Review : MixBerries Lounge

IMG_7748
اول امس كنت معزومه على مطعم ميكس بيريز لاونج في السالميه
اول مابلغوني عن اسم المطعم على طول ارتبط الاسم باليوغرت ! لكن قالولي انه لا الحين صار مطعم كامل مو بس يقدم يوغرت وفتح بمكان جديد

وصلت المطعم ومكانه مقابل مسافط الجامعه الامريكيه .. ديزاينه من بره يشوق
مطعم صغير ملموم متكون من طابقين

هذا الارضي
IMG_7745IMG_7746
الصوره تدور الراس ادري بس هذا الدرج علشان اصعدكم معاي الطابق الفوقي 😛
IMG_7712
اول شي لفت نظري انه ماشاء الله المساحه حلوه وثاني شي يلفت النظر وجود لابتوبات ابل واچ بي وبرنتر كبيره !!
عرفت بعدين من صاحب المطعم الاخ راشد انه وفر هالاجهزه خصيصا للطلبه بما انه اهو جارهم علشان يقدرون يخلصون بروجكتاتهم ويتيمعون لمناقشه دروسهم ومره وحده يطبعون شغلهم يعني مكان واحد شامل ويلقون فيه كل شي

الوان المكان شرحه والديكور شبابي والكراسي مريحه خصوصا للي بيقعد وقت طويل
IMG_7707IMG_7708IMG_7709
وهذي البرنتر
IMG_7742
حاطين على كل طاوله في الطابق الفوقي جرس علشان تنادون الويتر اذا تبون شي
IMG_7714
وصار وقت الطلب وكان طلبي برجر دمار اللي نصحني فيها الاخ راشد وقالي انها البيست سيلر عندهم
لحمها انجوس بيف ومن محتوياتها الزمان والجبن وصلصه لذيذذذه والساندويت حدها ترفه
بصراحه كانت اسم على مسمى دماااار وامل بعد
IMG_7723IMG_7727
الطبق الثاني كان باستا البيستو مع الدياي
هم كانت وايد لذيذه وحاره من الذ الباستات اللي ذقناها
IMG_7719
وآخر شي ختمناها بالنوتيلا كريب يم يم
IMG_7732
وكابتشينو
IMG_7738
المطعم وايد عجبني اكله لذيذ وحبيت وايد فكرته واكيد لنا عوده نجرب اشياء ثانيه ان شاء الله
شكرا لميكس بيريز والاخ راشد والاخت هند على الدعوه وحسن الضيافه وعسى الله يوفقكم

MixBerries Lounge is Located in Salmiya, Salem Al Mubarak St, infront of symphony & AUK parking
Tel : 25721625
Instagram @MixBerriesKw