كشتة بحديقة مشرف برعاية خيمة مضياف

modhyaf1 يوم الاربعا قلنا نغير مكان كشتتنا خصوصا انه بدا الشتا وزادت البروده
مو مال الواحد يجابل البحر والهوى
اخترنا حديقة مشرف قريبه وهاديه بأيام الاسبوع

وصلت الساعه ٤ وكانوا مضياف مزهبين لنا خيمتهم العجيبه تبارك الرحمن چنها كوشه بوسط الحديقه ماشاء الله

وحاطين لنا لوحه نكتب فيها اللي نبي
modhyaf2modhyaf3 وريذات واضاءه وقنفات وطاوله وكوشيات وشموع شي عدل
modhyaf4modhyaf5 حتى زوليه يايبين ومغلفينها بنايلون علشان ماتتوصخ سنـع
modhyaf6modhyaf7modhyaf8 لابد من قطوه تمر علينا ههههههه شي مقرر
شكلي المره اليايه بييب معاي قوطي سردين ولا تونا :P
modhyaf9 وكنت قبلها بيوم طالبه ككاو بأسامي البنات :)
@regalo_del_chocolate من اكاونت الانستغرام
طعمه طيب بالمكسرات
modhyaf10modhyaf11 واحلى چويهه وقهيوه ل شلـة مشـرف
modhyaf12modhyaf13 شحلو الخيمه بالليل ماشاء الله بس لويتنا وعفستنا ماقدرت اصورها كامله
modhyaf14 وچان ينفتح الماعون ويطلع المعدس بهالبريدات صج صج وقته يا ســــلام
modhyaf15 وقبل لا نقوم بشوي يانا هندي اسمه لوڤ يبيع دي في دي على نص دينار ويقول عنده مكياج بعد
كشخه بتاع كلووو
رقمه حطيته بالانستغرام حق اللي يبيه
modhyaf16 شكرا مضياف خوش قعده اتينن عسى الله يوفقكم
للاستفسار : ٩٩١٥٨٦٥٩
Instagram @Medhyaaf