بدعوة من اخوي فيصل الغريب صاحب موقع كول كويتي حضرت كواليس تصوير اعلان مسرحية الاطفال مدينة الزنوج لستيج قروب
بطولة الفنانين احلام حسن – زهره عرفات – عبدالمحسن العمر – محمد المسلم – ابراهيم دشتي – احمد خميس – عبدالله مال الله – فيصل فريد – رمضان جلكسي – محمد عبدالعزيز المسلم – شهد وبمشاركة فرقة ميامي الكويتية
اخراج عبدالمحسن العمر وتأليف جاسم الجلاهمه
مدير انتاج سلطان شاهر
المسرحية تناقش الصراع المستمر بين الخير والشر بين الطمع والقناعه ومدينة الزنوج هي ساعة الصراع بين الفريقين والوطن هو الاهم والباقي رغم كل الصراعات
كان الكاست من الظهر موجودين لعمل مكياج وشعر الشباب ويجهيزهم للتصوير بكاستوم المسرحية .. انا وصلت بعد الفطور وشفت ان الاغلبية مخلصين وناطرين بدء التصوير
الديكور والازياء للمتميزة م. فاطمه القامس وهذي فاطمة تجهز الفنان ابراهيم دشتي
المكياج للمبدع عبدالعزيز الجريب
اللبس والمكياج ابداااع بس الله يعينهم على التعب خصوصاً قبل العروض بالعيد ياخذ وقت وجهد والله
وهذي المبدعة زهرة عرفات جهزت من الميك اب والشعر وصورة قبل لا تلبس 🙂
وهني كشخت بالكاستوم شي شي البرتقالي
الملابس كلها يايبينها من برا مخصوص لهالمسرحية
جاهزين شباب ؟؟ 😛
الفنانة الحبوبة احلام حسن
صور لبعض المشاركين بالمسرحية
شي لذيذ خذا قلبي هالوليد الله يحفظه حركاته ورقصته ناااااطع يا زينه اسمه حمودي
بعدين دريت انه ولد الفنان عبدالعزيز المسلم الله يخليه له
الفنان الحبوب عبدالمحسن العمر
محبوب الاطفال الفنان عبدالله مال الله
ماعرفته الا لما نادووه حق التصوير ههههه شكله غير مع المكياج
نجم ستاراكاديمي ابراهيم دشتي
كاميرا داااااااااير
خلف المونيتور
لقطات من تصوير الاعلان وان شاء الله اذا نزل الاعلان احطه لكم 🙂
جان يوصلون فرقة الكويت الاولى اكيد فرقة ميامي الكويتية يازينهم فرقة الطيبين اللي كانوا ولازالوا الورقة الرابحه بأغلب الاعمال اللي يشاركون فيها قمة الحبابة والتواضع والطيبة مشعل وخالد وليلي وماننسى طارق بعد الغائب الحاضر
ياحلوكم ياحلوكم شوفو شوفو ياحلوكم على عيني وعلى راسي وانتو ربعي وانتو ناسي مافي مثلكم ياهلي الله يحفظكم ياهلي
يا زين اغانيكم ويازين ذيج الايام 🙂
ميامي عقب ما كشخوا للتصوير
للامانه المسرحية شكلها وايد وايد حلو وان شاء الله اذا كنت موجودين بالعيد بحضر لأنهم شوقوني 🙂
وشباك الحجز مفتوح حالياً في نادي كاظمة الرياضي (صالة شاهين الغانم) – العديلية
Tel : 55980022
5 comments
Comments are closed.