وصلتني بطاقه لحضور افتتاح ملتقى كويتي وافتخر ٢٠١٤
الملتقى اللي ننطره من سنه لي سنه
لكن كانت الدعوه دعوتين بوجود مشروع رمال الخاص بالنحت على الرمل والمساحه هالسنه وايد اكبر من العام
رحت مبجر وايد لاني ادري انه ارض المعارض قاعدين يسوون فيه تعديلات واغلب الشوارع داخله مسكره
قطيت السياره عند قاعه ٨ ونزلنا نمشي
مشروع رمال ما ادري اذا افتتحوه ولا لأ لانه وايد ناس قالوا لي ٨ بالليل مافتح
هالصوره خذيتها اول ماوصلت القريه
وبداية الافتتاح مع الفرقه العسكريه
الافتتاح بحضور الشيخ سلمان الحمود والشيخ محمد العبدالله
كاشخين بعلم الكويت يحليلهم
القريه نفس العام مافرق فيها شي خير الرسومات على الطوف وتغيير مكان المنحوتات الرمليه
الرسومات تونس ودايما افكارهم عجيبه
شركة زين للاتصالات
خذيت جوله سريعه بين البوثات
وبوث كشخه عكس حاطين كاسكو وصخيله يصورون معاهم اليهال
هالبنات صج مو رسمه .. نفس العام تذكرون العروس ؟
التقيت في مشعل العيدان ولد حبوب ومهتم بالفن وعنده خوش قناة باليوتيوب جم مره انزل برامجه
بكوستا لقينا الفنان الياباني ونصوري اصر يرسم له على الاتيه 🙂
كوردو
وختمناها عند شاورما الشيف الكويتي اللي ذقنا شغلهم العام وماشاء الله من تصير الساعه ٨ مخلصه شاورمتهم من كثر ما اهي طيبه
