Review : iPICS2GO .. Negative to iPhone Scanner !

عن جهاز غريب Kuwait10 من اسبوعين تقريباً قريت بمدونة

يحول الصور الفوتوغرافيه وشرائح النيجاتيف الى صور رقمية ويحفظها مباشرة على الايفون

ولأني من الناس الطيبين اللي مازالت تحتفظ بالتراث 😛

فعندي شرايح نيجاتيف وايد وبصراحه حبيت اكتشف هالجهاز الغريب وصج انه يقدر يحول النيجاتيف لصور ملونه اشوفها حالاً في ايفوني !!!

الجهاز سعره تقريباً 60 دولار يعني مو غالي  فإن طلبيته ماراح اتحسف على فلوسة اذا كان مش ولابد  فليش ما اجرب واطلب !! ولأني كلش مو خبره بالطلبيات وعلشان هم ما انسأل وما اعرف اجاوب فالطلبية كانت عن طريق ولد خالي جزاه الله خير  وكلفتني مع الشحن 41 دك

امس وصل الجهاز وكنت متحمسه لتجربته

محتويات العلبه : الجهاز, شريحتين بلاستيك وحده لادخال النيغاتيف والاخرى للصور الفوتوغرافيه بحجمين مختلفين

(3 x 5, 4 x 6)

AA اضافه لعدد 4 بطاريات حجم

iPICS2GO وقبل لا ابدي افتح الجهاز نزلت التطبيق المجاني الخاص فيه بالآب ستور

لأنه كل العمليه راح تتم عن طريق هالتطبيق

صج اني من عشاق الطيبين لكن هم ما نستغني عن التكنولوجيا وفي ظل وجود عموو يوتيوب الشرح بيكون بالصوت والصورة سهالات بلا دفتر التعليمات بلا عوار راس 😛

وبعد تركيب البطاريات وفتح الجهاز يبت النيجاتيف واخترت الصورة وركزتها على الفتحه المحدده بشريحة البلاستيك الخاصه

وفتحت التطبيق واخترت النيجاتيف وركزنا على صورة النيجاتيف وخذينا الشوت 

يا سلام طلعت الصورة وتقدر من خلال التطبيق تعدل على الالوان ودرجات السطوع والتباين 

وطلعت الصورة جذي 😀 

صج مو صافيه مثل صور الحين بس النتيجه بالنسبه لي حدها ممتازه خصوصا انها تيجاتيف مو صورة فوتوغرافيه 

وبالنسبة للصور الفوتوغرافيه تطبق نفس الطريقة لكن تختار حجم الصورة من خلال التطبيق والنتيجة وايد اصفى واوضح من النيجاتيف 

This is the portable device that imports photographs and slides into an iPhone in one step. Trays that accept photographs (3 x 5, 4 x 6), slides (35mm), and negatives (135) slide into the converter’s open bottom slot while an iPhone 4 or iPhone 4S slides into a cradle on top at an optimal height from the trays below. A free app enables an iPhone’s camera to automatically adjust the size and color of pictures and slides before taking a snapshot that instantly converts items into JPEG format. The converter’s LEDs provide diffused light free of hotspots, glare, or flash burn for perfect digital conversions. Includes four AA batteries

For Order Link

6 comments

Comments are closed.