ونكمل جولتنا في قرية كويتي وافتخر بين هالدكاكين القديمه والرسمات الحلوة
وصلنا لي عند اشهر محل بالكويت عند فورتجن كوكي وام الفناتق اريج الخرافي 🙂
كالعاده الديكور يشوق ولازم تدخل الطابع التراثي بالعصري وهالمره شفتوا الصواني اللي على الطوفه ترى يدورون جنهم مراوح يشوقووون ما شاء الله
الكوشيات عجيبين كلهم اشياء ايام الطيبين البفك والارنب الجائع وتوتي فروتي وجيم بوي وهم اكو انستغرام وواتس اب
فرح الحميضي موجوده بعد بأطقمها الحلوة
هالبوث حبيته ديكوره يشوق مسلسلات اول واكثر الجمل اللي الزقت بلسانه منهم
Rashena Collection
ملابس سهره وكاجوال من تصميم بنات الكويت
صلاح زماني وقطع اثاثه وكوشياته اللي تشوق موجود بعد في القرية
The Balm Cosmetics
وجان نشوف المصممه الحلوة جنان الفارس
Osho’s Studio
مسوين شي وايد حلو مكينه نفس اللي نصور فيهم اول ندخل ونلبس الاشياء اللي نبيها ويصورونه اربع لقطات مختلفه ونستلم الصوره فورا مقابل 3 دك
ويا معيريس عين الله تراك والقمر والنجوم تمشي وراك
بوتيكي كاجوال موجودين ايضاً بالقرية
عندهم تيشيرتات تشوق خصوصاً لليهال زوووغه
بوث ازقرت موجودين وعندهم سكنز للموبايلات وايد حلوين والاسبوع الياي تنزل عندهم لعبة السور
صالون ون تاتش
خوش اصباغ عندهم ويسوون لكم عجايف اثيوبيه اذا تبون وانتوا قاعدين 🙂
The Story Nail Spa
مكانهم حده يشوق كوخ عنونو يسوون لكم فيه مانيكير
بعض البوثات في القرية
بوسترات وايد ملزقين على طوَف القرية يضحكون عليهم عبارات او امثال كويتية و شخص يمثلها 🙂
خالتي قماشه ومحبوبة
سفينة الصحراء يثبت وجوده بالقريه
ستاندات حلوة تقدرون تصورون وراهم على هيلا يا رمانه و الاوبريت مال صبي كسر المنظره 🙂
خوش دوات (دوه) عند جمرة غضا
لازال هناك الكثير .. انتظروا البوستات القادمه 🙂
ما شاء الله عليكم شباب الكويت بجد انا افتخر فيكم ما بالكم ابناء البلد
يعني بجد شغل حلو وراقي والبوثات كل بوث شي عجيب
الله يوفقكم ويوفق المشروع الي اتمنى لو يكون له مثيل بكل دولة خليجية وتقام سنوية بعد
متابعة لك
الله يوفق الجميع يا رب
بدوا في البحرين وعقبال باقي الخليج
Comments are closed.