Review : The CheeseCake Factory @TheDubaiMall

The Cheesecake Factory سبق اني كتبت بوست عن زيارة صديقتي ل

في دبي مول لكن هالمره الريفيو عن زيارتي للمطعم فترة الغدا وكان الوضع جدا جدا زحمه .. وقفنا بلاين وسجلنا اسمنا واستلمنا ورقة تشبه الفاتوره وقالولنا تعالوا بعد 20 دقيقة

تمشينا في جم محل يمهم وردينا وسلمناهم الورقة وسلمونا جهاز صغير يرن اذا لقوا طاولة فضت لنا .. اكثر من 10 دقايق واقفين ننطر وبالاخر يتنا الويتر وصلتنا لطاولتنا

الجيز كيك اشكال وانواع

منيوهم بالعربي والانجليزي

وهذي طلباتنا اللي اخترناها

اول شي ضيفونا بخبز باجيت نوعين مع الزبده .. الخبز حده طيب وطازج

وصلت مشروباتنا لأختي بيبسي طبعا ولي موهيتوو كان صج اصلي وطعمه عجيب

توقعت تكون البافلوز نفس المطاعم الباقيه قطع صغيره بس مشاء الله البافلوز عندهم جنه فخذ دياية عود

بس الطعم لذيذذذ

بيتزا البابروني 6 قطع وتقدم مع صحن سلطة .. بيتزتهم ايضاً لذيذة والسلطة كذلك

الفرايز العشا بدونه سلطة .. ضروري وجوده على كل سفره 😛

بعد الغدا ما كان في مكان ابداً للتحليه وكنا تعبانين ونبي نرجع الفندق فخذينا الجيز كيك تيك اوي حق المغربيات 🙂

Craigs Carrot Cheesecake اختياري كان ل

طعمها وايد لذيذذذ ومع القهوه احلى واحلى

Oreo Dream Cheesecake اختي طلبت

تقول عادية مو واو

الحساب كان معقول 241 درهم يعني 18,500 دك

The Cheesecake Factory Located in Dubai Mall, Ground floor opposite to Dubai Aquarium

2 comments

Comments are closed.