يمكن اللي متابعين القديمين يعرفون اني من محبي معرض الكتاب وكل سنه لازم اروح اول مايفتح
وعندي لسته صارلها جم سنه لبعض الكتاب لاااازم اروح اشوف جديدهم اضافه طبعا الى بعض الكتب اللي تعجبني وآخذها
هالسنه افتحوا المعرض وانا مسافره والحمدلله قدرت الحق عليه ورحت اليوم قبل الاخير وكانت زياره سريعه خذيت فيها بعض الكتب اللي في لستتي
بالصوره اللي فوق روايه اسمها طيبه للكاتبه د.عاليه الشعيب واكيد شدتني علشان اسمي
كانت مصورتها لي صديقتي صافي وخليتها تشتريها لي قبل لا ارجع الديره
والحقيقه قريت مايقارب ٢٠ صفحه وماشدتني كلش وتم ركنها 🙁
قميص يوسف ! العنوان يشد ههههه خذيتها
كرسي وطرحه
ماشدني حقيقه هو اسم الكاتبه نفس اسم صديقه عزيزه من ايام الثانوي
مادري اذا اهي اللي كاتبتها او تشابهه اسماء ومع الاسف مالقيت تعريف عن الكاتب فماخذيتها
العنوان شدني لأنه يخرع فقط
شركة بلاتينيوم بوك حاطين فنتق السنه
مكينه خاصه للكتب
لفت نظري روايه اسمها جريمه في المدرسه الثانويه
ادري ناس بتقول ليش ليش
بس ترى احب سوالف الجرايم ههههه وكتب متابعه دائمه لمجلة الجريمه
لاتسألون ليش مادري اهم هالسوالف جريمه وتحقيقات وشلون يلقون القاتل هههه اكشن
المهم لما طلبتها قالولي ان الكاتبه موجوده تبين توقيع
ياربي اتلفت ابي الكاتبه جان يأشرون لي على هالبنت العنونه
يختي زبوطه انتي عندج كتاب وعن جريمه هههه
يحلوها ومستحيه المهم وقعت لي وعسى الله يوفقها عاد ليلحين ماقريت القصه ناطره دورها 🙂
عند شركة نوڤا لقينا جسر الحب الكويتي مع قفولته
يقولون هذا ثيم لتوقيع كتاب احد المؤلفات
وچان نلقى المؤلفه حنان السعيد وتوقع لي على روايتها الجديده كانت هنا
شوقوني مذكرات البنات على اميرات ديزني
كشخه شي معاهم مشط وشي قفل
لقيت هالقصص عند احد البوثات في قسم الاطفال
قصص كويتيه تراثيه وايد حلوه
وآخر الجوله لازم امر مع عيال اختي وصديقتي ندويه ناخذ ايس كريم وذره 🙂
هذي حصلية هالسنه من معرض الكتاب
