مسرحية الطرطنقي

مسرحية الطرطنقي بطولة طارق العلي, داوود حسين, شهاب حاجيه, امل عباس, مريم حسين, سلطان الفرج, محمد باش, هاني الطباخ, فرحان العلي

من فتره ماحضرت مسرح طارق العلي وهالسنة خواتي خاطرهم بمسرح فحجزنا خصوصاً ان المسرحية بطولة كوميديانين طارق وداوود حسين فقلنا اكيد المسرحيه بتكون عجيبة

اول ماقربت صوب شباك التذاكر لفت نظري اعلان يمنع دخول المسرح بالشورت !! ثاني شي جنه اسعار هالسنة اوفر 20 دينار شدعوه طول عمرنا درجه اولى 10 دنانير صارت دبل !! الغلا وصل المسارح بعد سنتين التذكره ب 50 !! ياحلو الديفيدي من البسطات ب دينار لوول وواضح وصوت اصفى  

شي يديد مسوينه هالسنه حاطين ركن حجز تصوير مع الممثلين و بيع الورود  والبروشات ذكروني ببوست العيد قبل غير لوول شككوني انه قروه بس مايمدي حاطته يوم العيد لوول بس ها تدرون الصورة بجم !! 5 دنانير مو من صجهم الله يرحم ايام اول دينار واحد والصورة شكبرها الحجم العود

بعد المسرحية تدخلون من باب خلفي وحاطين ستوديو مصغر تصورون مع الفنانين 

وبعد حاطين كاونتر يبيعون فيه مسرحيات طارق العلي وعلى فكره نزلوا مسرحية بخيت وبخيته ديفيدي

المسرح صاير وايد ارتب ومغيرين الكراسي يعني بهالسالفة ماقصروا .. المهم بدت المسرحيه الصوت بالاول كان مو شي بعدين تعدل اشوة

اللي لفت نظري حاطين بكل زاوية سيكيورتي مصري وعسى ماتطل بموبايلك الا عينه عليك يعني هااااا لا تصور شدعوة عاد قاعدين بالقصر الابيض !! يعني ماله داعي هالسالفة طول عمرنا نصور بالمسرحيات ماصار شي ولا خايفين يبوقون فكره الديكور مثلا :P

المهم بتكلم عن المسرحية انا بإختصار ما حبيتها كلش

القصة مكرره ومستنزفه واحد يتفق مع صديقه يزوجه بنت مرته الغنيه علشان يبوق فلوسها مقابل انه يرد له كمبيالات سابقة موقعها,  الحوار الله يهديهم وايد وايد كلمات وايحاءات تحتها خط احمر

التكفخ والتعيب كان الغالب بالمسرحية

العنصر النسائي ماكانوا موفقين فيه امل عباس ومريم حسين .. امل فنانه جيدة بس يبيله ممثله جيدة معاها يشيلون بعض اما مريم حسين مسكينه مو مالت مسرح بصراحه وعدم مشاركة هيا الشعيبي معاهم هالسنة خلا المسرحيه بلا طعم

هيا كانت كرت طارق الناجح في كل اعماله الاخيره ومع الاسف ما استخدمه هالمره 

58 comments

  1. F says:

    امبي كلش ما مدحتيها ؟؟ يعني كلش مو حلوه ماتضحك ؟

    انا استانست بمسرحية بوسارة واااايد كان مخفف الايحاءات والحوارات اللي شقول اممم قليلة ادب .. يعني ماتخلى بس هم تعتبر ولا شي بالنسبه حق باجي المسرحيات ..
    بس شكلهم مايعبرون ردو حق هالسوالف

    والله جان زين يدري طارق ان هالمقاطع البايخه اهي اللي تخرب مسرحياته .. اصلا الاشياء اللي يقولونها ماتضحك بالعكس تلوع الجبد .. والناس لما يتابعون المسرحية بالبيت يقعدون يطوفون هالمقاطع .. حسافه عليه طارق =(
    ووحسافه ماكو هيونا =(

  2. عبدالله says:

    امس كنت موجود بالمسرحيه
    بس غريبه انا حاجز درجه اولى على 12 دينار مو 20

    المسرحيه بشكل عام كانت حلوه ومقبوله

  3. 3ateeja says:

    انا طارق غسلت ايدي منه اخر فتره مسرحياته كلها سب وطنازه ويستهزء الممثلين وبس يحذف ويشوت فيهم غير الاغاني العراقيه الي مافي مسرحيه من مسرحياته تخلى منهم وقطاته كل قطه اقوى من الثانيه كلهم 20+ الله يرحم مسرحياته ايام التسعينات

    • PinkGirl
      PinkGirl says:

      ترى حتى مسرحيات اول فيها قطات مو سنعه بس الواحد يطوف قطه قطتين بس مو اول المسرحية لي تاليها هالسوالف البايخه

  4. Almo8na3 says:

    أنا امس رايح المسرحيه السطر الثالث بو ٢٠ دينار ترا انتي وايد ظالمه المسرحيه  و مافيها قله أدب !!!!!!!

