Review : Dampa Feast Seafood Restaurant

هالايام الهبه صايره الاكل البحري قباقب وربيان ومحار وغيره

ومن المطاعم اللي انشهرت بهالفتره دامبا فيست في سوق السالميه (الاحمر)

كانوا زباينه اغلبهم من الجاليه الفلبينيه ههههه والبلوقر جون كويت اهي اللي طاحت عليه وعلمت الكويتيين وداحرناهم فيه هههههه

صار ماشاء الله كله زحمه وويتنق ليست

المكان مو كبير بس مرتب وكل طاوله عليها علبه كلينكس وعلبه للدسوس البلاستيك (قفازات)

المنيو

انصحكم بلبس قفازين فوق بعض لانه احس يسرب

الموهيتو والمشروبات الغازيه تتقدم بهالشكل فبلغوهم انكم تبون كوب ورق في حال تبون كميه اقل

يفرشون لكم ورق ويكبون عليه الاكل

جربنا خلطة الكاجون والثوم الحاره

طبعاً كلهم فيهم فلفل بس خلطة الثوم واااايد الذ

للعلم ترى الربيان مو منظف لانه فيه ناس وايد علقوا على هالشي بس بصراحه الخلطه مع الاكل البحري لذيذذذذه وانا شخصياً رحت له مرتين وعاجبني

الاسعار وايد مناسبه والكميه راهيه

Instagram @Dampafeast

 

2 comments

  1. Wajabaty says:

    The Dampa Feast Seafood Restaurant looks really nice and superb ambiance. The menu and all dishes are awesome. Really appreciated the post and of course restaurant as well.

    Look for best Seafood restaurants in Kuwait? You can find on Wajabaty app http://www.wajabaty.com

    Keep eating delicious seafood!!

Comments are closed.