بآخر سفرة لدبي قعدت في فندق ورويك
بعد ما مدحه لي موظف السفريات وقالي انه فاتح من جم شهر بدبي
انا كنت مجربته في فرنسا وجنيف بس اول مره في دبي
حزتها ما لقيت غرفه عاديه فخذيت جناح عادي بقيمه ٩٠ دينار الليله
اللي يميز الفندق انه بشارع الشيخ زايد ويمه وايد اماكن مثل ستاربكس ومطعم زاروب وسوبرماركت وونديز وغيره
والتكاسي متوفره يعني ماننطر بس نطلع من باب الفندق التكاسي موجوده
لما وصلت كان زحمه عند الريسبشن وماشاء الله وايد ناس تسوي جيك ان وجيك اوت فاضطرينا ننطر بو ١٠ دقايق
واستقبالهم كان حلو وقدمولي ابقريد وعطوني الجناح الاكبر
مشكلتهم بس الاصانصيرات مع انهم ٦ بس وايد بطيئين كل ماوصلنا ننطر شكثر على مايوصلنا اصانصير
وبالنزله هم ننطر اكثر
كان دورنا بالعشرينات اذا ماني غلطانه علشان جذي ننطر اكثر بعد
الجناح راهي ونظيف بصراحه وشغل عدل
ماعندي اي ملاحظه عليهم
الفندق وايد زين وعادي ارجع له مره ثانيه بس اقولهم يعطوني غرفه في اول ١٠ ادوار
هذي الصاله مع طاوله الاكل
وفيه تكرمون حمام صغير تبع الصاله
وهذي الغرفه راهيه مع حمامها وايد كبير
Address: Sheikh Zayed Road,DIFC,Near DIFC metro Station
Phone:+9714506 9999
Link
الله يسعدك ياطيبة،،زمان كانت البوستات يوميا والحين صارت بالقطارة(فيس يبكي) المهم ترى أنا من المتابعين القدامى تكفين المدونة لا تموت لأني والله أحس انها ملكي مع ان فيها بعض الاشياء النسائية
تسلم اخوي من طيبك وشاكرتلك متابعتك
ان شاء الله المدونة باقيه ماتموت طالما هناك متابعين مخلصين امثالك
لكن اللي صار ان في السابق نصب كل المواضيع في المدونه كونها مصدر المتنفس الوحيد للمدون لكن مع التطور وطغيان برامج التواصل الاجتماعي على الوضع حاليا صار الشغل مقسم بين المدونه والانستغرام والسناب جات ومؤخرا الستورهاوس أيضا
فاللي صار اني قمت اختار المواضيع بعنايه اكثر واحط الأشياء اللي ممكن ارجع لها انا ومتابعيني ويستفيدون منها كارشيف سواء المطاعم او اسفرات او حتى بعض تجاربي الشخصيه في الأشياء
أتمنى انك اتابع حساباتي في برامج التواصل وبتعرف انه المدونه لازالت حيه 🙂
thanks for the information we’re planning to go there, so i might try it .
Comments are closed.