شكشوكة ماركت هو سوق حر يشارك فيه مجموعه من الطهاة واصحاب هواية الطبخ والمزارعين يقام كل اسبوع لمدة ساعتين فقط بمواقع مختلفه من الكويت ويعلن عن المكان قبلها بيوم عن طريق اكاونت الانستغرام الخاص بالشيف مريم النصف صاحبة فكرة شكشوكه ماركت
زرت شكشوكه ماركت مرتين من قبل بس ماحصلت الفرصه اكتب عنه في البلوق لكن كانت لي صور سريعه لزيارتي في اكاونت البلوق في الانستغرام
هالاسبوع كان تجمع شكشوكه ماركت في بنيدر طريق ٢٦٧
ولأني كنت قريبه بزياره لشاليه بيت خالي مريت مكانهم مبجر
منتجات مختلفه والاغلب عضوي
جبنة الماعز كانت لذيذه جدا
شفت عند شيف مريم النصف اكله غريبه فطلبت منها 🙂
عيش مثلث وكرسبي يم يم
بانتظار الشي اللذيذ
الطعم عجيب كرسبي من برا ولين من داخل وطعم الصلصه ناطع مع الجلابينو
واخر شي شفت هالمزيون وغصب خلاني اصوره 😛
حسافه كنت ناطره اللي تبيع خبز وكراميل بالجوز كان عجيييب بس ان شاء الله الاسبوع الياي تكون موجوده
