إفتتاح مطعم جباتي وكرك لصاحبة الفنان حسن البلام

chapatinkarak1

آخر المطاعم اللي تم افتتاحهم بالديرة كان مطعم جباتي وكرك لصاحبه الفنان حسن البلام

الجباتي هي خبزة هندية معروفة والكرك هو الجاي مع الحليب

الافتتاح الرسمي للمحل كان اليوم بحضور العديد من الفنانين وبصراحه كان المكان مزدحم وكله شباب ففضلنا ندق نطلب ويوصلون لنا الطلب لي السياره وماقصر واحد من الشباب اللي يشتغلون هناك خذا طلبنا وقعدنا ننطر وما شاء الله الخدمه كانت سريعه جدا

chapatinkarak2

الفنان حسن البلام بعدسة اللي يشتغل بالمحل 🙂 ماقصر خذا كامرتي وجكجك لي جم صوره

chapatinkarak3

المحل من داخل وايد بسيط

chapatinkarak4

بعض الانواع الموجود عندهم بالمنيو

الجباتي السادة, جبن قلاص, شيدر, بيض, لبنه, نوتيلا, رهش, عسل, حلوم

chapatinkarak5

خدك القيمر انا اتريق منه خخخخخخ

ماكو عندك بالمنيو جباتي بالقيمر يالبلام 😛

chapatinkarak6chapatinkarak7

بعض الفنانين اللي شفناهم الفنان جمال الردهان, عبدالله بوشهري, مشعل الشايع, الملحن ساهر, عبدالمحسن العمر, فهد البناي والشيخ دعيج الخليفة

chapatinkarak8chapatinkarak9chapatinkarak10chapatinkarak11chapatinkarak12chapatinkarak13 chapatinkarak14

وصل الكرك الطيب .. حبيته وايد طيب والشيره معتدله وحااااااار يحرق اللسان من كثر ماهو مطبوخ

بالنسبة لي ممتاز علشان ما يبرد بسرعه

chapatinkarak15

جباتيناااا

chapatinkarak16

جباتي بالشيدر كانت الخبزه ناشفه ولذيذة والحشوة بكمية راهيه مو طرارة بس ثقيله شوي مع الجباتي

chapatinkarak17

جباتي بالجبن كرافت والعسل شي خطيررررررررر وناطع وانصحكم فيها وبشدتين

chapatinkarak18

الاخيره النارية بنوتيلا هم كانت عظيمه بالطعم

chapatinkarak19
الفاتورة طلعت 2,700 دك واشوفها معقولة مقارنه بالمطاعم الجديدة وايد ناس قريت ردودهم بالانستغرام انه حرام الجباتي ب750 فلس
رايي انا ضد غلاء الاسعار بالنسبة للسلع الاستهلاكية لكن هذا مشروع ومن حق صاحبه انه يحط السعر اللي يبيه وعلى الزبون الاختيار بينه وبين غيره محد مغصوب على شي 🙂
ماعرف حسن البلام شخصياً لكن هذا رايي الشخصي لكل مشروع وطبعاً كل التوفيق لبو علي واي مشروع كويتي

جباتي وكرك مكانه بالسالمية – شارع الخنساء بجانب مطعم البطة المرحه
Tel : 25757657 – 50445040
Instagram @Chapati_Karak

47 comments

  1. abeer says:

    الله يعطيج ألف عافية يا الغالية على هالتغطية الحلووووة مثلج ..ويبارك بالمحل لصاحبة ومنها لﻵعلى ..والسعر اشوفة مناسب في الوقت الحالي تساير لغﻵت المواد اﻵساسية ….والله يعطيج العافية لو مو انتي جان ما عرفنا شي …

  2. Ebtihal says:

    غالي ما يسوى
    ما ادري ليش لازم الاسعار
    نار وشرار
    خاصه اذا صار مشروع شباب كوبتي

  3. maysa says:

    ** صباح الورد المطعم للشاعر ساهر و حسن البلام

    و يعطيج العافية عالتغطية الحلوة

  4. Roqayah Alobaidly says:

    يعطيج العافيه حبيبتي، بس حبيت اتواصل معاج بموضوع جداً مهم
    شلون اطريقه؟

  5. Huda says:

    مبروك الافتتاح و بالنسبه للاخت الي تقول السعر عادي تزامن مع غلاء الاسعار
    الجباتي ٧٥٠ فلس ليش يعني لو ٢٥٠ معقوله
    في محل بالقادسيه صوب الجمعيه احلي ماكولات هنديه فيه ع و كاهو بنفس الاسعر و طلع ذهب عليهم بالعافيه
    لكن سالفت غلاء الاسعار المفتعل هذا غير مقبول صراحه و العتب مو على التاجر العتب علي المستهلك الي بسبته صارو التجار تجار بسبت ضحالت تفكيره و نظرته و

