Red Sofa

مشروع جديد خاص بالاكسسوارات المنزليه Red Sofa 

يرسمون يدوياً على الفناجين والمباخر والطاولات الجانبيه والاطباق الفينتج 

وايد حبيت الفكره خصوصاً اني احب الفناتق خاصه بفناجين القهوه 

Email: redsofa4@gmail.com

Tel/whatsapp: +965-96034622

Instagram @RedSofa_

This entry was posted in Home.

حصرياً : الفلاش موب ومفاجآت عيد الأم في برج الحمراء

عيد الأم هالسنه غير في برج الحمرا كانوا مسوين مفاجآت حلوة حق للامهات من زوار مركز الحمراء للتسوق

بالتعاون مع شركة سنيار للدعايه والاعلان

حضرت البروفات للفلاش موب اللي بيقدمونه للزوار من قبل الشباب بفرقة باك ستيج قروب مع الصوت الحلو الاء الهندي والصوت الجميل مروة بن صغير

مروه صوتها ما شاء الله حلو والكل يعرفها لكن انصدمت بصوت الاء تبارك الرحمن صوت رائع واداء اروع وخفة طينه ما صارت 🙂

فيديو للبروفه

وصاروا جاهزين للانطلاق 🙂

والهدايا بعد جاهزه للزوار

 الهدايا مقدمه من عطورات ام كلثوم و اطياب المرشود والزهور مقدمة من شركة بيضون

نزلوا الشباب وقعدوا بطاولة عادي وطالبين اكل وشغل عدل ولا كأنه في شي ونفس الشي البنات مروه والاء

وفجأة اختاروا طاولة عليها اسره وفجأه بدوا يغنون ست الحبايب 😀

بعدها وزعوا الهدايا للطاولة نفسها وللزوار اللي كانوا قاعدين بالطاولات اللي يمها يستاهلون الامهات 🙂

عادوا الفلاش موب اكثر من 4 مرات وبأوقات مختلفة واغلب الامهات خنت حيلي بجوا دموع وكلينكسات حياتي

صج هالاغنيه جداً مأثره وانا وحده كنت ماسكه نفسي طول الوقت بس بيني وبينكم اخر شي خرت الدموع ماقدرت

ست الحبايب يا حبيبه يا اغلى من روحي ودمي 

فيديو تصويري بس مو واضح وايد للفلاش موب انتظروا الفيديو الرسمي من سنيار الليله باذن الله

توزيع الهدايا 🙂

الفنانه الحبوبة باسمه حمادة كانت مدعوه على الغدا وماتدري عن الفلاش موب اللي كانوا مخططين يسوونه فيها

بسومه طلعت ام دميعه وخلتنا كلنا نبجي

شوفوا الفيديو لمفاجأة باسمه

الاء الهندي

هني بعد سووا الفلاش موب بأسره ثانية 🙂

المطاعم اللي كانت مشاركة في هالحدث الجميل كافيه ميم وجوكليت بار وبراون توميتو وهاجن داز 

شكراً لبرج الحمرا وشركة سنيار على الدعوه الحصرية وكل عام وانتوا وامهات الكويت والعالم بخير 

انتظروا الفيديو الرسمي قريباً ان شاء الله 😀

أمسية الموسيقى الكويتية (أغاني البحر) لفرقة بن حسين في مركز الميدان الثقافي

اقامت ديوانية الموسيقى التابعة لدار الاثار الاسلامية اليوم أمسية الموسيقى الكويتية (أغاني البحر) التي تؤديها فرقة بن حسين في  مركز الميدان الثقافي

اول مره ادخل المركز واحضر مثل هذه الامسيات ولاحظت وجود اجانب وااايد ما شاء الله عليهم صج يحبون الشي التراثي وانصدمت انه احد الاشخاص اجنبي واثناء الامسية كان يغني معاهم حافظ الاغاني وطريقة الصفقه 🙂 وايد ونسني هالشي 

