Review : The Talise Spa at Jumeirah Messilah Beach Hotel in Kuwait

talise1

قدمت لي فرصة جميلة من فندق جميرة شاطىء المسيلة لأخذ جولة وتجربة السبا الجديد الذي تم افتتاحه مؤخرا

Talise Spa

في هالسبا بتلقون كل الاشياء اللي تخليكم تتمتعون بالاسترخاء مع توفر احدث انواع العلاجات

المكان هادي جداً وكبير لازم تكونون ماخذين موعد مسبق لعمل المساج وبعدها تختارون الخدمة او العلاج اللي تبونه

اذا وصلتوا الاستقبال الخاص بالسباب يقدمون لكم ابليكيشن عن المعلومات الخاصة فيكم وبعض الاسئلة عن حالتكم الصحية والاماكن اللي تحبون تركزون عليها وقت المساج

talise2

بتشوفون بعد بالاستقبال عرض لبعض منتجات التجميل

talise3talise4

دخلنا بعدها مع الموظفه الخاصه لغرفة اللوكر ومكان التبديل .. اللوكر مرتب وداخله بتلقون الروب اللي وايد حبيت نعومته على الجلد وكل اللي تحتاجونه وطريقة اغلاقة سهله واحسن وايد من المفاتيح او الكروت اللي اغلب اماكن السبا تستعملهم

وبتلقونه يمهم مكرم السامع حمامات ومكان خاص لتسريح الشعر

talise5talise6talise7talise5-

وبدينا بالجولة ودخلنا السبا

المكان وااايد حلو والاضاءة رائعه للاسترخاء والريحة فريش خنينه

عندهم 17 غرفة داخل السبا اضافه لجناحين خاصين

talise8talise9ودعت اختي وصديقتي واتجهت للغرفة الخاصة بالمساج وكانوا مختارين لي المساج السويدي
ويعرف عنه بالتدليك الكلاسيكي
بدت معاي بفوطة ساخنه على الريل وبعدها مساج خفيف وركزت بالضبط على الاماكن اللي كنت كاتبتهم بالورقة
خمسة وخمسين دقيقة من الاسترخاء والتدلع وقبل نهاية المساج ردت حطت ماي حار بفوطة على ريلي  ورشت بالهوى ريحة وايدعجيبة نزل الرذاذ على ويهي كان وايد منعشtalise10

بعد المساج خذتني لغرفة الاسترخاء وطلبت مني اختيار الجاي اللي ودي استمتع بشربة بهالجو الطيب

طلبت جاي ليمون كان عجيب

talise11

من الاشياء المختلفة واللي وايد حبيتها في سبا تاليس انه التجربة مو بس للمساج انما متكاملة وتقدرون بعد المساج تستمتعون

بباقي الخدمات والمميزات مثل غرفة الملح والبخار والثلج والهيدروثيرابي والجاكوزي والعلاج بالالوان اضافه للعلاج المائي

talise12غرفة العلاج بالالوان سرير مريح مجرد تسترخون فيه وتهدون ذهنكم وتختارون اللون اللي تحبونه

talise13

غرفة الملح فيها 6 سراير و موجود فيها ارقى ملح من جبال الهملايا ذو الفوائد الكثيرة منها علاج الجهاز التنفسي والربو والحساسية والتهاب الجيوب الانفية والاكزيما

احلى استرخاء على فراش الماي الحاااار بغرفة الملح

talise14

هذي غرفة السونا

talise15talise16

طبعا في مرافق اخرى مثل غرفة الثلج والهيدروبول والبخار ماقدرت اصورهم كان فيهم ناس

بس اللي بيروح يحط في باله ملابس سباحه للحوض والبخار

لاحظت شي انهم حاطين بكل مكان ماي منعش مثلج بالنعناع والليمون او الخيار حبيت الفكرة وصج طعمه منعش والشي اللي فعلا الواحد يحتاج له بعد خروجه من مكان حار مثل السونا او البخار وحتى باقي المرافق :)

talise17بالنسبة للاسعار صديقتي كانت معاي ودفعت 29 دك للمساج السويدي لمدة 55 دقيقة

واشوف السعر معقول خصوصا بوجود مميزات وخدمات اخرى غير المساج

For appointments call (965) 2226-9688
Email: jmbtalise@jumeirah.com