آخر المطاعم اللي تم افتتاحهم بالديرة كان مطعم جباتي وكرك لصاحبه الفنان حسن البلام
الجباتي هي خبزة هندية معروفة والكرك هو الجاي مع الحليب
الافتتاح الرسمي للمحل كان اليوم بحضور العديد من الفنانين وبصراحه كان المكان مزدحم وكله شباب ففضلنا ندق نطلب ويوصلون لنا الطلب لي السياره وماقصر واحد من الشباب اللي يشتغلون هناك خذا طلبنا وقعدنا ننطر وما شاء الله الخدمه كانت سريعه جدا
الفنان حسن البلام بعدسة اللي يشتغل بالمحل 🙂 ماقصر خذا كامرتي وجكجك لي جم صوره
المحل من داخل وايد بسيط
بعض الانواع الموجود عندهم بالمنيو
الجباتي السادة, جبن قلاص, شيدر, بيض, لبنه, نوتيلا, رهش, عسل, حلوم
خدك القيمر انا اتريق منه خخخخخخ
ماكو عندك بالمنيو جباتي بالقيمر يالبلام 😛
بعض الفنانين اللي شفناهم الفنان جمال الردهان, عبدالله بوشهري, مشعل الشايع, الملحن ساهر, عبدالمحسن العمر, فهد البناي والشيخ دعيج الخليفة
وصل الكرك الطيب .. حبيته وايد طيب والشيره معتدله وحااااااار يحرق اللسان من كثر ماهو مطبوخ
بالنسبة لي ممتاز علشان ما يبرد بسرعه
جباتيناااا
جباتي بالشيدر كانت الخبزه ناشفه ولذيذة والحشوة بكمية راهيه مو طرارة بس ثقيله شوي مع الجباتي
جباتي بالجبن كرافت والعسل شي خطيررررررررر وناطع وانصحكم فيها وبشدتين
الاخيره النارية بنوتيلا هم كانت عظيمه بالطعم
الفاتورة طلعت 2,700 دك واشوفها معقولة مقارنه بالمطاعم الجديدة وايد ناس قريت ردودهم بالانستغرام انه حرام الجباتي ب750 فلس
رايي انا ضد غلاء الاسعار بالنسبة للسلع الاستهلاكية لكن هذا مشروع ومن حق صاحبه انه يحط السعر اللي يبيه وعلى الزبون الاختيار بينه وبين غيره محد مغصوب على شي 🙂
ماعرف حسن البلام شخصياً لكن هذا رايي الشخصي لكل مشروع وطبعاً كل التوفيق لبو علي واي مشروع كويتي
جباتي وكرك مكانه بالسالمية – شارع الخنساء بجانب مطعم البطة المرحه
Tel : 25757657 – 50445040
Instagram @Chapati_Karak
الله يعطيج ألف عافية يا الغالية على هالتغطية الحلووووة مثلج ..ويبارك بالمحل لصاحبة ومنها لﻵعلى ..والسعر اشوفة مناسب في الوقت الحالي تساير لغﻵت المواد اﻵساسية ….والله يعطيج العافية لو مو انتي جان ما عرفنا شي …
غالي ما يسوى
ما ادري ليش لازم الاسعار
نار وشرار
خاصه اذا صار مشروع شباب كوبتي
** صباح الورد المطعم للشاعر ساهر و حسن البلام
و يعطيج العافية عالتغطية الحلوة
الف مبروك الافتتاح يا البلام
الله يوفقك يالبلام مشروع طيب ومنها للأعلى
الف الف مبرووووووك تستاهل كل خير خيي موفق
يعطيج العافيه حبيبتي، بس حبيت اتواصل معاج بموضوع جداً مهم
شلون اطريقه؟
مبروك الافتتاح و بالنسبه للاخت الي تقول السعر عادي تزامن مع غلاء الاسعار
الجباتي ٧٥٠ فلس ليش يعني لو ٢٥٠ معقوله
