هالسنه قررنا انه كل سبت نسوي فيه يمعه حلوه نستانس فيها ونشوف صديقاتنا
هالسبت يمعتنا كانت مع بي بيكنك 🙂
اخترنا نفس المكان اللي قعدنا فيه قبل جم اسبوع صوب ابل بيز
مكان هادي وكله عوايل ومنظر حلوو
وصلت الساعه ٥ وكانت صاحبة المشروع مجهزه كل شي يعطيها العافيه
ماشاء الله عليها مهتمه بأدق التفاصيل
اول شي القعده اهي مسويتها ماتلقونها بكل مكان وعندها بعد قعدات بأشكال ثانيه للبيع ومختاره خامات جودتها عاليه وتم تفصيلها بعنايه
كل الاشياء الضروريه موفرتها
سماط مرتب بالنص مع شموع تشتغل بالبطاريه و ترتيب جميل للصحون والاكواب والشوك والسچاچين وحاطه سله لصحون اضافيه وتوابعها
وحاطة ديكور يشوق شمعتين كبار في فوانيس مودرن
وزاويه حاطه فيها سله كبيره فيها كنابل ومكرم السامع زباله وحاطه جيس اضافي وحتى الكلينكس مو ناسيته يحلوها
الزاويه الثانيه حاطه فيها طاوله مدوره عليها ٣ سلال وحده فيها باور بانك مع الكيبلات لشحن الهواتف النقاله ويشحن تلفونين مع بعض وسبيكر وعصاة لتصوير السيلفي وليت كبير
والسلتين الثانيين فيهم حركات تشوووووق للتصوير كبابيس ونظارات وكبار وتيجان واطواق ورد وغيرها وتوفرهم على حسب المناسبات عيدميلاد او برايدل شاور او تخرج
لما تحجزون عندها تاخذ تأمين وتعطيكم وصل
شوفوا شلون نزاكه
احتياجات الكشته الضروريه 🙂
صج استانسنا بالاغراض ملوت التصوير وشبعنا واحنا نجكجك
لويتنا ومنظر الشموع لما فتحناهم 🙂
فطومه اختي مدلعتنا مسويتلنا بيتزا على بف باستري
لا وحارقه ايدها بعد هههه سلاماات فطمط بعدوينج يالغاليه :*
لذيذذذذذذذه
بنت الخال يايبه خبز ايراني وجبن كرافت 😀
وهلت ندويه (دندرمه) ومعاها سلة ليلى فيها صمون مع جبن ابيض وخضرا
ولازم كل كشته اتجبلني قطوه ههههه هذي قطوة هالاسبوع
للحجز والاستفسار (واتس اب) : ٥١٢٥٨٠٨٩
Instagram @P.ForPicnic