اليوم وصلتني مفاجأة و عيديه جميله من المطعم اللبناني قصر البردوني
طبليه لبنانيه (طاوله صغيره) عليها اسم البلوق و مزينه بالطربوش اللبناني المشهور مع الورد و التهنئه بالعيد 🙂
وغير جذي فطور كامل من المقبلات الى الحلو
ماقصروا سفرتنا كانت لبنانية خااااالصه بتعإد ؛)
الطبليه شي عجيب من @eventsbym
شغل نازك ومرتب تبارك الرحمن
بدينا بالمقبلات حمص و متبل و تبوله و محمره وورق عنب و فتوش
وكل شي كان حلو ماشاء الله
من احب الاطباق عندي البطاطا الحره يم يم بس لو راشينها شوية ليمون جان صارت انطع
ويايبين لنا مجموعه من مخبوزاتهم
خبز التنور اللبناني و الخبز اللبناني العادي اللي يحطونه بالجيس و الخبز المقرمش
المشويات (كباب – شيش طاووق – تكا لحم) عجيييبه
انا صديقي التكا اذا كان موجود ما اقرب يم الباقي وللامانه كان طيب جدا جدا
وختمناها مع ام علي اللي الكل يحبها بس مشكلتي معاها ما احب الكشمش (الزبيب) بس عموما كانت طيبه
اكرمكم الله يالبردوني وعيدكم مبارك
Alberdawny Located in Salmiya, overlooking the Gulf road and across the street from the Yacht Club
Tel : 25661117 – 25661118
Instagram @Alberdawny
مرحبا عزيزتي
انا متابعه للبلوق من فترة ومستمتعه لكن في الفترة الاخيرة اصبحت البلوقات عبارة عن دعايات وهو شي جيد ولكن يجب مراعاة ان لك متابعين من خارج الكويت وهذي المحلات مو من ضمن دائرة اهتماماتهم . فاقترح عليك التنويع في الطرح اذا امكن عشان ما تحصرين نفسك في نطاق محلي بحت
تقبلي تحياتي
منال من الرياض
هلا فيج اختي منال وتشرفني متابعتج ويسعدني وجود شريحه كبيرة من المتابعين من خارج الكويت
لكن اذا كنتي من متابعيني القدم بتعرفين انه الاهتمام الاكبر من نصيب ديرتي وابراز الشي الجديد فيها حتى لمتابعيني من الخارج اللي ممكن بيوم من الايام يشرفونه الديره وممكن تنفعهم هالمواضيع واللي الحمدلله يتني من خارج الكويت ايميلات كثيرة تهتم بهالشي 🙂
لكن هم مايصير خاطرج الا طيب في حال لقيت شي يهمني ويهم الشريحه الخارجية من عيوني
والف حياج الله
Comments are closed.