لينوز كافيه من زمان موجود بالافنيوز والمهلب لكن مادري ليش ماكان يشدني اقعد اجربه الى ما شفت بوست انسام وشدني الاتيه الطبقات اللي طالبته
وتجربتي هالمره مع الحبيبه رزه اللي شاركتني بالقعده الحلوة
طلبنا موكا لاتيه وهم يكون لايرز او طبقات .. وايد لذيذ وحلاته بعد لي دش الشتا ان شاء الله يدفي 🙂
وهالشي يديد علينا بعد تيراميسو لاتيه وايي مع بسكوتة التيراميسوو يم يم لذيذذذ وحلاته تغمسون البسكوته ولا انطع
ودام فيه لاتيه شنو اللي يمنع نجرب الحلو اللي عندهم
وكان اختيارنا على البراوني مع الايس كريم وايي على طبق من الحجر الحااااار ومعاه صلصة بيضا طيبــــه
الكيكة راهية يعني اذا رايحين بتحلون بعد وجبة تكفي 4 اشخاص واذا يواعه هذا شي ثاني
عقب ماذقنا البراوني واعجبتنا وايد يالله بالغصب جربنا قفشة من التيراميسو وكان لذيذ بعد
انا بعد ولا مره قعدت فيه
بس من بعد الريفيو هذا لازم اجربه باقرب فرصه
دام فيها كوفي وتيراميسو
خصوصا انه مكانه رايق وهادي نوعا ما
تصدين حتي انا بعد ولا مرة قعدت فيه بس يبيله تجربة مع البراوني شكلها عجيييييييييييييبة وخاصة فكرتها جديدة
Comments are closed.