قبل جم يوم وصلتنا دعوة من شركة فيفا للاتصالات لحضور غبقة رمضانية في فندق مارينا مول
SixPalms وتحديداً بخيمة قمر مارينا بمطعم
وصلت بال 9 ونص تقريباً ودخلت لأول مره فندق المارينا ومن حسن حظي شفت الاخت ساره الفودري ونزلنا مع بعض المطعم
كانوا حاطين فيفا نوت عند المدخل 
داخل خيمة قمر مارينا
بشوت ؟؟؟ من حقة ؟؟؟ قالتلي ساره انه المطعم حاطينهم اذا كان الواحد استبرد يلبسه 😀
الاجواء والديكور يشوق فعلاً اجواء رمضانيه
حبيت النافورة والفوانيس 
اخترت طاولة وشاركني فيها
Danderma, 7ajidude, Ansam, Lujain, Jacqui & CrazyYetWise
الاخ محمد اليعقوب من شركة فيفا مرحب بالحضور 
تم تشغيل نشرة اخبارية بإلقاء المميز مايك امبلتع عن البلاقره اللي اهم احنا لوول وعرض على الشاشة اسماء اغلب البلوقرز الموجودين .. حبيت النشرة
بصراحه اختيار مايك عريف الغبقة كان موفق مشاء الله عليه خلانا بس نضحك 
المشروبات الرمضانيه كانت موجودة ضمن الضيافة واخترت الجلاب
المذيع القدير طلال الياقوت كان ضمن المدعوين واكيد استمتعنا بصعوده الاستيج بقفشاته الحلوة 
الاخ مبارك اسماعيل كان الشجاع اللي اعتلى الاستيج وتحدث عن بعض المشاكل اللي تصادف البلوقرز
مذيع قناة الوطن المتألق عبدالوهاب العيسى كان له نصيب من المايك وتحدث عن التويتر والفولورز تدرون عنده 40 الف فلورز مشاء الله لا تنسانا يا عبدالوهاب بالريتويت 😉
شلون المايك موجود والمميز عمر العثمان مايتكلم 🙂 خصوصاً مع وجودة كمدون مو مذيع
يقول انه البلوق عطاه حرية اكبر للحديث عن رأيه بعدة اماكن واشياء مايقدر يذكرها بالتلفزيون
تدرون عاد هالانسان جداً خلوق ومتواضع ومتواصل مع الكل مشاء الله عليه والله يوفقه يارب
طبعاً فيفا ماقصروا كانوا مسوين جم مسابقة والجوائز كانت موبايل ايفون 4 الابيض و موتورولا اكسوم
اول مادخلنا عطونا كروت بأرقام متسلسلة نفس الايفنت السابق
طلع فيه سحب على تذكره لبريطانيا لحضور احدى مباريات نادي مانشستر يونايتد شهر اكتوبر القادم وكلكم تعرفون انه شركة فيفا صارت راعي رسمي لنادي مانشستر يونايتد وتدرون منو اللي شارك بالسحب
الحلوة لجين اصغر مدونة كويتية يزينها
اول سحب فاز فيه الاخ مبارك اسماعيل واعتذر عن قبولها بسبب بعده عن الرياضة والكره وثاني سحب كان من نصيب الاخ بوفلان وهم اعتذر والثالثة ثابته وكانت من نصيب احد الحضور 
صورة جماعية للبلوقرز 
بوفيه الاكل مشاء الله فيه كل خير 
شلون نطلع خالين من ايفنت فيفا كان لنا نصيب من الهدايا 🙂
موبايل اندرويد وقرقيعان جميل على شكل هلال 😀
كل الشكر لشركة فيفا للاتصلات على هالغبقة الحلوة و للأخت مي السبيعي والاخ محمد اليعقوب والاخت ساره الفودري مشاء الله عليكم شعلة نشاط عسى الله يعطيكم الصحه والعافية وعساكم من عواده يارب
it was a nice event, I met other bloggers tonight! thanks to Viva for the lovely event 🙂
e wala v.nice event, viva always did mashallah 3lihum
بادرة جميلة من فيفا تشكر عليها
فعلا كانت الغبقة رائعه وحضوركم هو الي انجحها
راحت علينا مانشستر 🙂
وتقبل الله طاعتج
منا ومنك اخوي بوفلان
اي والله فيفا ماقصروا دايماً مبيضينها
عاد لما اعتذرت جان عطيتها لأختك خخخخخ اتغشمر عليه بالعافية اللي بيروح 🙂
عليكم بالعافيه مشاءالله الافنت مرتب و هلرد لك ان شاءالله تربحين بالسحب الياي
الله يعافيج حبيبتي :*
It was a lovely event o thanks alot for the awesome coverage!
It was great to finally meet you face to face and talk with you 😀 That was the best part of the evening for me, it’s connecting with the bloggers that I read and know 😀
7bebty really it was nice meeting u with lovely lujain, viva’s events always great they know how to make abig smile on our faces 😀 ma ga9araw
El kel walla 7ata Zain ma gaseraw hehe o enshalla el yayat akthar 😀
حبيبتي من وين السويت اللي بالصينيه شكله يشوق
من واو 🙂
تغطية رائعة وصور جميلة ما شاءالله ,,متميزة كالعادة 🙂 يعطيج العافيه
الله يعافيك اخوي بنانا من ذوقك, وماعليك زود انت اللي مشاء الله عليك دايما متميز ومصور شاطر بعد 🙂
ماشالله المكان جميل جدا .. بالعافيه عليكم
الله يعافيج 🙂
والله خوش غبقه اعجبتني وهذا مو شي يديد على شكرة فيفا الله يعطيهم العافيه… وانتوا تستاهلون كل خير وموفقين ومنها للاعلى ان شاءالله 🙂
تسلمين حبيبتي اجمعين يارب
واااااااو وايد حلووووووو ماشاء الله البوفييه في وحده اعرفها راحت بس تقول البوفيه ماكلو منه
اي والله مشاء الله كل شي حلو .. البوفيه مادري عنه والله لان طلعت بسرعه
Comments are closed.