بيت احمد بيت احمد .. وايد سمعت هالاسم من قبل
لكن مادري ليش هالمره بروحتي للمباركية ذكرته .. وحست شوي بدواعيس المباركية جان القاه
محل غير عن محلات المباركية اللي تعودنا عليهم .. اقدر اقول عنه بازار كل شي فيه من الكويت من تركيا من لبنان
اغراض اشكال والوان اللي تمشون تقولون اللــــه حلوو 🙂
اللوحات اللي عارضينها وايد حلوة وعندهم صحون واشياء للبيت تشوق
حمودي وعبودي وخالد اخذولهم طرابيش من بيت احمد 😉
جوله حلوة ومحل فنتق تلقونه بأول دخلة المباركية صوب الصراريف الشارع اللي سكروه وخلف سوق البشوت
يفتح من الساعه 9:00 صباحا و حتى الساعه 2:00 ظهرا
و من الساعه 4:00 عصرا و حتى 10:00 مساءا
Tel : 22467373
يبيله روحة ان شالله … طبعا غرام ولدي عبود بالسوالف يمووت عليهم
يعشق شئ اسمة المباركية مع ان عمره 13 سنة
بس حبها ليما يروح مع ابوي الله يخليه لنا يارب
وانا وقت القعدات اللي فيها
Comments are closed.