بدعوة من السفاره البريطانيه حضرت
Afternoon tea ال
مع الشيف البريطاني المعروف غاري رودز في مطعم ڤيراندا بهارفي نيكلز
معروف عن البريطانيين توارثهم لهذه العاده (جاي بعد الظهر) اللي تخليهم اكثر نشاط وريفرش خصوصا بعد اعمالهم الصباحيه
وصلت بالموعد وقابلت الاخت دانه من السفاره وجلسنا بانتظار باقي المدعوين للبدء بتذوق اطباق الشيف غاري الخفيفه وشرب كوب الشاي البريطاني
السيت منيو
مع الاسف اني مو من ربع التي الا المنزلي الاحمر فطلبت كابتشينو
ووصلت بعض الساندويتشات الخفيفه
شكلهم وايد ومرتب ويشوق
جبن – لحم – دياي – سالمون – بيض
جربت البيض والدياي والجبن وقطيعه من السالمون
اطيب شي الجبن خطيرررره كانت مخلوطه مع ثوم وفيها طعم سويت مادري شنو الخلطه بالضبط بس خيال
وبعدها صار دور السويت
السكونز مع المربى والكريم خيال
وبعض انواع الميني كيك الجوكليت كانت وايد طيبه
وفكتوريا كيك
وسويت بالبلوبيري كان فريش وطعمه حامض حلو
واخيرا وصل الشيف غاري سلم علينا وسألنا اذا عجبتنا الاطباق اللي قدمها لنا وصور معانا
كل الشكر للسفاره البريطانيه على الدعوه والاخت دانه العتيبي
لمتابعة كل مايتعلق بالسفاره البريطانيه وانشطتها والاسبوع البريطاني في الكويت اتبعوا اكاونتهم الانستغرام
@ukinkuwait