الاسبوع اللي طاف نزل مركز سلطان رقية صغيره على شكل قلب حب في بوكس مرتب بمبلغ ٩٩ دك
الكل صور او اعاد عرض الصوره مع تعليقات مختلفه عن السعر !
هالويك اند كنت ماره الكوت وبعد ماخلصت شغلي مريت مركز سلطان وشفت هالرقيه جدامي !! توقعتها اكبر بس حجمها كبر الايد او اكبر شوي
سألت الاخوان العاملين اذا فيها شي مميز او داخلها هديه مثلا خاتم او تراجي او شي صغير يسوى دفع هالمبلغ
قالولي لا رقيه عاديه والمميز فيها شكلها اللي على قلب اضافه الى ان ماكو منها الا ١٢٠ حبه بالعالم ٤٠ في اليابان و٤٠ في روسيا وحاليا ٤٠ في الكويت
اللي استغربته ان ٣ اشخاص شروا الرقيه بهالمبلغ من فرع الكوت !!
تشترونها ؟
OMG حولتها بالريال السعودي
1313 ريال !!!
وعلى جح لا والله ماني مهبوله هههه
ان شاء الله مافي منها الا وحده بالعالم
لا عاد تخيلي اذا فتحتها طلع لونها فاتح ههههه أم القهرررر
ودي اروح علي بو اشتريها واسوي نفسي انها طاحت من ايدي قبل لا توصل السله تهقين شنو ردة فعل اللي يشتغلون هههه
Comments are closed.