    • PinkGirl
      PinkGirl says:

      انا قلت رايي الشخصي والعرض اللي كنت حاضرتها من اول المسرحيه الى اخر مسرحيه كان الكلام وايد يفشل
      يمكن خففوا جرعة المصاخه بالعرض اللي انت حضرته

  5. سارونه says:

    صح المسرحيه سخييييييفه .. الصراحه طلعت عيالي قبل نهايتها .. وايد خاروها بالكلام

  6. حمد says:

    ابصراحه ما حب اروحله
    و سوالف المصاخه هذا شي اساسي بدم طارق
    البنات مايحبون هل سوالف بس الشباب ايي

    ويعطيج العافيه حجيه :)

  7. محمد says:

    انت وحده شكلج مايعجبج العجب و ودج اتطنزين على اي شي وبس انشالله مو كل موضوعج تكتبين لووول

    • PinkGirl
      PinkGirl says:

      والله الموضوع رأيي الشخصي باللي شفته وانا حره واكتب اللي ابيه وانت حر تطرح رايكم بالموضوع ورايك بالمسرحيه بعد وبالاخر الناس اذواق عموما حياك الله

  8. 3asha says:

    حبيبتي أنا ولا مرة رحت مسرحيات طارق العلي قولي لي هل مسرحية هذه سنه حلوة يمكن أروح له بعيد الاضحى

  9. M7SsN says:

    حرام عليج اختي
    شوفي انا احترم رأيج
    وعلى عيني وعلى راسي
    بس الطرطنقي انا ماشفتها للأمانه بس كل ماسمعت احد يمدحلياها اتحمس لها اكثر .. بس يعنني بخصوص انكم تتحجون عن اعماله السابقه بالعككس كل عمل احسن من الثاني واحلئ عمل له بوساره بالعماره صراحه صج مو طبيعيع عجيبه ..
    ع العموم يعطيج العافيه صراحة بديت اغير رأيي بالمسرحيه ..
    لذا انطر الديفيدي احسن خخ
    ونشوفكم بطرح ثاني

    • PinkGirl
      PinkGirl says:

      الله يعافيك اخوي .. انا ما تكلمت عن اعمال طارق السابقة لكن هالعمل بالذات ماحبيته والناس اذواق يمكن تعجبك
      حياك الله

  10. الجوري says:

    السلام عليكم
    بالعكس حبيبتي مسرحيات طارق العلي كلها حلوة وهو فنان كبير و بعدين السب والطنازة و الاستهزاء اسلوب تعودنا عليه اصلا وبعدين مسرحيات طارق العلي حق الكبار مو للجهال علشان جذي فيها شوية طنازة مع احترامي لج

    • PinkGirl
      PinkGirl says:

      وعليكم السلام
      اهلا حبوبة حتى لو حق الكبار في خط احمر الواحد مايتعداه وانا اشوف طارق تعداه بزيادة هالسنه واللي بيحضر المسرحية اكيد بيسمع ويشوف هالشي

  11. bin mufareh says:

    تجربتي الشخصيه الفاشله لمسراحيه طارق العلي تحسفت ليش حجزت و كنا اول سطر بواسطات بعد حق ثالث العيد و تحسفت ليش عزمت ربعي اولا المسرح ضيج و الكراسي غير مريحه لو يهتز الي يمك يهتز كرسيك معا و ثاني شي المسرحيه و العرض صراحه كان عالم من الطنازه و الاغزاء عزكم الله الحيواني ما لاحظت ان في نص و ليلحين ما عرفت شنو هدف المسرحيه

  12. محمد says:

    والله ياشباب انا امس شفتها والله مالها حل بس من مستغرب من الي يقولون مو حلوه

  13. Sarooon says:

    اتمنى اشوف مسرحيه لطارق و حسن البلام و عبدالناصر درويش و انتصار الشراح
    و ان طارق يقلل من سوالف قلت الادب و يرد لإسلوبه ايام التسعينات

  14. ghadeer says:

    بصراحة محد مدحلي المسرحية .. بس انا عموماً احب مسرحيات طارق العلي مثل بخيت وبخيتة و بوسارة و اللي قبلهم بس ماودي احكم على المسرحية بحكم اني مارحتها .. :)

  15. محمد says:

    انا اقول للي مو عاجبته المسرحية
    ان احسن مسرحيات هالسنه مسرحيات طارق العلي
    وبعدين اللي مو عاجبه مسرحياته يروح يسوي مسرحية مو احسن له

  16. samar says:

