قبل جم يوم لما رحت جمعية غرب مشرف علشان ريوق كافيه بزه
شفت بالمدخل اعلان عن صالون جديد في المول اسمه
Beauty Coat Salon
وبما انه كان عندي مناسبه بنفس اليوم قلت اجربه واسوي اظافري عندهم
تبون الصج وايد استانست انه صار يمنا صالون قريب
ونوير رفيجتي معاي على طول الخط هههه دقت خذت لنا موعد وبمجرد ماخلصنا ريوقنا مريناهم بالدور الاول مقابل كافيه بزه
المكان عنونووو بس مرتب وشرح وديكوره راقي واااايد حبيت المكان
عطونا هالنموذج نعبيه وبعدها نبتدي
شوفوا المكان شلون نازك
العيب الوحيد انه اللي يشتغلون واااايد سريعين وماخذين مواعيد ناس فوق بعض يعني زبونتين قاعدين ناطرين واهم بس ٣ واحنا اللي موجودين ٣ فيبون يخلصونه ركضه ركضه علشان يبدون باللي ورانا !!
اضافه الى اني كنت حاطه صبغ اظافر احمر وانصدمت بالفلبينيه تقولي مدام انتي حاطه صبغ احمر اظافر يصير وسخه مايروح الصبغ بسرعه !!! هو انا عيل ليش يايتج تتمنظرين بظفري اكيد ابيج تشيلين الصبغ هذي مهمتج !
ولما يت تصبغ حاشت ظفري واخترب شوي الصبغ خبري اذا صارت هالسالفه يشيلون الصبغ ويردون يصبغونه لكن الحبيبه لانها مستعيله حطت كوت ثاني وچنه العيد اشوه انه ضبط ولا جان طناقري طلعت عليها
انا اكتب هالشي مو علشان اذم المكان بالعكس وايد حبيت المكان ومتحسفه عليه وعلشان مصداقيتي مع قرائي وهم علشان اصحاب المكان ياخذون الملاحظات بعين الاعتبار وعسى الله يوفقهم بس فتحوا العين على اللي يشتغلون عندكم علشان يهتمون بالزباين ولايعيدون الاخطاء
وهذا كان اختياري لصبغ زويا مع غلتر
مول جمعية غرب مشرف – الدور الاول
Tel : 25388325 – 99977161
Instagram @Beauty_Coat
المشكله مو باللي يشتغلون. المشكله في ناس مايحافظون على مواعيدهم ويتأخرون عنها وبالنهايه يتحلطمون عالعفسه اللي اهما سببها
جذي معاة حق الناس السبب لكن اللي يايين كانت مواعيدهم ورانا مو قبلنا ومجدمين بييتهم مو متأخرين
علشان جذي كتبت الغلط من اللي يشتغلون لانه لازم يحطون فجه بالوقت بين كل زبونه واللي وراها
كل الشكر على المصداقية والموضوعية بإبداء ملاحظاتك على المكان. وتم الاخذ فيها بعين الاعتبار.
العفو حبيبتي .. واذا كنتي صاحبة الصالون عسى الله يوفقج 🙂
Comments are closed.