في محل بالقادسيه صوب الجمعيه احلي ماكولات هنديه فيه ع و كاهو بنفس الاسعر و طلع ذهب عليهم بالعافيه
لكن سالفت غلاء الاسعار المفتعل هذا غير مقبول صراحه و العتب مو على التاجر العتب علي المستهلك الي بسبته صارو التجار تجار بسبت ضحالت تفكيره و نظرته و
ياجماعه لاغالي ولاشي حجمها كبير وطعمها لذيذ جربوها وبعدين حكموا
اسعارة ولا ميس الغانم الجباتي اللي عندهم مطحون مع ذهب الله يخلي المطاعم الهندية تتريق ب750 فلس احلي وجبة والاخ او الاخت اللي كاتبة الموضوع اذا اسعارة معقول بالنسبة لج احنا عيال فقارة مونفسك طبقة مخملية
بنص دينار ناخذ ترس جباتي مباالغ بسعره كلها جباتي وشوية الوان عالقرطاس
العفريت اخذ مشروعي كنت افكر بنفس المشروع
لكن ماعليه عليه بالعافيه والله يوفقه ان شاء الله
يستاهل بوعلي
والى الامام تستاهل
بعرف شنو المبرر چباتي ٧٥٠ فلس
وشنو اليديد ندري انه مشروع
لكن من حق الناس تعرف مبرر رفع السعر الچباتي بالجمعيات وفي مثلج وغيره
يعني منطق بالترفع
تبون تسوقون له سوقو من غير انحياز احترمو عقول القراء
من غير تصغير
اشتريه ٥٠ وابيعه ٧٥٠
وتكلفته
طحين وماي!!!!
صح لسانك وبعدين فكرته وايد غبية شكو الجباتي بالكرك ليش مالنا بالديرة شي كويتي تراث كويتي شنو كرك قاعدين بالهند ولا باكستان !! ياريت عندنا ممثل كويتي أصل وفصل عالاقل يبطل شي فيه تراث مو كرك شاي وحليب سموه كرك والله حاله عيل ببيع بيبسي ونخي وبسميه ماجلان كيفي راعي فكرة
الله يعطيك العافيه بوعلي الورد خوش اكل وخوش اسعار يبيله بعد خوش قعده والله يوبقك
جباتي مع نوتيلا اب اقدع مطعم هندي اب 150 فلس ليش سعر الجباتي نفس سعر وجبه الاطفال اب هارديز طير بابا طييييييير
انا احترم الفنان على فكرتة ومن حقه يحدد السعر
بس من فطرة انك اتحاول اتحدد سعر انه مايكون فارق عن سعره الاساسي وايد
معروف صوت الهند انه اهو افضل مطعم هندي ولكن سعر جباتي ١٠٠ فلس
مطاعم العاديه ٥٠ لو انا صاحب المطعم اخليها ٣٥٠ اشوفها معقولة ترا السعر يحكم مهما كان انا صاحب مشروع احاول اني ارضي جميع الاطراف الله يباركلة انشالله
اموت على الترفيع .. يبا روحي فرع صباح السالم واطلبي جباتي وكيما ولا فلافل ولا لبنه ما يكلف الا ربع دينار .. يا بنت خلج عن الترفيع وتصيرين صيده
الله يخلي جباتي الجمعية ب ٤٠ فلس
يعني اقدر اشتري ٢٠ جباتيه واوزع عالفريج
وبنفس سعر الحباتيه الوحده من مطعمكم
الله يوفقه حسن البلام
بس زين يسوي
لان في ناس ما يعجبهم الا الشي الغالي
حتى لو كان بنفس الحرده لازم ياخذ الاغلى
واهم كيفهم بعد
فاهو اولى بفلوسهم
يستاهل ولدنا
بنفس الجوده*
شسالفه جباتي 750 فلس شصار بدنيا كلها 30 فلس حبة جباتي مع الي داخلها تصير 250 فلس لازم ننهب العالم عش
السلام عليكم
أكل لذيذ ومطعم جميل وزيارة لك قريب
وبالتوفيق ..
