Amici’s

اميتشيز مطعم يديد في السالمية مختص بمختلف انواع الساندويتش وطريقته تيك اوي اكثر منها قعده 

جربت المطعم الاسبوع اللي طاف و وايد عجبني شغلهم مرتب ونظيف واهم شي لذيذ

طلبنا سلطة اسمها (روكولا) عجيبة عباره عن جرجير وفطر مشوي وبيديان متبل بزيت الزيتون مع جبن البارميزان والبلسميك والطماط

ساندويتش (ايفوو ميلانزاني) فيها شرايح بيديان مع الجرجير والجوز والكرميلايزد اونيون وجبنة القشقوان مع صلصة البلوجيز

وايد لذيذة وعجبتني انا وصديقتي حتى البيديان خفيف مو ثقيل مثل اللي تعودنا ناكله بالمطاعم الثانية

اميتشيز حلومي هم كانت خفيفة وعجبت صديقتي 

التشيكن فاهيتا كانت مو صج عجيـــــبه وطعمها ناطع 

امتشيز برغر ..  فريش وطيبه

عندهم انواع مختلفة من الكيك اختارولنا (ايبوني اند ايفوري) وهي تشيز كيك الشوكليت

ونيويورك شيز كيك مع صلصة الكراميل او الفراولة

الكيكة ناطعه وحبيتها اكثر مع صلصة الفراولة .. الكراميل شوي ثقيل

 🙂 شكرا اميتشيز

اميتشيز في السالمية, شارع سيد ياسين مقابل اكاديمية الابداع 

Tel : 25751117

Instagram @Amiciskuwait   

7 comments

  1. Abeer says:

    جممممممممممميييييييييل هالمطعم احب اللي كذا ,,
    عقبال مااجي الكويت و اجربه ,,,

    • PinkGirl
      PinkGirl says:

      حبيبتي من ذوقج يالغاليه والف هلا ومرحبا تشرفني متابعتج يالحبيبه

Comments are closed.