الاسبوع اللي طاف وصلتني دعوة جميله من مطعم بوتشر دين المتخصص بالستيكات اللذيذه
والدعوة معاها هديه وايد مفيده عباره عن سيت سچاچين خاصه بتقطيع الستيك والسيت محفور عليه اسم البلوق
وصلنا المطعم بالموعد المحدد
انا كنت رايحه المطعم من قبل وكاتبه عنه – اضغط هنا
لكن المره اللي طافت ماطلبت ستيك وهالمره رايحه وخاطري اجربه 🙂
الاضاءة خافته والديكور بسيط
ضيفونا بالشعر بنات اللذيذ
وطلبنا شي نشربه على مانقرر شنو ناكل بالضبط
اول عصير اسمه
Passione
عباره عن خلطه سريه مع انواع من الفاكهه الاستوائيه وااايد لذيذ
اما النوع الثاني طلبته نوره صديقتي اسمه
Butchers Cooler
عباره عن موز وبرتقال وسكر بني مع اليوقرت بالعسل والباشن فروت
بصراحه ماحبته وماشربت منه شي وهذا ذوقها واكيد الناس اذواق 🙂
وطبعا اخترنا بعض الاطباق واول الواصلين السلطه
Wild rocket & Blueberry Salad
السلطه زينه مو واو احس في شي ناقصها يمكن دريسنج اكثر
كوكتيل الربيان كان لذيذ جدا والصوص ناطع
Shrimp Cake
ربيان بالبقسماط وايد لذيذ
Mini Cheeseburgers
ميني چيز برجر وايد طيب مع فرايز ضعيف لذيذ
New Baby Potato Chips
هالبطاط مشكله نوعه لا يوقف خفيف ولذيذ مع الرانش اللي فوقه
ونلقي نظره على الشيف واهو يسوي الستيكات الزينه
ووصل الستيك الطيب نوعه
Fillet 250 gm
طلبناه ميديم ويل
واااايد لذيذ وطلبنا معاه صلصة المشروم وماش بوتيتو
وبدوا يسوون مسابقات و نوره صديقتي شاركت في مسابقه تذوق انواع الصوص معرفة نوعها
٦ انواع مختلفه لازم تذوقينهم بدون لا تشوفين وتقولين اسمهم
چاااان تفوز والله منتي هينه صديقتي تعرف تتذوق 🙂
وانا طلبوا مني اصنف انواع الستيكات ويل دن ولا ميديم هالسوالف لكني طلعت خرطي ومافزت ههههه
عقب المسابقات طلبنا چاي وكابتشينو وبانتظار الحلو
ووصل الحلوو
Dulce de leche waffle
شكله عادي بس الطعم خطيرررر
Raspberry & Chocolate tart with Strawberry ice cream
مولتن الچوكليت مع ايس كريم الفراوله و عود عنونو من شعر البنات
واحنا طالعين عطونا هديه ظريفه تمثل شعار المطعم وهو البقره اللي مشهورين فيها حتى بالديكور 🙂
شكرا لمطعم بوتشر دين وشركة غالية تكنولوجي على العشاء والليله الجميلة
Butcher’s Den is located in Al-Bida’a next to Java Detour cafe
Tel : 22263140
Instagram @ButchersDen