وهم وااايد حبيت الامسية وفرقة حمد بن حسين بدعوا يعطيهم العافية

ما كانت الامسية بس اغاني البحر .. غنوا سامري واصوات بعد

اول شي دخلوا بالطيران ومعاهم الفريسه

وبعدها وصل العود والمراويس وشالوها اصوات

عاش الحجي 😀

وبعدها غنوا لا هوَد الليل وايد احبها هالاغنية وتذكرني بخالتي قماشة بعرس محبوبة 😀

لا هود الليل وانا في ونيني
يوم اقبل الصبح وانا في نواحيه

يا عاذلي نطرت ليتك تجيني
وتنظر الحال خلك كيف داعيه

كني محموم ولي اربع سنيني
لا اقدر امشي ولا اقدر اداعيه

تحسب اني نسيتك يا ضنيني
والقلب مشغول على ريم الفلاحي

ماترحم اللي غدى شروا الجليلي
وطول ليله وهو كنه يناحي

اللي حاب يحضر مثل هالامسيات الرائعه يتابع حساباتهم في برامج التواصل الاجتماعي

Site Link

FB Link     Twitter & Instagram @DAI_Kuwait

Brownie Hut

Brownie Hut وصلني اليوم جار براونيز من

اول ما بطلت الجار كفخت ريحة البراوني خنيـــــــنه ما شاء الله والكيك ترف

عندهم وايد انواع منها السنيكرز – الآرو – اللوز – الكندر – الجالكسي

بالنسبه لي جربت اللي على سنيكرز اليوم ووايد يازت لي عجييييبه

For Order (WhatsApp) : 94939883

Instagram @BrownieHutQ8

Mothers Day Dinner @LeSushiBarKw

الاسبوع اللي طاف وصلتني هدية جميله مع دعوه للاستمتاع بعشاء ياباني في مطعم لو سوشي بار بمناسبة عيد الام

العلبة كانت تحوي طقم ياباني للشاي اضافه الى قطع من الشاي الياباني الفاخر

سبق اني كتبت ريفيو سريع عن لو سوشي بار الشهر اللي طاف – اضغط هنـا

 امس وصلنا المطعم وكان الوضع وايد هادي .. اخترنا طاولة شرحه واستلمنا الآيباد نشوف المنيو ونطلب من خلاله

اول شي وصلنا الموهيتو 

وحطولنا قطع من الخيار بالسمسم والزنجبيل مع صلصة الصويا

Sesame Seed Salad

كانت لذيذة 

Crazy

من مكوناته عيدان لحم القبقب مع الخيار

Yakitori Chicken

قطع من صدر الدجاج مع صلصة الترياكي

وايد طيب

Baked snow Crab

 

Shrimp in Creamy Spicy

اكثر طبق حبيته 

Japanese Fried Rice

Black Cod with sweet miso sauce

وآخر شي ريحنا بالجاي الاخضر والقهوه التركيه 

الحلويات عندهم عجيبة

Sticky & Toffee cake

وايد لذيذة الكيكة 

Double Chocolate Fondant

والفوندان ناطع 

وقبل لا نمشي عطوني هالهدية الرائعه .. كل الشكر ل لو سوشي بار على الضيافة الجميلة والعشاء الطيب وكل عام وكل الامهات بخير

Lu SuShi Bar Located in 2nd floor, Alhamra Mall 

Tel : 22270300 

Instagrm @lesushibarkw

قهوة الشميمري في قرية كويتي وافتخر

حبيت التنوع بين القديم والحديث والتوازن بالاختيار اللي سووه بقرية كويتي وافتخر هالسنه

يعني بوجود ستاربكس وغاريت وسماش برجر وسالاد بوتيك وغيرهم عطوا الاماكن القديمه حقها باختيار احدى القهاوي الكبيره التابعه للمقاهي الشعبيه 

قهوة الشميمري

اول يوم رحنا كانت كانوا مرتبين المكان وحاطين كراسي بزاوية وحده وزل والطاولات الزينه وبعد ما قعدنا بشوي ولا بدخلة ذاك الريال الكبير الله يحفظه ويطول عمره اللي قام يعدل ويسنع و زيدوا هذا وشيلوا ذاك وبعد ما سألنا عرفنا انه العم عبدالرحمن المزروعي (رئيس مجلس ادارة المقاهي الشعبيه) سلمنا عليه واستأذنا منه نصَوره ونصور المكان ورحب فينا وعزمنا على بيالة شاي يا حلوو رياييل قبل والله بركه عسى الله يطول بعمرهم 

خووووش جويهه قواك الله

تراوالي اغلب قرائي عرفوا اني اموت بالسوالف القديمه هههههه يينا ثاني يوم ولا هالبوم المرتز والدوه وخبز الرقاق المحشى وشغل عدل ههههههه ولما شافونا قالولنا شفتوا الحاج عمل ايه ههههه زين يسوي فيكم يا حلوه سنع المكان وشغل عدل

ومن شفت الرقاق وانقلبت نمله هههههه ابي خبز رقاق على بيض وشكر .. يدتي الله يطول بعمرها ايام اول كانت تودينا يوم البحار وتوكلنا اياه

اللي ماجربه يجرب ترى ناااااااااطع

وهالباجيلا والنخي وشغل عدل 

اللي ما راح القريه ترى ما باقي الا يومين .. روحوا استانسوا ومروا على الشميمري استمتعوا ببيالة جاي ورقاق يم يم

Page 190 of 699« First...102030...188189190191192...200210220...Last »