تستاهل خوي الغالي حسن ومنها الي الاعلي ونشاط ذكي ومتميز في الاختيار واتمني لك التوفيق والانتشار باذن الله… اخوم دكتور نايف الصفران 90010003
احنا نشجع الأفكار الشبابية ، وبالنسبة للكرك معروف بكل دول الخليج ماعدا الكويت
والسعودية ليش ؟؟ الفنان البﻻم يعرف ﻻن ماشاءلله عنده اصدقاء من الخليج
موفق ان شاءالله بس إذا تبي
ترا في فرق بين الچباتي والبرتا
الچباتي حق لهنود والبرتا حق البكستانيين
وسعر الچباتي مع جبن أو نوع اخر غالي لو كان سعرها ٢٥٠ ممتاز موفق مره ثانيه
الف مبروك للفنان البلام يستاهل وفكره حلوه الكرك وانا احب الجباتي الخفيف مو المتين والله يجعله قدم السعد عليك
يعله مبارك وسعيد وان شاء الله تشوف من وراه الخير والف مبروك تستاهل يابوعلي كل خير
طبعاً انتي تاكلين ببلاش واجكجكين بالصور وتقولين السعز مناسب
من قالج اني معزومة علشان آكل ببلاش !!! انا رايحه حالي حال اي زبون ودافعه سعر اللي شريته حبوبة
الف مبروك تستاهل كل خير يالبلام وان شاءالله تفتح افرع وتتوسع يارب
بالتوفيق المبارك إن شاء الله تعالى . و حسن البلام ولدنا ولد الكويت وكل شباب الكويت يستاهلون
عسى ماشر جباتي هاذا سعره
الف مبروك وعليه بالف عافية دامه فنان ومواطن كويتي يستاهل والله يزيد خيره ويسوع رزقه
750 فلس للجباتي ؟!؟!؟!؟!؟!؟
!؟!؟!؟!؟!؟!!؟!؟ ليش اشطالب انا
الجنون فنون
عسى ما شر 750 جباتي
والله يازين جباتي جمعيتنا الحبه ب 50 فلس
أشكره بايق الاسم .. هذا محل مشهور جدا في الدوحه قطر وله فروع وايد
الحين وجبة حلوم بالجليب ب ١.٧٠٠ ما في احد اشتكى صمونه و بطاط و علبة بيبسي
يبا اللي معندوش ما يلزمووووش
بالتوفيق بوعلي
ياناس بس فالحين تتطنزون بسكم الي يبي يشتري يروح ولي يبي يروح مطعم الجمعيه يروح الريال ماغصب احد فيكم خلو تعليقاتكم منها فايده عشان نعرف شنو احلي شي
ان شاء الله لنا زيارة قريبة لمطعمه
وبنشوف كل شي مميز أكيد
بالتوفيج
موفق يالبلام
مبروك على الافتتاح المطعم
عليك بستين الف عافية يارب وعسى ربي يوفقك ويهنيك ويفتحها عليك ان شاءالله تستاهل كل خير
ما عليك من الناااس الي تتكلم اذا بتسمع كلامهم بتتعب الحرة وماتسوووي
هذا اهوه الرازق بالسماء والحاسد بالارض
تقليــــــــــــــد لمحل جباتي وكرك المشهور في كتارا في قطر وفروعه واصلة لندن
شي ولا انصب
الطحين ومدعوم والحليب من التموين
وحدث العاقل بما يعقل
جباتي ولحم مفروم ب ١٥٠فلس بفرع كيفان جنب النادي
شجعوه باركوله قولو الله يزيدك ويوفقك فاجين حلجكم علي نص دينار
وعالمطاعم الثانيه تقطون ٢٠ وله ٣٠ دينار ناس فاضيه ساذجه
عن جد ناس سلبيين وتحب النقد بقوة
المفروض تطالعون الايجابيات في الموضوع
لما الواحد يفتح له مشروع نتمنى له الخير والتقدم ونفس الوقت نشوف طريقنا شنو نتقدم فيه
مو اول ماتشوفون احد سوا شيء حطيتوا يد ع خد وتحلطم ونقد
Comments are closed.