Visiting @VIOLET_Concept Store

وايد بلوقرز كتبوا عنه من قبل لأنه صارله سنه من فتح تقريباً Violet Concept

جم مره اروح البرج عندي جم شغله والقى المحل مسكر لكن هالمره لقيته مفتوح وكنت رايحه مخصوص علشان 

Coffee cup sleeve بسوي

علشان اعطيكم فكره عامه عن المحل اهم متخصصين في المنتجات الجلدية وعن طريقهم تقدرون تصممون قطعكم الخاصه (جلد الساعات – المحافظ – الاساور – كفرات الموبايل) بنوع الجلد اللي تبونه وباختياركم من الالوان المتعدده اللي عندهم وحتى الخياطة وهم تقدرون تحطون عليهم احرف من اساميكم وجلد الساعه من تحت تقدرون تكتبون عليه اسمكم الكامل بعد

وبجذي تكونون متميزين بأشياءكم وتضمنون ماكو احد عنده مثلكم 

اهم يتعاملون مع افخم المصانع في فرنسا والطلبيه تاخذ من 2 الى 3 اسابيع تقريباً للوصول

للساعات Jacques Lemans عندهم بعد ماركة

احد اشهر ماركات الاكسسوارات INGENIOUS واول ناس اييبون ماركة

في لندن والحلوو انهم يايبين عدد محدود من القطع علشان الزبونه تتميز بقطعتها 

عندهم بوكسات فاخره للساعات اللي تعمل على النبض مثل الكارتير والرولكس وغيرهم 

العلبه تعمل على البطاريه وبدون صوت بعد ,, تخلين الساعه فيها وتدور طول الوقت الى ما تلبسينها مره ثانيه بدون ما تحتاجين تكوكينها 

Kiel James Patirck ومنزلين قبل جم يوم الهبه اليديدة سوارات

بألوان واشكال وايد واسعارهم وايد حلوة بين 11,5 الى 17 دك

GEODESIS وهم منزلين ماركة

للعطور المنزليه والشموع

امممم هني بتكلم عن سماح وحده من اصحاب هالمحل, فرنسية وامها تونسيه .. انا رحت المحل علشان بطلب السليف وامشي لكن قعدت ما يقارب الساعه ونص اسولف معاها .. زوووغه .. انسانه حبوبة وراقيه وتدخل القلب 

سماح كاتبه كتاب عن الكويت واختارت اسمه يكون

Why did i choose Kuwait 

تشرح فيه كل شي ما يعرفه الاجنبي والغريب عن هالديره وليش انها فضلت تعيش بالكويت على باريس .. انصدمت لما فتحت لي الكتاب والمعلومات الرائعه اللي فيه .. كتاب سلس داخل في صميم الكويت اللي يقراه يقول سماح طول عمرها هني مو بس 6 سنين

حتى الصور اللي بالكتاب مستعينه في مصورين كويتيين علشان تبين ان الكويت مو قاصرها شي وفيها من الطاقات البشريه الكثير بمختلف مجالات الحياه

تقول ناس وايد برا الكويت على بالهم الخليج مجرد بر وجمال لكن الصج انه الكويت والخليج قمة بالتطور وبكل مجال وسبب حبها للكويت اكثر هو الصداقات اللي انشأتها 

سماح تشرفت بمعرفتج ,, فرحت بطريقة تفكيرج ,, حبيت فيج اكثر حبج لديرتي وتعريفها للناس بكتاب قمة في السلاسه الفكاهه الرقي والحقيقه 

هالكتاب 10% من ريعه راح يكون لدار الايتام بالصليبيخات .. شكراً سماح

اللي حاب ياخذ نسخه حق اصدقاءه خارج الكويت ترى يستاهل من قلب وموجود في ذات السلاسل وفيوليت كونسبت بقيمه 10 دك

Violet Concept Located in Sanabil Tower, Ground floor

Twitter @VIOLET_Concept    FB Link