  6. Bodoaij says:

    ياجماعه لاغالي ولاشي حجمها كبير وطعمها لذيذ جربوها وبعدين حكموا

  7. Hard Rock says:

    اسعارة ولا ميس الغانم الجباتي اللي عندهم مطحون مع ذهب الله يخلي المطاعم الهندية تتريق ب750 فلس احلي وجبة والاخ او الاخت اللي كاتبة الموضوع اذا اسعارة معقول بالنسبة لج احنا عيال فقارة مونفسك طبقة مخملية

  8. محمد says:

    بنص دينار ناخذ ترس جباتي مباالغ بسعره كلها جباتي وشوية الوان عالقرطاس

  9. بومشاري says:

    العفريت اخذ مشروعي كنت افكر بنفس المشروع
    لكن ماعليه عليه بالعافيه والله يوفقه ان شاء الله
    يستاهل بوعلي
    والى الامام تستاهل

  10. انا says:

    بعرف شنو المبرر چباتي ٧٥٠ فلس
    وشنو اليديد ندري انه مشروع
    لكن من حق الناس تعرف مبرر رفع السعر الچباتي بالجمعيات وفي مثلج وغيره
    يعني منطق بالترفع
    تبون تسوقون له سوقو من غير انحياز احترمو عقول القراء
    من غير تصغير
    اشتريه ٥٠ وابيعه ٧٥٠
    وتكلفته
    طحين وماي!!!!

    • بو احمد says:

      صح لسانك وبعدين فكرته وايد غبية شكو الجباتي بالكرك ليش مالنا بالديرة شي كويتي تراث كويتي شنو كرك قاعدين بالهند ولا باكستان !! ياريت عندنا ممثل كويتي أصل وفصل عالاقل يبطل شي فيه تراث مو كرك شاي وحليب سموه كرك والله حاله عيل ببيع بيبسي ونخي وبسميه ماجلان كيفي راعي فكرة

  11. بوخلي says:

    جباتي مع نوتيلا اب اقدع مطعم هندي اب 150 فلس ليش سعر الجباتي نفس سعر وجبه الاطفال اب هارديز طير بابا طييييييير

  12. Yousef-alqalaf says:

    انا احترم الفنان على فكرتة ومن حقه يحدد السعر
    بس من فطرة انك اتحاول اتحدد سعر انه مايكون فارق عن سعره الاساسي وايد
    معروف صوت الهند انه اهو افضل مطعم هندي ولكن سعر جباتي ١٠٠ فلس
    مطاعم العاديه ٥٠ لو انا صاحب المطعم اخليها ٣٥٠ اشوفها معقولة ترا السعر يحكم مهما كان انا صاحب مشروع احاول اني ارضي جميع الاطراف الله يباركلة انشالله

  13. يالمقصه says:

    اموت على الترفيع .. يبا روحي فرع صباح السالم واطلبي جباتي وكيما ولا فلافل ولا لبنه ما يكلف الا ربع دينار .. يا بنت خلج عن الترفيع وتصيرين صيده

  14. ahmad says:

    الله يخلي جباتي الجمعية ب ٤٠ فلس
    يعني اقدر اشتري ٢٠ جباتيه واوزع عالفريج
    وبنفس سعر الحباتيه الوحده من مطعمكم
    الله يوفقه حسن البلام
    بس زين يسوي
    لان في ناس ما يعجبهم الا الشي الغالي
    حتى لو كان بنفس الحرده لازم ياخذ الاغلى
    واهم كيفهم بعد
    فاهو اولى بفلوسهم
    يستاهل ولدنا

  15. الوحش says:

    شسالفه جباتي 750 فلس شصار بدنيا كلها 30 فلس حبة جباتي مع الي داخلها تصير 250 فلس لازم ننهب العالم عش

  16. عادل البحلق says:

    السلام عليكم
    أكل لذيذ ومطعم جميل وزيارة لك قريب
    وبالتوفيق ..

