حديقة اليرموك النموذجية

yrmoukgarden1

حديقة اليرموك النموذجية (قطعه 2) غير عن كل حدايق الكويت لأنها اول حديقة صديقة للبيئة ومعتمده على مواد و نفايات معادة التدوير استخدمت بشكل جميل ومنظر غريب من قبل المهندس بدر المنصور والمهندس فيصل العبيد مصممي ومنفذي الفكرة وبرعاية من شركة الوطنية للاتصالات

سمعت عنها و في وايد ناس راحولها من قبل وصوروها  لكن ما سمحت لي الفرصه اني ازورها بالفترة الشتوية او الربيعية اللي المفترض الواحد يستمتع فيها بالحديقة

الله اراد اني اكون قريبة من المكان اول امس مع ولد اختي وقلت انزل اخذ لي جم صورة كون الجو ما يسمع انه نقعد واراويه ابداع شباب ديرته وشلون قدروا يسوون من النفايات والمواد غير المستخدمه اشياء فنية جميلة

yrmoukgarden2yrmoukgarden3

بوم كويتي مصنوع من مواد معادة التدوير

yrmoukgarden4

ندخل الحديقة .. الوريدات قمة بالابداع يشوقون ومنظرهم حلو

yrmoukgarden5

سلحفاة عملاقة مصنوع سطحها من تواير سيارات

yrmoukgarden6

الكراسي غريبين عجيبين جرايد وانابيب واخشاب

yrmoukgarden7yrmoukgarden8

المظلات مصنوعه من خراطيم الماء الخاصه بالاطفاء

yrmoukgarden9

كيبوردات

yrmoukgarden10

جزء من ميني باص مستخدمينه كمقعد مع مظلته بشكل ظريف

yrmoukgarden11

هاللوحة جداً حبيتها الموناليزا الالكترونية .. شغل عدل اتينن

yrmoukgarden12yrmoukgarden13

الشجرة العملاقه في وسط الحديقة مصنوعه من التواير

yrmoukgarden14

البحيرة الصناعيه مع مجسمات السلاحف والفلامينغو مادري البجع شحلوهم مسوينهم من براغي ومسامير

yrmoukgarden15
الحديقة وايد حلوة ما شاء الله استمتعت مع ان الجو موت حر وانصحكم تزورونها اذا ربي كتب وبرد الجو وترى فيها مكان خاص فيه العاب لليهال ما صورته
الحديقة بالضبط ورا المبنى اللي فيه صالون لاشز و وايت اكسبو