وصلني شي حصري جميل قبل فتره من بينفت
اسمه
“The Curious Case of the Brow Dilemmas” Book
واهي مجموعه كامله خاصه بمنتجات بنفت للحواجب في كتاب مميز كيوت
صفحات الكتاب صور حلوه تبين الفرق قبل وبعد استخدام منتجات بنفت للحواجب
اما الصفحه الاخيره فيها مرايه كبيره والمنتجات كامله
* ماسكرا الحواجب
Gimme Brow
حاطين بالكتاب لونين من الماسكرا طبعا الفاتح لذوات الشعر الاشقر والغامجه تناسب اللي شعرهم غامج
وايد ناس مدحوها وبالنسبه لي جربت اللون الاغمج وحبيتها لانها ثابته ولونها طبيعي
* بودرة الحواجب
Brow Zings Shaping Kit
بودرة تيي بلونين غامج وفاتح ومعاهم فرشتين وملقط
جربتها وبصراحه ما ناسبتني لانها شمعيه او كريميه اكثر من كونها بودر وانا احب البودره اكثر لانها طبيعيه اكثر
* قلم الاضاءة تحت الحاجب
High Brow
اينن ما استغنى عنه وايد احبه احطه تحت كسرة العين واطبطب عليه بصبعي علشان ما اوزعه عدل احس يبرز الحاجب اكثر ويعطي شكل حلو للعين
وهذا فيديو سويته للكتاب الجميل اول ما وصلني
