Zain’s Bloggers Ghabqa @ Bait Al Sadu

وصلتني دعوة من شركة زين للاتصالات لحضور غبقة خاصة للبلوقرز في بيت السدو

وصلت الساعه 9 ونص تقريباً من برا كان المكان هادي .. استانست اني بشوف مكان اسمع فيه وولا مره دخلته فكان فرصة الغبقة وزيارة بيت السدو

 بزين Social Media استقبلونا فريق ال

وهني فرصة حلوة اصور لقطات سريعه لبيت السدو قبل دخول القاعه اللي فيها الغبقة

اي والله صح لسانك يا بن حثلين

نخي وباجيلا 🙂

نبذة عن بيت السدو

ديوانية ارضية وماتخلى من لمسات السدو وزين ماقصروا حطوا فيها جنجفة حق الشباب علشان يلعبون كوت بو سته

الجهاز اللي يستخدمونه في حياكة السدو

قاعة الغبقة .. مشاء الله الشباب بالدشاديش غير وحتى البنات بالدراريع هم غير صج تغيير لوك رمضان غير عسى الله يعوده علينا جميعاً بالصحة والعافية يارب

ضيفونا بالقهوة والتمر والعصاير وكل خير

مشاء الله التمر بكل الانواع الزينة من زين

تكلم الاخ محمد المهيني ورحب بالحضور

وبعدها استلم المايك السيد عمر العمر رحب بالحضور وتكلم عن سبب الدعوة هو التجمع ومعرفة الحضور

وصار وقت السوالف والتعرف على الموجودين وصار لي فرصة اشوف اصغر بلوقر لجين ياحلوها اسم الله عليها

واكيد كان فرصة حلوة شفت فيها

Ansam, Q8 Rain, His & Hers, Dudette, Crazy Yet Wise, FroyoNation, The side Talk, MoodynCheeky, JustNoon, LadyB, Jacqui,  HiKuwait, BlogLaish, Q8Blend, Qortuba, Q8Stig, Omarker, 360 dewan & Botamba

وكان هناك بوفيه بإنتظار المدعوين

مسمين البوفيه دار الجيل 🙂 واللي مو عارف شنو هالكلمة الكويتية معناها الغرفة اللي تحتفظ فيها ربة البيت بالاغذية مثل العيش والعدس والهريس وغيرة

بوفيه الحلويات الكويتية كان يشوق لكن مع الاسف ماكان للاكل مكان خصوصاً بعد الفطور الواحد مايشتهي

العصيدة تشوق مشاء الله

المحلبيه حاطينها بمواعين قديمة زوغه

فيمتو واعتقد لبن

وقبل الطلعة عطونا هالجنطة السدو .. وايد حبيت الفكره وذكرى جميله من بيت السدو والاحلى كاتبين اسامينا عليها 😀

الجنطة كان فيها 3 جدور عنونات فيهم رهش, درابيل وقرص عقيلي 

HTC جهاز موبايل 🙂

Nut Tree وعلبة جميله عليها صور الماضي الجميل فيها فواكهه مجففه ومغلفة بالككاو منكل الشكر لشركة زين للاتصالات على الغبقة الحلوة بهالمكان الجميل واخص بالشكر الاخ محمد المهيني, الاخت هلا ابو الحسن والاخ ناصر المطوع يعطيهم الف عافية

This entry was posted in Events.

19 comments

  1. Abdul-Aziz says:

    لا لا لا العصيده شي خيالي، لو موجود جان خذيت الجدر 🙂
    عليكم بالعافيه ، ماشالله الصور روعه

    • PinkGirl
      PinkGirl says:

      عاد تدري محد جاس شي الكل شبعان صورنا وطلعنا .. الله يعافيك شكلك بطلت تدش البلوق الساعه 12 هههههه

  2. afrah says:

    السلام حبيبتى وايد عجبنى العلبة اللي من نت تري مالت القرقيعان بس اهو وين محلهم وجم رقمهم اذا ما عليج امر ومشكوره والله يوفقج

Comments are closed.