بالكويت احنا بالاكل محد يصك علينا
حق السوالف الزينه من مطاعم وقهاوي وحلويات شغل عدل
اللي يزور الكويت لازم يمتن له جم كيلو 🙂
هالايام الهبه متجهه صوب القهاوي الشبابيه
وكل وحده فيهم متميزه بشي
مثلاً ماغنيت مكان يديد فتح بالسالميه يجمع بين كونه مطعم وقهوه وتميز بقهوة البرو المثلجه
المكان شرااااحه ماشاء الله
موفرين خدمه حلوه اهي شحن التلفون علشان محد يحاتي
وعلى حسب علمي عندهم دور ثاني مخصص للدراسه او الاجتماعات
الاكل حاطينه جدامكم تختارون اللي تبون
انا كنت رايحه مخصوص لقهوتهم البرو المثلجه
عجيبه
وكيكة الزعفران والدرابيل خياااال
انصحكم فيها وبشده
magnet located in Salmiya, Amr Bin Al-Aas Street, Block 3, Aknan Complex
Tel : 22254085
Instagram @Magnet.Kw