  17. دكتور نايف الصفران says:

    تستاهل خوي الغالي حسن ومنها الي الاعلي ونشاط ذكي ومتميز في الاختيار واتمني لك التوفيق والانتشار باذن الله… اخوم دكتور نايف الصفران 90010003

  18. بوجراح says:

    احنا نشجع الأفكار الشبابية ، وبالنسبة للكرك معروف بكل دول الخليج ماعدا الكويت
    والسعودية ليش ؟؟ الفنان البﻻم يعرف ﻻن ماشاءلله عنده اصدقاء من الخليج

  19. الجاملي says:

    موفق ان شاءالله بس إذا تبي
    ترا في فرق بين الچباتي والبرتا
    الچباتي حق لهنود والبرتا حق البكستانيين
    وسعر الچباتي مع جبن أو نوع اخر غالي لو كان سعرها ٢٥٠ ممتاز موفق مره ثانيه

  20. Nadawi says:

    الف مبروك للفنان البلام يستاهل وفكره حلوه الكرك وانا احب الجباتي الخفيف مو المتين والله يجعله قدم السعد عليك

  21. مدام الخشتي says:

    يعله مبارك وسعيد وان شاء الله تشوف من وراه الخير والف مبروك تستاهل يابوعلي كل خير

  22. يووووعانه says:

    طبعاً انتي تاكلين ببلاش واجكجكين بالصور وتقولين السعز مناسب

    • PinkGirl
      PinkGirl says:

      من قالج اني معزومة علشان آكل ببلاش !!! انا رايحه حالي حال اي زبون ودافعه سعر اللي شريته حبوبة

  23. ommoubarak says:

    الف مبروك تستاهل كل خير يالبلام وان شاءالله تفتح افرع وتتوسع يارب

  24. ابو عبداللطيف says:

    بالتوفيق المبارك إن شاء الله تعالى . و حسن البلام ولدنا ولد الكويت وكل شباب الكويت يستاهلون

  25. om saqer says:

    الف مبروك وعليه بالف عافية دامه فنان ومواطن كويتي يستاهل والله يزيد خيره ويسوع رزقه

  26. ahmad says:

    750 فلس للجباتي ؟!؟!؟!؟!؟!؟
    !؟!؟!؟!؟!؟!!؟!؟ ليش اشطالب انا
    الجنون فنون

  27. Ltof80 says:

    عسى ما شر 750 جباتي
    والله يازين جباتي جمعيتنا الحبه ب 50 فلس

  28. الذيب says:

    أشكره بايق الاسم .. هذا محل مشهور جدا في الدوحه قطر وله فروع وايد

  29. فيصل says:

    الحين وجبة حلوم بالجليب ب ١.٧٠٠ ما في احد اشتكى صمونه و بطاط و علبة بيبسي
    يبا اللي معندوش ما يلزمووووش
    بالتوفيق بوعلي

  30. Bodoaij says:

    ياناس بس فالحين تتطنزون بسكم الي يبي يشتري يروح ولي يبي يروح مطعم الجمعيه يروح الريال ماغصب احد فيكم خلو تعليقاتكم منها فايده عشان نعرف شنو احلي شي

  31. Tahani alQanim says:

    ان شاء الله لنا زيارة قريبة لمطعمه
    وبنشوف كل شي مميز أكيد
    بالتوفيج

  32. ام جاسم says:

    مبروك على الافتتاح المطعم

    عليك بستين الف عافية يارب وعسى ربي يوفقك ويهنيك ويفتحها عليك ان شاءالله تستاهل كل خير

    ما عليك من الناااس الي تتكلم اذا بتسمع كلامهم بتتعب الحرة وماتسوووي

    هذا اهوه الرازق بالسماء والحاسد بالارض

  33. نور says:

    تقليــــــــــــــد لمحل جباتي وكرك المشهور في كتارا في قطر وفروعه واصلة لندن

  34. Alaawy says:

    الطحين ومدعوم والحليب من التموين
    وحدث العاقل بما يعقل
    جباتي ولحم مفروم ب ١٥٠فلس بفرع كيفان جنب النادي

  35. Ashknaz says:

    شجعوه باركوله قولو الله يزيدك ويوفقك فاجين حلجكم علي نص دينار
    وعالمطاعم الثانيه تقطون ٢٠ وله ٣٠ دينار ناس فاضيه ساذجه

  36. Withe Me says:

    عن جد ناس سلبيين وتحب النقد بقوة
    المفروض تطالعون الايجابيات في الموضوع
    لما الواحد يفتح له مشروع نتمنى له الخير والتقدم ونفس الوقت نشوف طريقنا شنو نتقدم فيه

    مو اول ماتشوفون احد سوا شيء حطيتوا يد ع خد وتحلطم ونقد

Comments are closed.