الاسبوع اللي طاف في قيت مول جربنا مطعم يديد فاتح من اسبوع
مطعم كيف
اللي لفت نظرنا بصراحه دلة القهوة اللي على الرمل وقررنا نقعد فيه
احلى شي انه اذا الزباين بنات يحطون لهم دله ملونه واذا شباب يحطون لهم الدله العاديه الذهبيه
عندهم ٤ انواع من القهوة اخترنا القهوة الجنوبيه الشقرا
وايد طيبه
ويقدمونها مع تمرتين
القينا نظره على منيو الحلو
وكانت معاي اختي وحدها حدها صعبه بالاختيار وكلش مو من ربع التمر والحلويات الشعبيه
ومساكين حتى الشيف يتها تشرح لها الكونسبت وانواع الحلويات وقرروا ينزلون لنا كل الانواع علشان نجرب ونعطيهم راينا
قرص عقيلي بودينغ
لذيذه بس ثقيله وايد
كيكة التمر مع الايس كريم
وايد طيبه
چيزكيك البلاليط
وايد لذيذه وطعمها قريب من الالبه
كنافه وايد حلوه
Keif Restaurant located in The Gate Mall, Egaila
Tel : 22056344
Instagram @KeifKw
