Coverage : @The_Avenues Phase III Districts

الافنيوز .. مو مجرد سوق ولا مول ولا مطاعم ولا قهاوي .. الافنيوز صار معلم شهير من معالم الكويت لكن مع افتتاح بقية اجزاءه ان شاء الله بيكون شي نفتخر حقاً بوجوده بالديره

اليوم وكعادة ادارة شركة مباني وموظفينها النشيطين في قسم التسويق والعلاقات العامه تمت استضافة المدونين لتغطية الاماكن الجديدة بالمول قبل افتتاحها 

كان لقاءنا في غاريت بوب كورن بالتوسعه الثالثه وبوجود الجميع الساعه 12:30 تم تسليمنا حقيبة خاصه لكل مدَون وانطلقنـا

بعد ما تعدينا هارفي نيكلز في ممر يربط بين الغراند افنيو وبرستيج

اهو المكان اللي بتكون فيه اغلب البوتيكات للماركات العالمية Prestige

تصميمه مختلف واااااااااايد راقي واول ما تدخلون يكون على يمينكم كريستيان ديور ويساركم ال في واهو اكبر بوتيك بالشرق الاوسط

كلمة رائع شويه .. وقت الافتتاح اكيد بيكون اروع ان شاء الله

مديرة العلاقات العامة والتسويق في شركة مباني شعاع القاطي تشرح لنا عن المكان 

المكان اللي فوق بيكون لادوريه 🙂

البوتيك اللي على الزاوية بيكون شانيل وفيه بعد فوق ارماني كافيه

وهالمكان اللي بالوسط فوق بيكون فوشون كافيه

Soku

دخلته بتكون صوب ستاربكس اللي مجابل هارفي تقريباً وفيه محلات مختلفه اضافه الى مطعم اي هوب وميليونز شيك

The Souk

نقدر نسميه مباركية الافنيوز 🙂

شي عجيييييييب صج صج جنكم بالمباركية بس المحلات فيه بتكون متنوعه يعني المباركية مطور 

التصميم والليتات والالوان كل شي اينن .. وايد حبيته واللي حبيته فكرة انه نوصل تراثنا وصورة اماكنا القديمه في اهم صرح تسوقي بالكويت 

كافيه بزه

كاستانيا

ماتتخيلون شلون كنا مستمتعين بالجولة بالسوق .. شلون اذا فتح كله ؟ اكيد بيكون شي عجيب ان شاء الله

ناس قالوا يابوا لندن لي الكويت وناس قالوا ما يحتاج نسافر وانا بقولكم حتى مصر يابوها الكويت 😀

حلاوه هينااا يا قدعااان 😛

وهذا من داخل حلاوة

ومازلت مستمتعه بالتمشي بالسوق .. ما قلت لكم احب زمن الطيبين ههههه

The Mall

وفيه محلات كثيره مثل بوتس وديون للاحذية وكدزانيا وكليرز ومذركير وريفر ايلاند

الواجهه والمدخل لذا مول 

والحين الخبر الحلوو .. يوم الاثنين بيفتح سوكو والسوق وذا مول بس اكيد مو كل المحلات بتكون مبطله اما برستيج فسيتم افتتاحه شهر 12 بإذن الله 

وغير فيز 3 بيكون ان شاء الله فيز 4 و5 ويكتمل عندنا اكبر مول بالشرق الاوسط .. وعمار يا الكويت 🙂

شكراً لإدارة شركة مباني والاخت شعاع القاطي والاخ عبدالله البداح على الجولة الجميلة وبالتوفيق يارب

28 comments

  1. Fay says:

    بينك انا سمعت انه بيفتحون فيه قاعه للاحتفالات صحيح هالخبر ؟؟؟؟
    ومشكوره ويعطيج العافيه دايماا ممتعتنا

  2. rashid says:

    جعله مبااارك عليكم المجمع السنع وعقبال ما نزوركم ونشوفه ع الطبيه حده روووعه دايما مبهرينا بذوق يااهل الكويت

  3. سارونة says:

    ابيه ابيه كلمة عجييييييييب اشويه عليه بصراحة

    عسي عمره طويل : محمد الشايع … والله مقصر ونسني بالافنيوز والمحلات
    تتمني لك طوله العمر و في تقدم وازدهااار وعمران بالكويت

    صج هذي التنمية الحقيقية اللي نبيها بالكويت

  4. dandana_84 says:

    شي رااااااااااااائع تبااااارك الرحمن بس صرااااااحة الي ناقص اوتيل نبيييي اوتيل فندق مستوى راااقي والا شرايكم؟،،

  5. Mohamed says:

    يعنى دلوقتى مصر مش بتعجبكم و تقولو الكويت أحسن من لندن و مصر ؟
    مصر ياللى عمرها أكثر من 7000 سنة ؟
    طيب يعنى المفروض ما نشوف أى كويتى فى مصر تانى هههه
    بس على أى حال لو بتحبو تزوروها أهلا وسهلا بيكم

    • Nana says:

      مين قال مصر ماشاءالله بتعجبنا
      ؟؟!!!
      هي ما قالت حد احسن من حد
      هي قالت جابوا محلات لندن ومحل مصر للكويت

      وراح نظل نحب السفر الى مصر والي الخارج
      مصر حبيبتنا دايماً

  6. بحرينيه says:

    تستاهلون يالطيبين وانشالله نكون اول الزايرين من البحرين

    • بوحمد says:

      والله انتوا الطيبين. وحياكم الله حق. بلدكم الثاني. احنا اهلكم وأهل كل شعب الخليج والدول العربيه.

  7. flona says:

    اخ محمد الكويتيين يروحون مصر لان يلاقون فيها الي يبونه..
    بحرينيه مشكوره وايد عالذوق

  8. كويتي غيور says:

    اخوانا اللي مو من الكويت
    اللي يبي يدش ويقط حجي على الكويت
    يكفي دشيت الموقع مثل … وحرقت قلبك
    وشكرا

  9. هجر العنزي says:

    وااااااااو الله يعطيكم العافيه. جهود. واضحة. عمااااار يا كـــــويت.

  10. الدولي says:

    رووووعه
    نتمني ان نرى مثل هذه المجمعات الرائعه في جميع انحاء الكويت

  11. ام احمدي says:

    دوووووم يعلج ياديرتي دره تنورين هالدنيا كلها ايه جذيه الكويت مو اقل من غيرها ربي يحفظها

  12. Sweety says:

    رووووووعة ماشالله .. الله يزيد ويبارك ..
    تسلمين يا بينك على هالبلوق الأكثر من رااائع دايماً ممتعتنا بأخبارح ومواضيعج الحلوة والشيقة
    اتمنالج المزيد من التقدم والى الأمام
    

  13. 6ayoum_q8 says:

    عمــــــــــــار يا كويت
    الله يديمج لنا يا الغاليه
    و هاذي الكويت اي والله منوره يا تاج الرؤس

  14. امون says:

    عماااااااااااااااااااار ياكويت

    عاد انا بليا كله مطيحه فيه لان قريب حيل عندنا ةكل شي فيه والله نسيت السوقه الثانيه بسبته الحين شكلي بنسي الكويت بسبته لوووووووووووووووووووووووووول

Comments are closed.