Choowy Goowy Restaurant

من المطاعم اللي سمعت وايد ناس يمدحونها في الفترة الاخيرة Choowy Goowy

المكان ديكوراته تشوق بس مع الاسف كان زحمه فما قدرت اصور الا هالجم طاولة

الانطباع الاول كان سيء مع الاسف بسبب انتظارنا لمدة نص ساعه ومحد التفت علينا من العاملين بالمطعم الا بعد ما قمت شخصياً ولفت نظرهم لوجودنا وطلبت المنيو

المنيو يعتبر صغير لكن منوع هناك السلطات والباستا والبرغر والبيتزا

طلبنا اكثر طبق شهره وهو البوتاتو فولكانو .. وهي عبارة عن مكعبات بطاط مع صلصة التوابل والمايونيز لذيذة جداً

البينك باستا .. باستا القواقع الصغيرة جداً بصلصة الطماطم والجبن 

Green Tea

وايد عجبتني طريقة تقديم الشاي ونوعية الجاي وتعليقته على الكوب كيووت

طبق السويت كان جداً خطير ولذيــــــــــــــــذ الى اقصى حد  التميت جوي قوي عبارة عجينة الكوكيز تغطي ككاو كندر ذايب وحااار ويقدمونها حاره مع ايس كريم فانيلا

الطبق انصح فيه وبشدة 🙂

Choowy Goowy Restaurant @ 52 Degrees – Al-Tilal complex in Shuwaikh

This entry was posted in Food.

11 comments

    • PinkGirl
      PinkGirl says:

      عاد كلش مو عاجبيني الصور مصورتهم بالايفون استحيت اطلع الكاميرا 🙂 جربها وخنشوف بوستك عنها

  1. PARISA says:

    بالعافية يشوووق يريت يسووون توصيل ونهجم بالبيت على راحتنا هههههههه
    اهما اي حزات مبطلين ؟

    • PinkGirl
      PinkGirl says:

      الله يعافيج حبيبتي .. والله بالضبط مادري بس اتوقع من 10 الى 10 او 11

  2. dodoq8 says:

    عاد امس كنا اهناك وحدي توهقت بالحلو مالي كلش ماعجبني

    ورفيجتي طلبت نفسج وتقول حلو بس وايد حالي ويقث

    • PinkGirl
      PinkGirl says:

      اهو اللي بياكله كله اكيد بيغثة انا ورفيجتي طلبنا واحد وماكملنا نصة بس لذيذ 🙂

Comments are closed.