وصلتني دعوة ناعمه من مصممة الاكسسوارات سمر المطوع لحضور الايفنت الخاص بطرح مجموعتها الجديدة (سمارش) وبقطع حصريه في شو بوكس ب 360 مول اليوم الساعه 6
ومع الدعوة بروش على شكل مرش كويتي قديم لونه ذهبي وايد حلو
و بما ان عندي ارتباط اخر بنفس الوقت قلت امر مبجر العصر اصور القطع وامشي 🙂
والحمدلله كان المحل جاهز والقطع موجوده
قلادات لولو ومزينه بكلماتنا الكويتية مثل ناطعه, حلوة, تهبل, تشوق, ياحلوج, رزة, مزيونه, سنعه
سبق لسمر المشاركة بعدة معارض واشتهرت بالاكسسوارات اللي تحمل طابع تراثي من الاشياء الكويتية القديمه مثل المبخر والدلة والفنجان والمرش والجمل وغيرها
وبعيد عن التراث اختارت سمر 3 دول اتوقع تحبهم ضمتهم لمجموعتها 🙂 لندن نيويورك وباريس
الضيافه كلها حلويات كويتية 🙂
مكان الايفنت ماكان جاهز واتوقع بالليل بيكون شكله حلو 🙂
شكراً سمر وسيركس بي سي على الدعوة وكل التوفيق لكم يارب 🙂
شوبوكس في 360 مول, الدور الارضي
Tel : 25309929
Instagram @shoeboxnykuwait
Samarish.com
Tel : 99339522
Instagram @Samarish
