وصلتني دعوة تشوق عباره عن سله وفيها محتويات عمل باستا فريش مع الطماط والزيت والمشخال وحتى الملاعق الخشبيه
الدعوه كانت لافتتاح مطعم نينو في ارابيلا البدع بتنظيم شركة حمد قلم
امس اول مره ادخل فيها ارابيلا ماشاء الله وش مكان وخوش قعدات
نينو صاير آخر ارابيلا على البحر موقعه وايد حلو ويطل على الهاشمي بعد
اللي خلاني ادله بسرعه الاضاءه اللي مسوينها للافتتاح 🙂
المكان مرتب والقعده حلوه وفيه طبعا قعدات خارجيه وحاطين دفايات وشغل عدل
كانوا مسوين سيت منيو لكن بلغونا نطلب اللي نبيه اذا في اي شي بخاطرنا
واحلى شي اليمعه الحلوه مع حبيبات قلبي حنونه الرفاعي ونوره العيسى
ويابولنا سله الخبز مع الجبن
وبعدها العصاير
Sweet Surrender
باشن فروت مع النعناع والاناناس
Passionate Lychee
باشن فروت مع اللتشي والجوافه
شوربة المشروم معروفه عند نينو
Zuppa di funghi
السلطات
Rocca Salad
Caesar Salad
الاجواء كانت جميله واكتملت مع صوت جديد رائع اسمه فهد السالم
غنى لنا اغاني اتينن كلها قديمه ايام التسعينات
ونرجع للمقبلات 😛
Pollo fritto Americano
دياي مقرمش مع شيدر وجلابينو صوص
Gamberoni di Buffalo
ربيان مع الهوت صوص
Routini Sliders
ميني برجر مع البصل والبلسمك والطاط الكرسبي
Veal Al tartufo
باستا مع الترتوفو مشروم
Al Pomodoro E Basilico
وبعد العشا صار وقت الحلو مع القهوه
لاتيه
Warm Chocolate Ganache
جوكليت كيك مع التوفي المالح
Mille Choco Crepe Cake
ٍRed Velvet Cheese Cake
هذا اطيب وحده عجيييبه لازم تجربونها
وآخر شي سووا سحوبات على كوبونات للعشا في نينو والفيسبا اللي فازت فيها سبيجه الخرافي عليها بالعافيه
شكرا نينو على الدعوه والافتتاح الجميل كل شي كان عجيب ما شاء الله
وشكرا حمد قلم على التنظيم الاكثر من حلو قواك الله دايما ما يطلع منك الا الشي الزين 🙂
Nino is located in Arbella , Albedae
Instagram @Nino_Restaurant