احد المطاعم اللي استمتع بتناول الستيك فيها The Meat Co
الاسبوع اللي طاف حجزنا طاولة للاستمتاع بتناول وجبة غداء ستيكية لذيذة 😀
المطعم ديكورة وجوه العام جداً مريح لجميع افراد العايله ومشاء الله وسيع وفيه طاولة مكانها شوي معزول فيه خصوصية تقدرون تحجزونها لأعياد الميلاد او اليمعات الكبيره
العميل اللي على طول يروح ميت اند كو يحطون له سجين خاص وينكتب عليها اسمه ويستخدمها في زيارته ويقصص فيها ستيكه 🙂
المنيو منوع فيه اللحوم (الستيكات) المختلفة واللي ما يحب اللحم اكيد الدجاج والاكلات البحرية موجوده اضافه للمقبلات والسلطات والحلويات ايضاً
لمشاهدة المنيو باللغتين العربية والانجليزية اضغط هنــــا
ضيفونا بهالشراب المنعش المكون من المانجو والبرتقال
وشوربة البروكلي
وصمونتهم الطازجة اللذيذة مع الزبدة
اما طلباتنا فكانت
Rocket, Apple & Walnuts Salad
وتتكون من الجرجير مع صلصة البلسميك وجبن البارميزان المبشور مع شرائح التفاح والجوز المتبل
كانت لذيذذذذذذة جدا جدا وانصح فيها
روبيان بالفلفل الاحمر
عباره عن ربيان مقلي مع الثوم والزنجبيل بالفلفل الاحمر وعشبة الليمون والكريمه
يقدمونة مع العيش الابيض وطعمه يشبهه الكاري الهندي
Mocambique style Chicken livers
قطع كبدة دجاج مقليه مع صلصة البيري بيري والبصل والثوم والفلفل الحار مع شرائح الخبز المحمص
مايبيله جبدتهم رهيبــه
اسياخ اللحم البقري (سيخ الجزار) احلى شي طريقة اللحم غير .. معلقة وكميتها راهية
لحم بقر متبل مع البصل والفلفل مع صلصتهم الخاصة .. لذيذذذذ جداً
ومحبي الدجاج تقدرون تطلبون نفس الطريقة بس اسياخ دجاج 🙂
ستيك تندرلوين (لحم بقري استرالي) بطريقة البحر المتوسط ,جولد متبل بالكزبره والفلفل والاريجانو مع عصير الليمون والملح والفلفل مغطى بصلصة الليمون والطماط والزيتون
تقدرون تطلبون معاها الصلصة اللي تبونها واخترنا المشروم
الستيك ترف اينن وناطع
وبعد الوجبة الهنية لازم عاد المنبهات واللذي منوو
جاي ولاتيه
جيز كيك البينت بيتر وكانت من اختيار الشيف لليوم اللي رحنا فيه .. كانت طيبه
والاختيار الرائع كان لطبق الحلويات المشكله ويحوي 5 اصناف مختلفة بحجم صغير
فوندو الجوكليت والفستق, كيكة التمر, فطيرة التفاح, التيراميسو, الكريم بروليه
الابل باي كانت موووووو صج عجيـــــبة جدا
The Meat Co Located in 360° Mall, on the Mezzanine level
Tel : 2530 9696
The Meat Co قرائي الاعزاء عندكم فرصة للفوز بوجبة لشخصين في مطعم
كل اللي عليكم تسوونه انكم تدخلون صفحه الفيسبوك الخاصه بالمطعم (اضغط هنــا) وعمل لايك وترك تعليق انكم اطلعتم على البوست الخاص بالمطعم
PinkGirlq8.com على مدونة
وحظ سعيد للجميع
For your chance to win a meal for two at The Meat Co all you have to do is:
1) Visit The Meat Co Facebook page (Link)
2) Click LIKE
3) Leave a comment on the page saying “I just read the pinkgirlq8.com blog post and I deserve to win a meal for two!”
Good Luck !
شششششششكرا على الريفيو الرائع
ميت كو من المطاعم المفضله لدي
كل شي جربته عندهم لذيذ
خصوصا البرغر حبيتها جوسي
شوقتينا نجرب الاسياخ
ومشكووووره على الفرصة اللي قدمتيها لنا يا احلى بلوغر :**
Done , Liked the page .
Comments are closed.