احب الطلعات اللي تكون بالصدفة .. كنت في بيت دندرمة بزيارة سريعه جان تقولي شرايج نطلع نتعشا ونغير جو دام الوقت توه مبجر
وكنا سامعين عن مطعم يديد في الشعب البحري فقلنا نجربة دام الجو حلو و مبين قعدته الخارجية حلوة من الصور اللي حاطها في اكاونت الانستغرام
Sauce المطعم اسمه
الحلو انه له قعدتين برا مو بس وحده وهم في قعده داخليه وبصراحه المطعم يشوق وديكوراته وايد حلوة وشرحه
الديكور الخشب معطي طابع المزرعه او الحديقة المودرن للمكان
واللي محلي المكان اكثر لوحات بوب ارت عجيبة موجوده بكل مكان بالمطعم للفنانه السعودية فدوى الحصان
المطعم في الجهة الخارجية الخلفية هدوء وجو حلو واضاءة جميلة وايد حبيت الاجواء
Mozzarella Carrazzo
ثلاث قطع من الموزريلا مع صوص الطماط كانت جيدة
الربيان شوي كان يابس وعرد يبيلة يكون حجمه اصغر من جذي بس البافلو اللي عليه كان طيب والصلصة بعد زينه
الادمامي مو طلبنا بس شكله كان حلو والطاولة اللي يمنا كانوا قاعدين فيها صديقات عزيزات فصورناه منهم 🙂
شكرا عذبه وفرح ومداخيل العافية :*
البيتزا مارغريتا حجمها كان وايد حلو بالنسبة لشخص واحد يطلبها ممتازه جنها فطيرة مفتوحه بس الطعم شوي عادي ناقصها شي
روزيتو المشروم انا ماجربته كان طلب دندرمه 😉
ولاغنى عن القهوه بنهاية المطاف طلبي كان هازلنت لاتيه وايد عجبني
الحلو كان ريد فيلفت بودينغ وكان مضبوط وطيب
ويابولنا الديتول مع الفاتورة 🙂
Sauce Located in Al Shaab albahry, block 8, Ibn Salem St
Instagram @SauceKuwait