    انا صراحه مسرحيات طارق العلي تعجبني ومتحمسة لطرطنقي مرررة بس استناها تنزل على التلفزيون وبعدين الي يقولون المسرحية كلها كلام قلة ادب لا تاخذون معاكم اطفال واما انتم راح تلاقون نفسكم غصب تضحكون وانا اشوف نفسي وامي وابوي كلنا نضحك على ذا الأشياء اتحادكم ان ما كنتوا تضحكون ولا ظنتي تعدى حدوده زي ما قلتوا وبعدين الي ما يبي قلة ادب يشوفها على التلفزيون لأن القناة بتخذف وكيذا وبالنسبة لطنازته على الممثلين فهو ما غلط والممثل راضي وهو ما سبكم وبعدين الكل يشهد على مسرحيات طارق العلي بإنها تموووووت من الضحك ونا حضرت له مسرحية خاربه خاربه الي الكل كان يقول قلة ادب وما ادري ايش وانا اشوف ان مافيها شي واظن الطرطنقي راح تكون نفس الحاله

  17. samar says:

    اضافه معليش نسيت اكتبها
    موضوع الضرب عند طارق العلي موب جديد ليش نافرين منه كيذا جد ناس ما يعجبها العجب ولا الصيام في رجب

  18. فيصل says:

    بصراحة انا استنى لاشوف المسرحية واتوقع انها حلوة وطارق العلي اجمل واحسن واحد يضحك في المسرحيات واتحداكم تنكرون

  19. حصوص says:

    انا احب طارق العلي ومسرحيات واللي يقول طارق قليل ادب ماعنده سالفه مع احترامي بالعكس احسه يحب يعض حيل واحس وطنيتته قويه بعد
    ي بعدهم والله ي طارق قدام ي بو حمود

  20. mohammed says:

    بالعكس المسرحية عجيييييييبة صج فيها بعض قلن الادب بس حيييييل حلوة هل مسرحية ردت ايام التسعينات بس عجييييبة و مشكورة على الموضوع الحلو و مشكورة على رايج

  21. wild alq8 says:

    انا بصراحة من معجبين الموقع و المواضيع الي تتكلمين عنها بس كلة عن المعارض و بنسبة لطارق ف طارق يسب و يسب الشيعة و اخر شي يقول ما نفرق بين الشيعة و السنة هذي من عيوب الفن و طارق اب سلبياتة هذي بصراحة استانست اب مسرحية الطرطنجي و مشكورة اختي على التعب

  22. mohammed says:

    انا امس رحتله مرا ثانية الانة صج حلوة عجييبة عجيييبة الي ماراح له حرام واللة

  23. mohammed says:

    احلى من ابيخت و بخيتة اب وايد و احلى من بوسارة بالعمارة و خاربة خاربة و حاميها حراميها و البيت بيتك و احلة من عايلة قرقيعان بس مو احلى من الي قبلهم

  24. reem sha6i says:

    والله انا ما شفت المرحية بس اليوم انشاء الله بشوفها وبرد واكتب تعليقي بس انا بنظري طارق العلي فنان كبييييير

  25. فطوم says:

    بخصوص التذاكر فهي نار
    هالمسرحية بيبونها ويانا الامارات براس الخيمة وتوي اشوف التذاكر والله نار
    أسعار التذاكر:
    1000
    600
    400
    200
    كنت حاطة فبالي نطلع كلنا العايله للمسرحية بس بعد هالاسعار محد بيطبها منا الا الشباب طبعا بس صدق لازم يراعونا شوي بالاسعار

    ..
    واذا عن اسلوب طارق العلي تعودنا عليه وما شاء الله عليه عسل ع القلب والله من زمان ودي اروح بس لو مسرحية وحده من مسرحياته العجيبة ^^

  26. اسماء رجب says:

    صراحة انا ماشفة المسرحية حقت طارق العلي وداود حسين:::: بس اكيد انها بتكون جدا جدا جدا جميله لان الافيها الفنان الكبير والجميل والقدير والكومديان الرائع ((طارق العلى)) انا شفت كل مسرحيات طارق العلي وهو فنان انا افتخر فيه جدااا بين اصحابي وكل معارفي …ومره سالوني مين احسن فنان عريبي عندك..ردية الفنان المحترم والكبير طارق العلي!!!انا باالمدرس انا وصديقتي شهد نقلد كل مسرحيات طارق العلي…وشكر لك ولكل الفنانين القائمين علي العمل في كل المسرحيات وخصوص هيا شعيبي اقلها تراى الكل يحبك ويحبونكم خليكم على نفس الطريق والتقدم وشكراااا اسماء رجب…. من السودان

  27. foFa says:

