اب تاون مطعم يديد في الديره
اللي خلاني ازوره اني شفت اكثر من سناب حاطين نوع من الحلويات عندهم
يخلي الواحد مايقاوم زيارته
وفرصه حلوه كانت اني التقي صديقات من زمان ماشفتهم ونكتشف مكان يديد 🙂
مكانه بنفس الشارع اللي فيه مجمع دار العوضي بس مشكلته بالمصافط وراه براحه بس بالليل وايد ظلمه
المكان ملموم ومريح
طلبنا سلطة جرجير مع اللحم بالبلسمك
لذيذه
مكعبات الدياي بالعسل والثوم
ربيان بالصلصه الحاره
سلايدر الدياي
ترياكي لحم على حكوكة سوشي
على قولة نوره رفيجتي طعمه نفس مجبوس اللحم
ترايفل التوت
طعمه حلو
الاكل كله طعمه حلو
لكن اللي بيخليني ارجع للمطعم هذا الشي اللي يبجي
Chocolate Bomb
ككاو ابيض محشي بفراوله وبسكوت وايس كريم مع صلصه ككاو حاااار لذيذ
uptown is located in Sharq, Ahmad Aljaber St
Tel : 22470068
Instagram @uptownkw
