica & Sunil :)

Build A Bear Workshop Located in The Avenues, Phase 2

Instagram @Buildabear_gulf

Valleys Factory Sandwiches

IMG_1880 الاسبوع اللي طاف كنا بالدوام نبي نتريق شي غير
فحست شوي بالانستغرام وحصلت اكاونت يبيعون ساندويتش بس بطريقه غير شوي
كان المفروض الطلب قبلها بيوم بس صاحبة المشروع ماقصرت وقدرت تسويلي الطلبيه بساعتين ونص

عندها انواع وايد من الحشوات ولازم نختار ٤
فأخترنا البيض مع المشروم وبطاط وبيديان وحلوم وجبن ابيض

وصل الطلب حار ماشاء الله وقيمته مع التوصيل ١٣ دك
IMG_1888 الماعون مقسم كل نوع بروح وكل ساندويتش منها ٦ قطع
وبالنص حاطه طحينه
وايي مع العلبه علبه ثانيه اصغر بطاط شبس

البيض والمشروم
لذيذه
IMG_1886 الجبن الابيض بساندويتش مغلف بالزعتر
كانت الجبنه حامضه مع الزعتر فالحموضه وايد فاللي مايحب الحوامض لا يطلبها
IMG_1885 الحلوم كانت طيبه وايد مالحه
IMG_1883 الملكه كانت البطاط والبيديان الكل استانس عليها والوحيده اللي خلصت من اول الريوق هههه
IMG_1884IMG_1891 For Order (WhatsApp) : 99174322
Instagram @Valleys_Factory

This entry was posted in Food.

March Fash box

IMG_2036 بشهر مارس كانت علبه فاش بوكس غير
كلها مستحضرات مختصه بالعنايه بالشعر
شامبو وبلسم وزيت وماسك
IMG_2026IMG_2032
– Argan oil of Morocco Shampoo
– Argan oil of Morocco Condotioner
– Argan oil of Morocco Penetrating oil
– Optimum care salon collection deep conditioning masque packette

اسعار الاشتراكات كالآتي
3 Months Subscription 24 KD 8 KD per month
6 Months Subscription 45 KD 7.5 KD per month
12 Months Subscription 84 KD 7 KD per month

وقراء المدونه لهم خصم خاص ٢٠٪ بس كتبوا هالكود
PINK20

Tel : 99920769
Instagram @Fashiliciouskw

This entry was posted in Beauty.

افتتاح مطعم وقهوة فلـــــه

IMG_0338 كنت معزومه الاسبوع اللي طاف على افتتاح مطعم يديد متخصص بالمأكولات الكويتيه اسمه فـــله
في فندق هوليدي ان داون تاون
الحلو انه مكانه معزول عن الفندق يعني الدخله والطلعه بروح
الديكور وايد عجبني والالوان هاديه وشرحه والمكان اتوقع الصبح بيكون اشرح خصوصا انه الدرايش كبار والقعده الخارجيه عجيبه بس حسافه دش الصيف
IMG_1931IMG_1929 الاغاني على المكتوبه على الطوفه تشوق
IMG_1923IMG_1911IMG_1914IMG_1915IMG_1921IMG_1925IMG_1920IMG_1913 خوش مزهريه بالغوري
IMG_1942 والعده زاهبه المفروض للعيوش بس يوم الافتتاح ماكان اكو عيوش كان خفايف
IMG_1939 استقبلونا اول ما دخلنا بقلوب الفل يا حلات الريحه خنيـــــنه
IMG_1946IMG_1944 حنون صديقتي كاشخه بالمضاعد لايقه مع الثيم
IMG_1989 الاوراق اللي على الطاولات مكتوب فيها هالاغاني الفله
IMG_1937 شربت البيذان حده ناطع ومنعش
IMG_1951 وفاجئوناااا انهم يايبين فرقه وصارت سمره خفيفه في المطعم :)
وايد ناس لما حطينا الفيديوات بالانستغرام مو عاجبهم الوضع !
بس هالشي كان عادي والمطعم كله عايلات اللي مع ريلها واللي اخوها واللي ابوها مافيها شي مثل كل الافتتاحات
والصبيان اللي رقصوا كانوا يايين مع الفرقه مو معزومين !!
الحمدلله كلنا نعرف السنع والاصول قاعدين على طاولتنا باحترامنا ونستمتع بالاكل الزين والاغاني الحلوه

هالفيديو حق بعض الاغاني اللي غنوها :)

وهذي بعض الاشياء اللي قدموها
باف بيستري على فقع
IMG_1952 بلاليط
IMG_1964 يريش
IMG_1954 ورق عنب
IMG_1968 هذا مادري شنو ماجربته بس لونه خطير :)
IMG_1973 سمبوسه جبن وفطاير سبانخ
IMG_1970IMG_1966 كبه
IMG_1981 المحشي كان شي خيال
IMG_1971 والحلو كان إلبه بس حسافه ماكانت مضبوطه يابسه ان شاء الله يعدلون على الوصفه
IMG_1982 وختمناها بحليبه
IMG_1985 كل الشكر لمطعم فله والاخ بوحمد وشركه حمد قلم على الدعوة ونستونا الله يونسكم بالعافيه :)

مطعم وقهوة فلـه في فندق هوليدي ان داون تاون – دسمان
Instagram @Fallah_kwt

هدية نستله ومبادرة الصحة في الاختيار

IMG_1576 وصلتني هديه من شدكة اصداء عباره عن سله كل محتوياتها من منتجات نستله
بمناسبة اطلاق مبادرة الصحه في الاختيار
IMG_1578 محتويات السله كانت
قهوة نسكافيه قولد
حليب كليم بالكالسيوم
كورن فليكس فتنس
شوربة ماجي
جيس ميني كتكات
جنطة من الخام او القماش
خلطة ماجي للدجاج
مرقه الدجاج ماجي

أعلنت نستله، الشركة الرائدة في مجالات التغذية والصحة والعافية في المنطقة، عن إطلاق مبادرة “الصحة في الاختيار”، التي تدعو من خلالها شعوب منطقة الشرق الأوسط إلى اعتماد أنماط حياة صحية تقوم على مبدأ “كُل بشكل أصح، تحرّك أكثر واتخذ نمط حياة أفضل”

وتهدف المبادرة، التي تقام في كل من لبنان والأردن ودول الخليج العربي، إلى المساعدة في خفض النسبة المتزايدة من الأمراض التي يسببها أسلوب الحياة غير الصحي، إذ تعاني منطقة الشرق الأوسط من أعلى معدلات الإصابة بالسكري والبدانة في العالم؛ وتشير إحصائيات “الاتحاد الدولي للسكري” إلى أن منطقة الشرق الأوسط تضم 6 من أصل البلدان العشر الأعلى انتشاراً للسكري والبدانة حول العالم. وحسب بيانات الأمم المتحدة، السمنة منتشرة في منطقتنا بشكل كبير.

تفاصيل اكثر في موقعهم – اضغط هنــا

This entry was posted in Gifts.

One Bite Mini Waraq 3anab

IMG_1182 للي يحبون ورق العنب ون بايت عندهم ميني ورق عنب
شحليلهم نتيييفاااات نازكين
معاهم عوادتهم وطعمهم طيب لاهو حامض ولا ماصخ
وايد مرتب
IMG_1190IMG_1195 For Order (WhatsApp) : 99373736
Instagram @onebitekw

This entry was posted in Food.
Page 2 of 62612345...102030...Last »