    آبي آلمسرحيهه بليييز ، عطوني رآبط تحميل آو بآليوتيوب كآملهه

    ) : تععبت آدورهـآ مآحصلتههآ

    فوفـآ < من آلسعععوديهه

    خآـوني آششوفهآ وآحكم آذذذآ حلوهه إو لآ علىآ قولكم

    آششوف كثير ذبوآ عليههآ ، تحمسسست آكثر آشوفهآ

    يلآ إنآ طآلعهه ، ولي بآك وآن شآء آلله آلقـىىىآ آلرآبط $"

  28. ميمو says:

    كثير احب اتابع مسرحيات الفنان الكبير طارق العلي ويستاهل من يتعناله ويحضر مسرحياته بس حبيت اعرف متى راح يعرضونه هالمسرحيه الطرطنجي وياترى شنو اخر اعماله هالسنه

  29. تروووك السلامي says:

    على العمووم انا صرااححه ماشفت المسررحيه للحين لكن عنددي تعليق للي يقوولون ان طارق العلي ماسخخ بصرااحه انا اشووف ماافيه احدد يقدرر يناافس الفنان طارق العلي وانا من اشدد المعجبين بالفنان طارق العلي وبـ؛سـلووبه وللي يقوول ان في اسلوب طارق قلة ادب ووين قلة الادب فالمسرحيات الي مضت بس اضاهرر انكمم ماتفرقون بين المزح وقلة الادب ع العموم احنا تعودناا على طارق بهالاسلوب واحلى ماافيه صرااحته ونشاءلله راح اشتري الدفدي حقك الطرطنجي واشووفه انا متأككد انهرااح يعجبني

  30. اهم المواضيع says:

    انا اشوف ان المسرحية وايد حلوة وان افضل المسرحيات مسرحيات الفنان الكبير طارق العلي ووانا احبه ولي مو عاجبتهم المسرحية يمكن ما تمقلو عدل واذا على قلت لادب اهي مو قلت ادب اهي مزح بس انتو ما تفرقون بين المزح والصدق

  31. saudi kuwaiti says:

    ليه كل ردودكم تبدا بكلمه ” بصراحه” امممم بصراحه ودي اعرف سبب اجماعكم على بصراحه هههههاااي

  32. MĘRÄH says:

    اول شي السلام عليكم …… جمااعه انا كل مسراحيات طارق العلي رحت لها كللللها ولا طوفت وحده صراحة انا ما اروح الا ويااي اخوي الصغير عمره ١٥ و انا ١٨ و صراحه الي يقول قليله ادب مسراحياته ارااااهنكم ان ما طلعت منها و انت بالبيت و تظل تضحك اصلاً هذي الكوميديا و الي يقوول قليله ادب لاا حبايبي هذي اشياء عااميه و عااديه و اذا عندكم قوووويه خلاص عمي لا تيبون يهال طارق العلي ممثل محترم و متوااااضع لااااخر درجه صراااحة احبه حيييل لانه من اجمل و اعز الناس صرااااحه و الناس اذوااق و انا انشالله الاسبوع الياي بحجز مسرحيته اليدييييييده (((((( الجعص))))))))) و ادعولي القى مكان حق ثاني ايام العيد و الي ناوي يروووح يحجز من الحييين ترا الناس وااايد يروحون لها …… الهم زد و بارك الله يوفقه طارق العلي

  33. يوسف العنزي says:

    اولا السلام عليكم ورححممه الله وبرركاتهه > بخخصووص اراآئكمم على طارق العـلي بانهه تعدى الخخط الاحممر في كلآآممهه صح لكن اذا ممـآ عجبكممم هالشئ لا تجوونً لممسرححـَياتهه وتضححكوون وتنبسطوونَ وبآخخخيـَر تقولون انهـآ سخخخيفههّ ..! ان رححت مسرححيهه الطررطنقي وبروووح لممسرححيه الجعص

  34. حمووووووووووود باااااااااااااتمان says:

    اول شي احب اسلم عل جميع من بادر بهالعمل الجميل
    لان المسرحيه روعه وفوووق الروعه والصراحه ها اللي يقول الفنان طارق العلي كل مسرحياته سخيفه غلطان ومليووووون غلطان وها لان مقهووووور من الفنان طارق لان مايقدر يحقق اللي حققه طارق والصراحه انا اقولها لكم الفنان طارق العلي بالمسرحيات ماكووو مثله ربي يوفقه ويزيده وانشوق مسرحياته اليديده تااااابع يالفنان الرائع وماعليك من كلام الناس مهما يقولون
    طارق العلي انت فنان رائع جدا والله انا من معشقينك يالفنان طارق العلي فديت كل مسرحياتك وانا واحد من عشاق مسرحياتك كلهن
    فديت قلبك انا الكاتب حموووود باتمان

  35. (((الكويت))) says:

    أنا بصراحة اعجبتني والي مو عاجبته خلاص اسكتوا كل واحد رأية

    مع تمنياتي

    خلاص كل واحد ورأية

Leave a Reply